ISAYA 63:11 - Biblía Axweesantá Hhohho' ar Mungú 2004

¹¹ Aluuwo mukós de'emaá aáng gina insláy, kudaá sagadiyusmoowós Mose. Inooín tari oó', «Kudá' de'eemuusér bee/aangós gaa waarahhaas tlawto i amá? Kudá' Qeeruuwós oo hhoohhoó' gwaa baraá tla/angw'ín i qaas gaálaay?

ISAYA 63:11 Iomraidhean Croise

NEHEMIA 9:20

Ina qeeruuwók kudá' hhoóí hanís as ngiwa hara'ayin, maána ana hanís tawa muruú /aymar'ín nee ma'aá wahaangw as waxer'ín ngiwa tse'eesiya'.

WARA'AMI 106:44

Ala tam adoorihe Mungú slahh'amuuín guna gaárí xuú', qoomár /aa/eeín ngiwa axaás,

WARA'AMI 106:45

alqadoorós gana insláy as inooín, muneerós gari guú/, asma yaareemaá sla'aarirós ar warqawaaká.

WARA'AMI 106:9

Tlawtá Shamu gana iigahhaát iri kát, giri tla/angwdár waarahhaás adór yaamaá xaanxaay.

WARA'AMI 143:5

Deelór aa waarahh ar qaro aga insláw. An aldakuút tidaádá' sleémeero taa tléhh. Ar kuúng taa tléhh ar dabaawók an gurií axweemamiís.

WARA'AMI 25:6

AAKOÓ MUNGÚ, gurtleemuuwók nee sla'aarirók inslaweek, asma iga qaroó geehhooés iimír aange.

WARA'AMI 51:11

Mi kwaahhaar dír geeraawoge, qeeruuwók oo Hhoohhoó' mu hingeesaar dir'eene.

WARA'AMI 77:12

Gadiyeérók sleémeero an aldaákw sleeme, kángw tlehhmi'iiwók un gurií axweés.

WARA'AMI 77:20

Mukók una geerahát adór daqtá bee/ángw wa ale, ar dákw Mose nee Aroni.

WARA'AMI 78:52

Aluudae mukós guna geeraharaahaár adór bee/aangw. Guna de'én adór daqtá baraá darma.

TI'INAANGW 14:22

Xoorór Israeli iri dát baraá tla/ángw tlawi ar yaamaá kaahará', ma'aay niri koo/i tleehhitiyé' dir'ine dákw doó /iyáy nee oo doó basayhe.

TI'INAANGW 14:30

Adoorí an adór AAKOÓ MUNGÚ múk Israeli ngura ba/amís baalaadae dír múk Misriro. Múk Israeli tuaá slaqwaruusér Misri ngiri ariyé' afaá tláwtí ale.

ISAYA 43:16

AAKOÓ MUNGÚ i kaahi, «Kudá' loohi gaa tla/ángw tláwtár tleehh, kudá' loohi gaa tleehh ar baraá ma'aá yaariir.

ISAYA 63:10

Ala inooín tana dee/aanuút, qeeruuwós kudá' hhoohhoó' nguna gurhaamír ar ayé'. Gawaá adoorihe inós iri warqáy tari wakusmooín, inósuú kilá' iri amor'ín i muxuút.

ISAYA 63:15

«Gawaá doorí wa qaytsitáng nee ka aán, iimír dirók tidá' hhoohhoo' nee didár hotaawók ar xirfuú kooma. Ahaá da/itók tidár sla'aari nee aleesleemuwoge i amoomá? Sla'aarirók nee gurtleemuwo kaa ilaá/ dir'eene.

YEREMIA 2:6

Inooín taa yaahasi'iiká, ‹AAKOÓ MUNGÚ kudá' atén taa baraá yaamaá Misrír wa duux i amá? Kudá' atén taa geeraharahaar baraá darmuuwo nee yaamaá xaanxaay nee boh'e, baraá yaamaá kaahaar nee awa ma/ami, yaamaá muu ira waaraahhiiká nee awa ta hootiiká.›

DANIELI 4:8

Alhhe'eesaywo Danieli niri hardáh, kudá' sleeme ta umuú Belteshasár ateetin, umuú Munguueé'. Inós qeeruú munguaá hhohho' gu koóm baraawose, aníng tlataaeé' ngiri alki/iít, una báw,

HOSEA 12:13

Ar loohír aarusmoowo AAKOÓ MUNGÚ múk Israeli guna duúx yaamaá Misrír wa ale, nee ar loohír aarusmoowo giri amohhe'eemiís.

AMOS 9:11

«Baalaarihe aníng doó Daudi kudá' aa huu' u tleéhh, nee koo/idá' aa hhitirut an tleéhh, aníng sluhhaywós kudá' aa huhu'un u sihhtís, gixsadá' an malé tleéhh ngay adoodár aángií ki/ís.

HAGAI 2:5

Adoodá' nura al'axweesántií oó' bál niwa baraá yaamaá Misrír wa ti'ité', tam hamí, ma hhasliitara'. Qeeruueé' i baraá tla/angwhúng wa hoot.› »

SEKARIA 4:6

Aníng iri báy, «Gaarí an axweesantá AAKOÓ MUNGÚ ar aa oó' dír Serubabeli iwa kaahi, ‹Arba/ati a sleeraaká ar /uuruuwók, laqaá ar aleesleemuuwók kilós, ala an sleér ar /uuruú qeeruueé'.› Anuú AAKOÓ MUNGÚ Aleesleemusmo tí an káh.

FAARO 11:17

Aníng ni yaamií aweér, aníng nee kuúng nari axweesaán, nee qeeruudá' naa dirók i haniís un bahh ar tláw nguri dir'ín i haniís. Inooín nee kuúng mukwí ku al'amohhe'eemisá', huwaarí ma kilók loohisaar.

FAARO 11:25

Nee AAKOÓ MUNGÚ iri aweér ar gawaá huunki, iri axweés nee Mose. Nee qeeru bahh'ale kudá' aáng aa Mose i haniís guri taataáhh, guri haniís dír bariiseedár mibeeri faanqw, qoomár qeeruuwí iwa gawaaín i iwiít, bariiseedá' tari aariirín, ala aariro taa malé ki/iiká.

FAARO 11:29

Ala Mose guri mu/aywaáts, «Ahaá gár kuúng da/i usa ót a milá as aníng? Hamí geera a tsiní AAKOÓ MUNGÚ mukós sleémeero burngwa qeeruuwós i haniís nee tari aaruuse.»

Ebrania 13:20

Aakoorén Yesu an de'eemusmoó úr oo bee/aangw. Munguúduú wayduú koóm Yésuuwí guna waaslee/atís baraá múk aa qaátl wa ale, ar /uuruú tseereedár alqadór alhhe'eesay wasl.

HAR'OHUUSE 6:13

Gideoni iri oó', «Aáko, AAKOÓ MUNGÚ barnaxés i dinkwa nee atén, ahaá waáy adoorí atén mista sleér? Ahaá tlehhmi'iiwós kudaá waa/oo/amo aa tleéhh tindi alki/a/iti nee bariise i amoomá, tawa aain Aakoó Mungú ngina duúx baraá yaamaá Misrir wa ale? Ala hamí taa máy, taa haniís gawaá dabaá múk Midiani.»