ISAYA 63:10 - Biblía Axweesantá Hhohho' ar Mungú 2004

¹⁰ Ala inooín tana dee/aanuút, qeeruuwós kudá' hhoohhoó' nguna gurhaamír ar ayé'. Gawaá adoorihe inós iri warqáy tari wakusmooín, inósuú kilá' iri amor'ín i muxuút.

ISAYA 63:10 Iomraidhean Croise

IIMU/UUNGW 6:6

AAKOÓ MUNGÚ iri oó', «Gár hám hee ngusa tleéhh nguri qaás baraá yaamií alé.» Ina ló'wa gurhamuút baraá muunaáwose, iri oó', «Masók una tleehhiiká.»

2 QOM'I 12:2

Asma inooín niwa inkihhimu wasleesiyé' dír AAKOÓ MUNGUHE, qoomár kurkú kooán oo waawuti'iimár Rehoboamuwo, Shishaki, waawutmoó Misri, gixsár Yerusalemu gay i haratláy.

NEHEMIA 9:26

«Ala i inkihhimuú kon'aaká diroge, uri si'iyé', dabeerók ngay mayé' nee aaruseedá' gaa gurbu'uun as kuúng uwa iki/iya' ngina tsu/iyé', /ooslislíngw urén ngway ló'wa kaahiyé'.

NEHEMIA 9:29

Ina gurbu'uún as daberók ngiwa i ki/iya'. Ala ar sagagawduuine hara'ayarók ngaa iialooeesi'iiká, kaahirók ngina si'iyé' tidá' handá' geeraawo bar hee ngaa iialooeés in hoot, inooín sager'ín ngiri gawdeesiyé' nee da/ewer'ine, kuúng uri si'iyé' iialooeesaro.

WARA'AMI 106:33

Mose nguri buhhtisiyé' ló'wa ale, iri axweés ar sagawasle.

WARA'AMI 107:11

Asma axweesantá Mungú ngina si'iyé', gurbu'úngw Munguú Gáwtí dirií' nguna si'iyé'.

WARA'AMI 51:11

Mi kwaahhaar dír geeraawoge, qeeruuwók oo Hhoohhoó' mu hingeesaar dir'eene.

WARA'AMI 78:17

Tam adoorihe inooín tlakweema tlehhtuwo nari kumiitiyé', kudá' gáwtí dirií' nguna si'iyé', didár baraá yaamaá xaanxáy wa ale.

WARA'AMI 78:21

AAKOÓ MUNGÚ ngiwa axaás, iri qaa/iít buhhtaawo, buhhtaawo iri daa/atúy adór asla amór Yakobo i ale. AAKOÓ MUNGÚ iri faakamiís buhhtaawo amór Israeli i ale,

WARA'AMI 78:40

Nguwa si'iyé' baraá xaanxáy wa ale, ngway gurhaamírár ayé' baraá darmuú wa ale a sagaá wa magá'?

WARA'AMI 78:49

Mungú ina tseere tleehhiít buhhtaawo amor'ín alé, iri qa/iít ar xaraasleema, inooín giri slahh'eés, boohhár malaykér tsu/uut gari ya/aáw.

WARA'AMI 78:56

Ala tam adoorihe Munguú Gáwtí dirií' nguna iiaraa'ariyé', ngway si'iyé', tam kaahirós ngaa iialooeesi'iiká.

WARA'AMI 78:8

Eeít, matawa adór baabi'ii'ín tleehhiít, qartá sagegawden nee ar aa dee/aanut, qartá baraá muner'ine Mungú gu gaárí xuaaká, ta inkihhimuú konká amór Munguhe.

TI'INAANGW 15:24

Naagáy muu Mose guri i qununuú/, ta kaahi, «Gár ta wahaan a milá?»

TI'INAANGW 16:8

Mose iri oó', «AAKOÓ MUNGÚ kuungá' nu fu'unáy haniis tsiindoowo, nee matlaatleero nun mikaáteérí haniis, gur'erhúng kari dal/aandá', asma inós qununu/ayhúng gwa axaás. Kawa xua' atén tiwa i qununu/a a múk adoomá? Ma qununu/aara' amooréní ale, amór AAKOÓ MUNGÚ nay qununu/aak.»

TI'INAANGW 23:21

Ti harmagahhe', nee afoorós iiárií qaasaak, ma dee/anutaara' dirose, asma tlakweemaahúng gi gurtlayká, asma umuueé' in baraawós i dirii'.

TI'INAANGW 32:8

Naa qwaariyé' ar gaanslaay, loohidá' aníng ngay hara'ayiím ngaa mayé'. Inooín taa damár taa kwahhuút i tleehhiyé', ngay sluufmisiyé', nee ilahhooár muruú ta tsu/i ngiri hanmiisiyé', tawa kaahi, ‹Aá Israeli, gaarí an munguiirén, kudá' atén taa baraá yaamaá Misrír wa duuxiye'.› »

ISAYA 1:2

Iia qaasaak kuungaá doóri, iia qaasaak kuungaá yaámu, asma AAKOÓ MUNGÚ aa axweés, iwa kaahi, «Na/ii ina /aymiís nee ina umiím, ala iga aldee/anuutiyé'.»

ISAYA 63:11

Aluuwo mukós de'emaá aáng gina insláy, kudaá sagadiyusmoowós Mose. Inooín tari oó', «Kudá' de'eemuusér bee/aangós gaa waarahhaas tlawto i amá? Kudá' Qeeruuwós oo hhoohhoó' gwaa baraá tla/angw'ín i qaas gaálaay?

ISAYA 65:2

Aníng dabaaeé' ina laqaqaám tlatla/aangw sleémeero dír mukdá' a dee/aanuut. Kudá' lohdaá qooma'aakár hootá' kudá' sager'ín kilós ngi /ayá'.

YEREMIA 21:5

Anuú kilá' ar buhhtaaeene nee kuungá' an slaqwaán ar dakw'eé' oo naa amorhúngií gan'aás, nee oo /uuruú koóm. An slaqwaán ar xaraasleema nee buhhtaá ló'wa ur.

YEREMIA 30:14

Sla'aaruuserhúng sleémeero kuungá' naa gunqaarés, kuungá' nu baloó gár i xuiiaaká. Aníng kuungá' naa slaáhh adór wakusmo, kuungá' tundu muux ar gurtleemu wasle, asma dakuúsarhúng ka ló'wa ur, tlakweemaahúng ki ló'wa yaariir.

YEREMIA 32:30

Asma múk Israeli nee oo Yuda gár hatlá' dír ilaaeene ni tlehhaahhitiya' i káhh, aqo har tlakweema kilooín iimír masoombi'iimar'ine. Inooín gár naa tleehhiyé' i káhh, aqo har aníng ina buhhtamiisiyé' ar gadiyér dabaaín. Anuú AAKOÓ MUNGÚ tí ngina oó'.

WA/AA/I 1:18

«AAKOÓ MUNGÚ i baraá gan'amu, asma aníng axweesantós ana aáhh. Ala kuungaá muu sleémeero iia qaasaak, nee slahh'amuueé' ga/aawaak, dasuueé' nee daaqay'eene kira tláy baraá loohaay.

WA/AA/I 1:20

«Aá AAKOÓ MUNGÚ, ga/aaweek, adór aníng nir baraá slahh'amuú i dirií', guruueé' /ur/uri gwa eér, muuná i ló'wa amoqwaqwadín, asma aga ló'wa dee/aanuút. Baraá lohduuwo muu ku tsuu/, baraá do'o muu i qaatl.

ESEKIELI 16:43

Kiíng aga gunqaarút tidá' anuú Aakoó MUNGÚ naa tleéhh qoomár kiíng tawa /amaatliito'o. Kiíng aníng iga ló'wa buhhtís ar muruudá' sleémeero taa tlehhaahhít. Aníng kiíng i li/áy buú' daanduú umuú gár taa tlehhi. Anuú Aakoó MUNGÚ tí aga oó'. Xáy, slasla/ara ugwa qo dogkáhe daanduú muruuwí sleémeero án ni ahhiita?»

ESEKIELI 2:3

iwa báy, «Xáy kuúng heé, u ya/aáw amór múk Israeli, xoorodá' a múk aa dee/anuut, tidá' aníng iga ahh. Inooín aníng iga sadakumamisiyé' ay laarí, adoodá' aáng baabi'ii'ín naa tleehhiyé'.

ESEKIELI 2:7

Kuúng ki axweesante'eé' beér, tam ka axaás, laqaá tam ka axasiiká, asma inooín a múk aa dee/anuut.

ESEKIELI 20:13

Ala múk Israeli ina dee/anuút baraá xaanxáy wa ale, kaahir'eé' eeharto ngina si'iyé' nee daber'eene, tidá' handá' hee geeraawo birnga eehár, in hoot. Deelór Sabaáto ngaa meetagaasiyé'. Aníng niri oó', In i buúhh ngiri hhaamiís baraá xaanxaay.

ESEKIELI 20:21

«Ala tam na/ii'ín sleeme aníng ina aahhiyé', naa baraá kaahir'eénár hooti'iiká, sleeme daber'eé' ngaa harmagahhi'iiká ooharo, nee Sabaátor'eé' ngina meetagaasiyé'. Naagáy nari oó', ‹In i buúhh, tidá' tleehhamooro ni slaa' daanduuine ngiri boo/eés baraá xaanxáy wa alé.›

ESEKIELI 20:8

Ala ina aahhiyé', slám iga iiaárií qaasi'iiká. Tam heé wák i kaahh oo muruudá' aníng ni ahhiit, kudá' inooín i slaiya', gwaa may tlehhtuuwo, sleeme inooín slaqsi'iidaá munguaá yaamaá Misri ngaa may'iiká. Naagáy niri oó', ‹In i buúhh dír ir baraá yaamaá Misrír i kahhiya'.›

ESEKIELI 6:9

Amoodaádae aníng in inslayá' baraá tla/ángw xoorduudá' nay diya/ati'i. Ngiri inslayá' adoodá' ngira slaáhh, asma inooín nina inkihhimu wasleesiyé', niri warqayé', aníng harahhifooro iri mayé', niri warqayé' amór slaqasi'iidá munguaá hatlá', ngiri harahhifiyé'. Gawaá adoorihe inooín tari kilooín aahhiyá' asma tlakweemaín kudá' sleémeero naa tleehhiyé'.

Matayo 22:7

Waawutmoodá' iri ló'wa buúhh, daqtá askaári gari ya/aáw, mukdaádá' aa tsu/uut kuri tsuú/, nee gixsar'ín kari daá/.

Tlehhema'aá ya/Abuuse 7:42

Mungú iri gurhaamuút, giri geexáy as murslaaqatuuín nguwa xirfayeemisiya', adoodá' kara gooín baraá kitaábuú aaruuseero tawa káh, ‹Kuungá' múk Israeli, hikwaadá' taa tsu/é' nee ilahhooadár muruú ta tsu/i tidá' taa hanmisé' kureeridá' mibeeri tsiyáhh baraá xaanxáy wa ale, ngina aníng i hanmisí'i?

Tlehhema'aá ya/Abuuse 7:51

«Kuungá' tundu sage gawdén. Slám munerhúng nee iaahúng a adór kuqaá múk Mungú xua'aaká. Umuúqo daqto kuungá' Qeeruú hhoohhoó' oo Mungú un siaiindá' adoodár baabi'iihúng sleeme naa tleehhiyé'.

Efeso 4:30

Qeeruú hhoohhoó' oo Mungú mu gurhaamír ar awaara'. Asma Qeeruuwós an duguno direne oo atén tir tsaahhi adór tar mukós, bál deeloodá' inós atén tiwa gweeri.

DABE 1:26

«Ala kuungá' adoodá' AAKOÓ MUNGÚ, Munguúhúng naa báy aga eehadi'iiká, as dahmaá baraá yaamuudá' kiwa sié'.

DABE 9:7

«Tidá' ma baloó gunqareesara', adoodá' AAKOÓ MUNGÚ, Munguúhúng kura buhhtisé' baraadaá xaanxaywo. Iimidá' kuungá' tawa baraá yaamaá Misrír wa ti'ité', ay baalaarír laarí hám tawa diirí diria', kuungá' an kumaamitá' AAKOÓ MUNGÚ kuwa ahhahhita'.

YOSHUA 22:15

Niwa hardihiyé' dír tlahhi'iidaá Israeli awa yaamaá Gileadi, tlahhoó Reubeni nee oo Gadi nee tlaqtá tlahhoó Manasewo, ngiri bayé',