ISAYA 63:2 - Biblía Axweesantá Hhohho' ar Mungú 2004

² «Ahaá waáy tlabaawók miski da/aten, miski da/aten adór kuqaá heé sabiíbuú tsoo/iít?»

ISAYA 63:2 Iomraidhean Croise

IIMU/UUNGW 49:11

Daqwaywós gun tseek dír xa'anoó sabiíbu, na/oó daqwaywós gun tseek dír xa'anoó hhoó' oo sabiíbu. Inqwaruuwós gun hhuunts ar ma'aá na/aá sabiíbu, nee tlabaawós gin hhuunts ar difaáír da/aten ar taa tleéhh ar ma'aá sabiíbu.

ISAYA 59:17

Hotaá ganaa'á' ngin dahaas adór gaambór i da/ewaawós ar baqi, ba/ama a adór kofiyár gawit ar aa dahaás gawaá sagós. Li/aay bu'utu ngu dahaas adór tsitaay, xarasleemaawós gin uuntsuus adór hiyaay.

ISAYA 63:1

«Heewí a heemá oo Edomúr daáhh? Kwí Bosrár daáhh oo tlabaawós tseere aa leér. Heé tlabaá xirif ngaa dahaas a heemá? Kuqá' a heemá oo hi'iít ar /uuruwós oo yaariír?» «A anuú AAKOÓ MUNGÚ kudá' gan'amuú káh, kudá' aleesleemuú ba/ama gu koóm.»

ESEKIELI 35:6

Gawaá adoorihe Aakoó MUNGÚ i kaahi, ‹Adoodá' aníng nir hotaatima, aníng kiíng i amohhe'eés ar tseererók kawa ku'uusi, nee tseererí kiíng i eeharahát, asma kiíng tiwa kuunday raa/aát, gawaá adoorihe kiíng tseere i alkoón.

Geehhoeemaá 14:19

Malaykamoodá' tsataywós guri ya/aáw yaamií alé, mamaá xa'anooduú sabiíbu oo baraá yaamu giri bu'ún. Mamuudaá sabiíbu giri kwaáhh baraá bohongwdá' mamaá sabiíbu kiwa tsoo/iti, bohongwdá' úr oo buhhtaá Mungú.

Geehhoeemaá 19:13

Inós kwaa tsiitiís ar inqwaarír taa tumquús baraá tseere, nee umuuwós ku bay Axweesantá Mungú.

Geehhoeemaá 19:15

Nee paángár xaraasl i baraá afkós wa ti'imít, as inós múk xoordu nguwa darahhi ar paángadá'. Inós inooín gi sawaawuti'ín ar hhartá muqsli. Nee inós bohongwduú mamaá sabiíbu kiwa tsoo/iti gu kala/án, kuduú buhhtaá Munguú Aleesleemusmo.