ISAYA 63:19 - Biblía Axweesantá Hhohho' ar Mungú 2004

¹⁹ Atén a adór múk kuúng taa baloó sawaawuti'iindiiká, a adór múk taa umuuwók ar ateetiiká.»

ISAYA 63:19 Iomraidhean Croise

2 SAMUELI 22:10

Doori gina yaamií tseeweés, nari yaamií aweér, huunkír boo/ i baraá hát dír ya'aawose.

WARA'AMI 135:4

Asma AAKOÓ MUNGUÚ Yakobo guna tsawaár tawa kós, múk Israeli guna tsawaár as nguwa mukós tleehhi.

WARA'AMI 18:10

Iri tsa/án gawaá hhampa'aá keruúbi, ina fuuruú' ar /uuruú fur'a.

WARA'AMI 79:6

Buhhtaawo daa/atúw gawaá daanduú kudá' kuúng u xuaaká, nee waawuti'iima sleémeero tidá' umuuwók gu ateetimaaká.

ISAYA 63:18

Mukók kudá' hhohhó' har qoomár niinawe yaamu gina aál, ala wakuuseerén niri hardát, dirók tidá' hhoohhoo' kari yaamií kalaá/.

ISAYA 64:1

«Ahaá gár kuúng doori ngis feehhiská niri yaamií awét, as tlom'i niwa daaraxiya' kuúng bura ariyé'.

ISAYA 65:1

«Aníng taa amohhe'eés tiwa slaawaan nee kudá' i yaahamisa'aaká, aníng taa amohhe'eés tiwa sláy nee kudá' i leelehhita'aaká. Aníng xoorduudá' i firirima'aaká ngiri báw, ‹Aníng a diirí, aníng a diirí!›

YEREMIA 10:25

Daa/atúw buhhtaawo daanduú xoordaá kuúng u xua'aaká, nee gawaá kudá' umuuwók ngu ateetima'aaká. Asma inooín múk Yakobo nguna tsu/iyé', nguna tsu/iyé' ngway hhaamiisiyé', yaamuuín ngiri taanguyé'.»

YEREMIA 14:9

Ahaá waáy, kuúng misti ilaqaamís tawa adór heé aa sagaqwaar, adór pihhusmoó hee alee/isaro gu aleeslawaaká. Ala tam adoorihe, kuúng, AAKOÓ MUNGÚ, a dinkwa nee atén, nee atén tina ateét ar umuuwók, atén a mukók. Miti mawaar.»

DANIELI 9:18

Aá Munguúeé', iia qaaseek, qaytsiít slahh'amuú ta koomaan, nee adór gixsarí taa umuuwók ar ateét ir slahhaahha'. Gár atén kuúng us firirimaan a gan'amuureneeká, ala a as gurtleemuuwók oo yaariír.

DANIELI 9:19

Aá Aáko, atén ti iiárií qas, aá Aáko, atén ti gurtleer. Aá Aáko, ti iiárií qas, nee adoodá' ta sla' tleehheek, ala mindi tligaar as umuuwók, aá Munguúeé, as daanduú gixsarí nee mukwí taa umuuwók ar ateét.»

AMOS 9:12

Daqaní múk Israeli panayduú múk Edomu guri baal, tam nee xoordu sleémeero kudá' taa umuueénár ateét sleeme. Anuú AAKOÓ MUNGÚ kudá' muruuwí gu tlehhiít tí aga oó'.»

Tlehhema'aá ya/Abuuse 14:16

Inós aáng baraá qartá aa waarahhi, xoordu sleémeero gina máy as lohuduuín kiwa eehari.

Tlehhema'aá ya/Abuuse 15:17

Gawaá adoorihe múk hatlá' sleémeero Aako ngu leeleehhi, múk xoordu sleémeero kudá' naa ateét tawa muk'eé'. Tí Aako gana oó', kudá' muruuwí gwaa tleehh,

Rumi 9:4

Inooín a múk Israeli. Kina harafadiít tawa na/aá Mungú. Inooín xirfuú Mungú nguna ariyé'. Slám Mungú gina alqadoorós i haniís, nee hara'ayaaro. Nee slám dabér saalíngw Doó Mungú kana amor'ín i haniís, nee al'axweesantá Munguhe.

Efeso 2:12

Slám inslawaak qoomaadae kuungá' tunda paraátl dír Kristowo. Asma kuungá' a múk Israeliwooká. Nee baraá alqadoodár Munguhe kuungá' a kahhá', tam baraá al'axweesantadá' taa haragaasi nee alqadoodae. Kuungá' tawa hoté', a harahhifór koonda'aaká, slám Mungú u koonda'aaká baraá slafingwhúng oo baraakaá yaamuwo.

DABE 28:10

Nee xoordu sleémeero awa baraá yaamu birnga ariyé' kuún AAKOÓ MUNGÚ ugwa tsawaár tawa xooroorós, kuún uri da'ayuutiyá'.

HAR'OHUUSE 5:4

«Aá AAKOÓ MUNGÚ, qoomár tawa Seirír dahh, qoomár tawa Edomúr dahh, yaamu nay daaraxaatiyé', doori ma'aay ngay paahhamiisiyé', eeít, huunkáy tluwaay nguri paahhaás.

HAR'OHUUSE 5:5

Tlom'i niri diingitiyé' dír geeraá AAKOÓ MUNGÚ wa ale, eeít, tloomár Sinai ina diingít geeraá AAKOÓ MUNGÚ, Munguú Israelír wa ale.