ISAYA 63:4 - Biblía Axweesantá Hhohho' ar Mungú 2004

⁴ Baalár ngiwa li/áy buu' aga ístí tsaát, nee kurkueé' oo ngiwa gweer naa hardáh

ISAYA 63:4 Iomraidhean Croise

WARA'AMI 107:2

Mukdá' AAKOÓ MUNGÚ aa ba/amís sluufaywí ngu ooiye', kudá' aa tuú/ baraá dabaá wakuusér wa ale.

ISAYA 1:24

Gawaá adoorihe, Aako i kaahi, AAKOÓ MUNGÚ Aleesleemusmo, kudá' wák /Uuruú koóm oo Israeli, «Aníng wakuuser'eé' an i xaraásl, nee wakuuser'eé' ngay li/áy buú'!

ISAYA 1:27

Siyoni ka gweer ar sakwasleemár ganaa', nee mukós kudá' aa hhu'uu'un kun gweer ar hotaá ganaa'á'.

ISAYA 13:6

/Aa/amiimé' asma deelór AAKOÓ MUNGÚ naa tseewuúr. Baalár qwanaay ni hardát amór Aleesleemusmoó wá ale.

ISAYA 13:9

Ga/aawaak, deelór AAKOÓ MUNGÚ i hi'ít, a deelór hhamhhám, ar xaraasl nee buhhtaá xaraaslá', as yaamu ngiwa hhitin nee mukdá' tlakweemaá tlehhahhiít nguwa qwaareesi.

ISAYA 34:8

Asma AAKOÓ MUNGÚ baala ga qaás ar li/aay nguwa bui, kurkú li/oó Siyoni nguwa bui dír wakuuser'ín.

ISAYA 35:4

Múk da'ayumiít ku beera', mune hhe'eesé', ma da'ayumitaara', Ga/aawaak, Munguúhúng ni hardah as li/aay nguwa bui, Inós li/aay gun buu' gawaá wakuuserhúng. Inós ni hardah as kuungá' nuwa ba/amisi.

ISAYA 35:9

Baraadae diraangw i kaahh, tam makiito'ór xaraasl i baraadár waarahhká, makaá adoorí baraadae ki baloó ariiká, ala loohidá' múk gar ohiím a har mukdá' taa ba/amís kilooín.

ISAYA 47:3

Muu /ankwetsuuwók gu ar, alsi'imuuwók kuri ar. Aníng li/aay u buú', aníng heé ni gurtlaw i kaahh.

ISAYA 52:3

AAKOÓ MUNGÚ i kaahi, «Kuungá' tunda weeriís ar tawo nee tundu tuu/ ar peésa wasle.»

ISAYA 61:2

Nee kurkú gurtleemuú AAKOÓ MUNGÚ nguwa oo', nee deelór li/aay bua oo Munguúrén, nee kudá' tsuunqumisá' sleémeero ngiwa gurkwa/as.

YEREMIA 50:15

Tsee'é' bihhe sleémeerowo, daxta Babuloni aa ya/a/aán, maraywós kudá' uren naa huuhu'uné', koo/irós ka fee/. Asma AAKOÓ MUNGÚ li/aay gun buu' daanduú Babuloniro. Gimsé' li/aay buaak. Adoodá' inós aa tlehhaahhít tay tlehhe'.

YEREMIA 51:6

Baraá Babulonír wa /akumiitaré', umuú heewo slaqwtós ngi tu/i, mutunduwa hhaamiís baraá sakwasleemarós, asma qoomaarihe AAKOÓ MUNGÚ i li/oó bu'ún, yaamuudá' gin sakwasleemuut ar adoodá' iwa harina'.

ESEKIELI 25:14

Muk'eé' oo Israeli un aleesleemuú i haniís oo li/ay nguwa buiya' dír múk Edomu, inooín adoodá' buhhtaaeé' i dirii'iya' ngi tleehhiyá' dir'ín i alé. Múk Edomu ilooeemaá li/aydá' aníng ni buu' giri tsaahhh. Anuú Aakoó MUNGÚ tí ngina oó'.»

SEKARIA 3:8

Yoshúa, kaahamusmoó úr oo Mungú, iia qaaseek, kuúng nee kaahamuuseedár hatlá' algadiyuusá', asma mukwí a layár ganaa', asma ga/aaweek, aníng sagadiyusmooeé' kudá' ta bay, Halmi ngu huúw.

Luka 21:22

As deeloorí tawa deelór li/aay, as tidá' taa gooín sleémeero iwa bo/.

Geehhoeemaá 11:13

Qoomaadár kilae kunseeli niri hardát, bartá wák ar gixsa iri hú', baraá baduudá' mibaango awa gixsa. Múk kumér faanqw kuri tsuú/ nee kunseelidá'. Nee múk aa meet iri ló'wa da'ayuút, Munguú doori kuri xirfayeemiís.

Geehhoeemaá 18:20

Kuungá' doóri, nee kuungá' múk hhohhó' oo Mungú, nee ya/abuuse nee aaruuse, kuungá' qwalaala/é' as inós. Asma Mungú gixsarí gaa sakwasleemuút as tlehhemi'iiwós kudá' inós naa kuungá' i tlehhít.