ISAYA 63:1 - Biblía Axweesantá Hhohho' ar Mungú 2004

¹ «Heewí a heemá oo Edomúr daáhh? Kwí Bosrár daáhh oo tlabaawós tseere aa leér. Heé tlabaá xirif ngaa dahaas a heemá? Kuqá' a heemá oo hi'iít ar /uuruwós oo yaariír?» «A anuú AAKOÓ MUNGÚ kudá' gan'amuú káh, kudá' aleesleemuú ba/ama gu koóm.»

ISAYA 63:1 Iomraidhean Croise

IIMU/UUNGW 36:33

Bela iwa gwaá', Yobabu garmoó Sera, oo Bosra, ina waawuti'ín kitaangós wa alé.

IIMU/UUNGW 49:11

Daqwaywós gun tseek dír xa'anoó sabiíbu, na/oó daqwaywós gun tseek dír xa'anoó hhoó' oo sabiíbu. Inqwaruuwós gun hhuunts ar ma'aá na/aá sabiíbu, nee tlabaawós gin hhuunts ar difaáír da/aten ar taa tleéhh ar ma'aá sabiíbu.

1 QOM'I 1:44

Bela iwa gwaá', Yobabu garmoó Sera oo Bosra kitángw Bela guri óh.

WARA'AMI 108:13

Mungú bir bartarén atén arba/ati a slawaán. Inós wakuuseerén ga yaamií kalaa/.

WARA'AMI 137:7

AAKOÓ MUNGÚ, múk Edomu iinslaweek, adoodá' bál gixsár Yerusalemu kara hayóh, kudá' naa kaahiye', «Fee/aak, fee/aak, iihhafiirirós.»

WARA'AMI 65:6

Tlom'i ina qás kiri gawdés ar /uuruuwók, asma /uuruuwók ku ló'wa úr.

DAA'AANGW 3:6

Garqá' a milá baraá xaanxoó daahh, adór tsángw quui oo aa sihhiit. Tidá' mooyángw manemáne, hee mooyángw tsuú' iwa tlatlay, tidá' ta weeramiisi nee halanuuse.

DAA'AANGW 6:10

Heewí a heemá qaytarós adór tsee/amuú naa tsiiriihh? Ka hhoohhoo' adór slahhángw gwa/aát, in miirí/ adór tsee/amá i dae tláq adór slaqwaruusér bendeéra gaa gáwtí tles.

DAA'AANGW 8:5

A heemá heewí baraá darmuú daáhh? Slám aa tlintií' gawaá sla'aaruso'oorós. Dír gamuú xa'anoó tofá'aro, aníng kuúng una tleés, didá' handá' aayoorók asltá xwayla ngiwa eér. Eeít, didá' handá' aayoorók uwa laqwál.

ISAYA 11:14

Múk Yuda nee oo Efraimuwo nin haratlayá' amór múk Filisti kuduú bihhaá /uwa, inooín múk bihhaá da/aáw nguri hayoohiyá'. Inooín múk Edomu nee oo Moabuwo nguri baaliyá', múk Amoni niri dir'ín i iialooeesiyá'.

ISAYA 34:1

Aá xoórdu, tseewuwaré', iia qaasaak, aá muú, iia qaasaak yaamu sleeme i axaasiye' nee umuú gár baraadií diriia. Yaamu nee umuú gár baraadá' wa hootá'.

ISAYA 42:1

Ga/aawaak, sagadiyusmooeé' kudá' naa /uurií qaás, kudá' naa tsawaár, kudá' muunaáeé' gwaa qwal/aas. Qeeruueé' ugwa baraawós i qaás. Inós xoordu gin sakwasleemár ganaá' i huuw.

ISAYA 42:3

Inós daaír qetángw slaa' ga geeqayká. Tam taámbír quu' ga gaasiiká. Sakwasleemár ganaa' gan huuw ar inkihhimu.

ISAYA 45:19

Aga axweesiiká ar naaqo baraá yaamaá giwtír wa ale. Aníng xwaylár Yakobo aga bawiiká, ‹Aníng leelehharé' tawo ale.› Aníng a AAKOÓ MUNGÚ kudá' looeemaá káh aníng muruú ganaá' un oiím.»

ISAYA 45:23

Aníng lo'o aga /aáy kilooeé', asma baraá afkueene /ayma'aá ti'imiitá a axweesanoó ganaá'. Axweesante'eé' i tawo ki/ká. Umuú heewo ni dir'eenií tumbarara'aat. Umuú heewo lo'o gan /aay kuwa inkihhím dir'eene.

ISAYA 9:5

Asma xooslaá slaqwara sleémeero awa hee i kon qoomár slaqwaraaro, nee tlabaá taa baraá tseereérár tiloók, kaa amohhe'eés kiwa hhaamisi, i migír tleehhitiyá' oo ta ásltár oohisi.

ISAYA 9:7

Axweesanoó aleesleemuú koóm nee wayduuwós i alhhe'eesoó kon'aaká, baraá kitángw Daudi oo Aleesleemu nee waawuti'iimarós, Gin gawdees nee gin kumitiis ar sakwasleemár ganaa' nee hotaá ganaa'á', iimír hamí ay alhhe'eesay wasle. AAKOÓ MUNGÚ Aleesleemusmo adoorí gan tleehh.

YEREMIA 48:24

nee Kerioti nee Bosra, sakwasleema aa hardát baraá gixsadu sleémeero awa yaamaá Moabu, kudá' tsewen nee awa sawene.

YEREMIA 49:13

Asma aníng lo'o aga /aáy adór gixsár Bosra kar dír dae tlaaq tleehhi, nee a dír waaqaseengw, nee dír taa hhitín nee ar taa lu'ús. Gixsaduuwós awa hatlá' sleémeero ki hhitín.

ESEKIELI 25:12

Aakoó MUNGÚ i kaahi, «Asma múk Edomu li/aay guna buú' dír múk Yuda, li/oó ló'wa tlaákw kuna buú'.

ESEKIELI 35:1

Axweesantá AAKOÓ MUNGÚ ana axaás, i kat,

ESEKIELI 38:17

Anuú Aakoó MUNGÚ a kah, ‹Kuúng an kudá' aáng kaangós naa geerií qaroó oó' ar loohír sagadiyuuser'eé', aaruusér múk Israeli, tidá' qoomaadae aa aaririin adór aluuwo ur hara'awmis nee múk Israeli tawa slaqwa'.› »

OBADIA 1:1

Kaangwí an iigu'utuú Obadia, adoodá' Mungú ngira oó' daanduú Edomuwo. Kángw amór AAKOÓ MUNGÚ daáhh ugwa axaasaán. Ya/abusmo kwaa ya/aáw amór xoordu, iwa kaahi, «Gimsé', tlawaaré', qwalaas, sihhiitaré', ti muxaán nee Edomu.»

OBADIA 1:9

Tam kiíng gixsár Temani sleeme, miguuseerók iri amooqwaqwdiín, ay dír umuúqo heewo kway gaasi gawaá tloomár Esauwo.

SEFANIA 3:17

Asma AAKOÓ MUNGÚ, Munguúhúng, i baraá tla/angwhúng i dirii'. Inós a migusmoohúng oo nu ba/amís. Inós kuungá' nu sa baraa/ ar qwal/uú úr. Baraá sla'aarirose inós kuungá' nun /abees. Afór daa'aangw gan tlees as nuwa sa qwalaala/i.

MALAKI 1:2

AAKOÓ MUNGÚ i kaahi, «Aníng kuungá' naa slaá'.» Ala kuungá' a kata', «Adór tira slá' a adoomá?» AAKOÓ MUNGÚ i kaahi, «Ahaá, Esau a hhiyoó Yakobowookáhe? Aníng Yakobo ugwa slaá',

FAARO 23:19

Mungú lama ga adór heéwaá tsatiiká, laqaá i adór heéwaá gwadiidinká. Xáy al'axweesani ga oói gadaádá' gari boo/eesiiká? Gaa ga oói gadaádá' gari tleehhiiká?

Matayo 21:10

Qoomár iwa dáh baraá Yerusalemu, muu sleémeero oo baraá gixsadá' i dirií' iri amoqwaqwadín, tari káh, «Heewí a heemá?»

Ebrania 7:25

Gawaá adoorihe kudá' Mungú ngu i daqaqawá' ar loohír inós, inós gi ló'wa aleesláy ba/amisaro, asma inós i slafaafín daqisleém as ngiwa aleefiriirin.

1 Petro 1:5

Kuungá' tundun de'én nee /uuruú Mungú ar loohír haratlintaao, as ba/amadá' taa qaroó amohhe'eés kawa ilaota', tidá' tindi geehhooeesi bál deelór alhhe'eesaywo.

Geehhoeemaá 19:13

Inós kwaa tsiitiís ar inqwaarír taa tumquús baraá tseere, nee umuuwós ku bay Axweesantá Mungú.