ISAYA 63:12 - Biblía Axweesantá Hhohho' ar Mungú 2004

¹² Inós handá' ar /uuruuwose tlehhma'aá waa/oo/amo gina tleéhh ar dákw Mose. Kudá' tlawi gaa dír geeraaín wa tla/a tsaat as tiwa umuú alhhe'eesay wásl i slay.

ISAYA 63:12 Iomraidhean Croise

1 WAAWITÁ 8:42

(asma múk xoordaá hatlá xirfuuwók ngu axaasiyá' nee aleesleemuuwók nee /uuruuwoge,) heewí birna hardáh, kuúng uri firín baraá do'owí wa alé,

NEHEMIA 9:10

Layu nee muruú waa/oo/amoro ina tlehhít dír Farao nee sagadiyuuseerós nee dír múk yaamuudá' sleémeero, asma kuúng ana xú' adór bariiseerén ngira baramaanuusiyé'. Kuúng umuuwók kuri iia tleerés ay laarí.

NEHEMIA 9:11

Tlawi ana tla/aa qasís dír ilaaín wa aleeró, inooín tay waraáhh ar baraá tla/ángw tlawi ar yaamaá kaahaar. Ala múk Misri kudá' gaa eehar kiri kwáhh adór tlaa/anoó iiloó' i baraá ma'aá yaariir.

WARA'AMI 78:13

Tlawi gana qasiís, inooín giri baraadár waarahhaás, ma'aay giri sihhtís adór koo/i.

WARA'AMI 80:1

Kuúngusuú de'eemusmoó múk Israeli, iia qaaseek, múk Yosefu geeraharaahareek adór daqooroó bee/aangw. Kuúngudá' aga gáwtí iwit dír malaykeero, xirfuuwók gwa/atiseek.

TI'INAANGW 15:13

Kuúng mukók oo taa ba/amís una geerahát ar sla'aarirók tidá' warqawaaká. Ina geerahát ar /uuruuwók ay didá' hhoohhoo' ar hotaawók.

TI'INAANGW 15:16

Dae nee hor/iro gaa eér, ar aleesleemuú dakoge inooín niri xaslmiitiyé' adór tlaa/ano. Aá AAKOÓ MUNGÚ, ay dír mukók i waaraahhi, ay dír mukók kudá' taa ba/amís i waaraahhi.

TI'INAANGW 15:6

Aá AAKOÓ MUNGÚ, dakók oo doó /iyáy xirif gwaa sláy ar /uuru. Aá AAKOÓ MUNGÚ, dakók oo doó /iyayhe wakuuseerén aga naasuúr.

TI'INAANGW 6:6

Gawaá adoorihe múk Israeli ku beer, ‹Aníng a AAKOÓ MUNGÚ, aníng kuungá' nu gweér baraá gadiyeédá' tunduwa /uurutimiisi, nee nuri ba/amis baraá lawaali'iimar'ine, nuri tuú/ ar dákw taa gan'aás nee ar muxtár ur.

ISAYA 11:15

AAKOÓ MUNGÚ tsifrángw tlawtá Misri gu /oomees, dakós gu maamukuus daanduú yaaér Eufratero, ar fur'aarós ar kahamiis, yaeedá' iri qasít, tari yau faanqw. Muu iri waraahh ar ya'a'.

ISAYA 43:16

AAKOÓ MUNGÚ i kaahi, «Kudá' loohi gaa tla/ángw tláwtár tleehh, kudá' loohi gaa tleehh ar baraá ma'aá yaariir.

ISAYA 44:27

Aníng an kudá' ilo gi babáw, «/Oomé'.» Nee yauuhúng in kahaás.

ISAYA 51:10

Ahaá kudá' tlawi gaa kahaas a kuungekáhe? Kudá' iloodá' uren awa ma'aay gaa kahaas, kudá' loohi gaa baraá iltá ma'ár tleehh as kahhó' mukdá' taa ba/amís iwa waaraahhi.

ISAYA 55:13

Kitángw xaa'aá laqya' niwa ti'iitiya' awa laqeelaá kooma'aaká nin ti'iitiya', kitángw fuqrayhe gár ti'iit a xa'anoó ta babay hadaási. Gaarí an gár kuungá' nu islawtis daanduú muruudá' anuú AAKOÓ MUNGÚ naa tlehhiiti, slaqsoó daqisleém oo baloó fiitsitaaká.»

YEREMIA 31:32

Alqadoorí nee tidá' naa oó' dír baabi'ii'ín qoomár ngiwa duúx baraá yaamaá Misriro ti slay'aaká. Alqadoodá' ngina si'iyé', tam aníng dir'ine a adór aakooine. Anuú AAKOÓ MUNGÚ tí ngina oó'.

YEREMIA 32:20

Kuúng aange layu nee muruú waa/oo/amo una tléhh baraá yaamaá Misriro, tay laarí tlehhtuuwo a kumít baraá tla/ángw múk Israeliwo, nee baraá múk xoordaá hatlae, adoorí kuúng ugwa iia tleerés.

YEREMIA 32:21

Kuúng múk Misri una dae tsát ar layuudá' nee waa/oo/amoodá' taa tléhh, nee mukók oo Israeli nguri dúx ar /uuruuwók, nee aleesleemuwók kudá' úr,

Rumi 9:17

Asma baraá Gooiro Mungú Farao guna báy, «Án kuúng gár usa waawutmoó wa qaás a tí, /uuruueé' nguwa gawaawók i laqaam, nee as umuueé' kuwa alki/iiti baraá yaamu sleémeerowo.»

YOSHUA 3:16

ma'aydá' gáwtá wa wa/amiimá' niri sihhiitiyé' adór ufa, niri saweesiyé' ay amór yaamaá Adam, iisaapoó gixsár Saretani. Qoomár yaae wa/amíngw amór Tlawtá Diwi nguwa meér, muu iri waaraáhh gayuú Yeriko.