ISAYA 63:6 - Biblía Axweesantá Hhohho' ar Mungú 2004

⁶ Aníng muu una yaamií naka/aruurúw ar buhhtaaeé' inooín ngiri xufitiís ar xarasleemaaeé'. Tseerer'ín ngiri yaamií ku'uús.»

ISAYA 63:6 Iomraidhean Croise

YOBU 21:20

Ahaá, inooínaá kilá' qwanay'ín ngur ariyá' ilaínaá kilae, Inooínaá kilá' buhhtaá Munguú /uuruú koóm ngir tsaqiyá'.

WARA'AMI 60:3

Ala mukók ugwa al'iiloouúr, as buhhtaawók atén tari adór múk taa difaáír waahaás, atén tari oonimiitaán.

WARA'AMI 75:8

Asma AAKOÓ MUNGÚ buhhtaawo aa qa/iít adór qwaree/amoó difaáiro aa haats, ar taa aleedoók ar muruú tsu/uút, inós gari wahaas ar múk tlákw ay dír ngay tsaanqasiya'.

ISAYA 22:5

Asma Aako MUNGÚ Aleesleemusmo, baala gaa amohhe'eés, baalár /aa/e, nee kal/aando, nee ar tlaahhi, baraá xatstá iigu'utuuwo, koo/ír gixsa kaa yaamií daáhh nee tsimaahhír muko tlom'i niri ilaoohiyé'.

ISAYA 29:9

Waa/oo/é' kiloohúng ta baraá waa/oo/amórí metá', taampumité' kiloohúng ta baraá taampu'umárí metá'! Oniimité' ala ma oonimitara' ar difaái, ta/amiité' ala ma ta/amiitara' as buurár aa hamat.

ISAYA 34:2

Asma AAKOÓ MUNGÚ xoordu sleémeero gaa i buúhh, ina amór slaqwaruuser'íní qa/iít buhhtaawo, inós gina qwaareés giri haniís kiwa tsu/i.

ISAYA 34:7

Sare/ kun tsuu/ dinkwa nee inooín, awér batlaay nee ar urene kiri tsuu/, yaamuuín niri naa/iyá' tseerduuwo, hhaper'ín iri wahhát as di/i.

ISAYA 49:26

Mukdá' kuúng u baramaanuús, aníng un /aymiís ar fu'unaá slaqooín i oonitís ar tseerduuín adór múk a oonimiit ar difaái. Daqaní umuúqo heé slafa gari xuu' adór aníng tar AAKOÓ MUNGÚ, Gweerusmoowók, Ba/amusmoowók kudá' /uuruú koóm oo Yakobo.»

ISAYA 51:17

Tlawáng aá Yerusalemu, sihhtanooro gaalalaa'aát, AAKOÓ MUNGÚ iga wahaás ar slooqomoó buhhtaawós, kiíng un tsaanqás wahto tari ta/amít.

ISAYA 65:12

Aníng aga qoomeés tunduwa tsu/i ar paánga sleémeeró tundun tsuú/. Asma qoomár nuwa ateetiim, aga ooindi'iiká qoomár niwa axwees a axamisa'aaká. Ala kuungá' muruú tlákw una tlehhé' dír geeraaeene, nee tidá' aníng i sla'atimisaaká kari tsawdé'.»

YEREMIA 13:13

Daqaní ki beer, ‹Anuú AAKOÓ MUNGÚ múk yaamuuká' un oonitamís, iimír waawitá kudá' waawuti'iím kitángw Daudi wa ale, nee kaahamuusér Mungú, nee aaruuse nee muu sleémeero oo Yerusalemúr hoót.

WA/AA/I 3:15

Aníng slahh'amu iga baál, nee tlarara/aay iga gaás.

SEFANIA 3:8

AAKOÓ MUNGÚ i kaahi, «Gawaá adoorihe aníng daamaré' ay bál nay sihhiit as xoordu ngiwa sakwasleemuut, asma aga tsabiím xoordu ngiwa burumbuur nee waawuti'iima ngiwa burumbuur, nee ngiwa buhhtaeéní ku'uus, xarasleema sleémeero awa buhhtaeé'. Asma yaamu sleémeero ki daa/ ar buhhtaaeé' kudá' da/tá koomá' adór asla.

Geehhoeemaá 14:10

heé adoorí difaáidár buhhtaá Mungú ga wah, tidá' taa baraá xooslmoó buhhtaawós i tleéhh, slám kaa aleedoogiiká nee ma'aay. Nee slám heé adoorí ku slahh'eemiis ar asla nee ar asltadá' xaraasl ar kiberiíti dír geeraá malaykeedá' hhohhó' wa ale, nee dír geeraá Deelmoó bee/i.

Geehhoeemaá 16:19

Gixsadá' ur kari qasmiís badu tám, nee gixsadaá xoordu niri yaamií paahhiyé'. Mungú gixsadár Babuloni, tidá' ur, gari insláy, gari xooslmoó wahángw i haniís oo buhhtaawós kudá' xaraaslá'.

Geehhoeemaá 16:6

Asma inooín tseerér mukdá' hhohhó' oo Mungú, nee ar aaruuse kana ku'uús, nee hám kuúng inooín iga tseerér i hanís kawa wahi. Nee adoorí a adór hariim dir'ine.»

Geehhoeemaá 18:21

Malaykamoó wák oo /uuruú koóm tlaa/ano guri taataáhh oo adór tlaa/ár xoosliingw. Tlaa/anoowí guri kwaáhh baraá tlawtí alé, iri oó', «Gixsár ur ar Babuloni, kiíng ti kwaahh ar /uuru adór tlaa/anoowí ar alé, nee slám ti ariiká baloó alé.