ISAYA 62:6 - Biblía Axweesantá Hhohho' ar Mungú 2004

⁶ «Aá Yerusalemu, aníng xuumuuse aga qaás gawaá koo/irók, tlaatla/aangw nee xweeraawo i baloó xasliitiaaká.» Kuungaásingá' AAKOÓ MUNGÚ inslawtimisá' ma baloó lakiitara'.

ISAYA 62:6 Iomraidhean Croise

IIMU/UUNGW 32:12

Inslaweek kuúng án ina al'axweesántí hanís ar iwa hhooárí tlehh, nee xwaylar'eé' kawa tlahhas adór hhasángw afaá tlawi, kudá' faaro ga ya/aamaaká.»

IIMU/UUNGW 32:26

Heedaádá' Yakobo guri báy, «Án geemawáng ni tláw, asma iimi aa /awaakuúr.» Ala Yakobo guri báy, «U geemawaaká ay dír án i tsuq.»

2 QOM'I 8:14

Inós adoodá' baabuúwós Daudi heé Mungú ngira hara'ayín gana eehár, baalaqaasír kaahamuusér Mungú ar umuú deelo gana qaás, nee ar mukduú tlahhoó Laáwi, kuduú kaahamuusér Mungú alee/iimiís as iwa xirfayemisiyá' nee gadiyér'ín ngiwa tleehhiya'. Xuumuuse sleeme gari qaás baraá bohhu umuúqo afkú do'o nguwa xuna'.

WARA'AMI 122:7

Wayda i deeruuti baraá slumtá koo/ír gixsaroge, Amohhooa i deerut baraá maraá geeraharuuseroge.»

WARA'AMI 74:18

Ala AAKOÓ MUNGÚ, tí inslaweek, wakuuse i kuúng niqimís, múk daktana umuuwók gu waaqaqaa'.

WARA'AMI 74:2

Inslaweek mukdá' taa iimír aáng wa tsawát, xooroodá' taa ba/amís as tawa aalirók. Inslaweek tloomár Siyoni, tidá' taa dír hotaawók tléhh.

DAA'AANGW 3:3

Xuumuusér gixsa ina aán, qoomár inooín tawa harweeriirin baraá gixsaro. Naagáy ngiri yaahaás, «Xáy heedaádá' muunaáeé' i slai ngwa aandí'i?»

DAA'AANGW 5:7

Xuumuusér gixsár xuum ina aán qoomár tawa gixsár harwediiti. Iri muxiyé' nee iri gweehhiné'. Xuumuusedár afkú gixsa iri sheela hayót.

ISAYA 43:26

Aníng inslawtisaré', qwalaasé' a dinkwár wa axweesaán, sakwasleemarhúng kaahare', as kahhó' tunduwa tsaahhi adór múk ganaá'.

ISAYA 49:16

Ga/aawaak, aníng kuungá' naa gooiím baraá tsa/oó dakw'eé', koo/ír gixsarhúng i dír geeraaeé' daqisleém.

ISAYA 52:8

Afór xuumuuseerók iiárií qaaseek, i dinkwár wa dá' ar qwala/, asma adoodá' AAKOÓ MUNGÚ nira kií/ Siyoni ilaaínaá kilae ngaa ariyé'.

ISAYA 56:10

Asma xuumuusér Israeli a taampu, sleémeero i fuqreeraá kon'aaká, sleémeero a adór seeaawér afe waslen ar hhuheelimaaká, kudá' tawo guá' nee tlatitimá', in tawo gufmisiyá'.

ISAYA 62:1

Har daanduú Siyoniro a baloó xaslitaaká, nee daanduú Yerusalemuro a baloó hungu/usaaká, ay dír gan'amuuwós nay geehhoouy adór gwa/aateemaá wa ale, nee ay dír ba/amarós i mitsihh adór tsaa'astá wa alé

YEREMIA 14:21

Atén miti aahhaar as daanduú kuúng kilók. Kitaangók kuduú xirif mu mureekeesaar, inslaweek alqadoodá' taa qás dirén i aleeró.

YEREMIA 6:17

Aluuwo nuri xuumuuseérí qaás, nuri báw, ‹Afór tarumbeéta iiárií qaasaak.› Ala inooín tari oó', ‹A iiárií qaasanaaká.›

WA/AA/I 5:1

AAKOÓ MUNGÚ muruuwí atén taa slay inslaweek, ga/aaweek, murekesayrén i qayteek.

WA/AA/I 5:20

Ahaá, atén mista gunqaarés ay kureeraá kureér? Waáy, mista kwáhh deelór yaariire?

Luka 18:39

Mukdá' aa giirin kuri iigahhaát as iwa xasliiti, ala inós tseeooro iri buúhh, «Garmoó Daudi, án gurtlawáng.»

Tlehhema'aá ya/Abuuse 10:31

iri báy, ‹Kornelío, firoorók kaa axaás nee ilahhooarók Mungú ga gunqareesiiká.

Tlehhema'aá ya/Abuuse 10:4

Kornelio malaykamoodá' guri i qaytsita hhe'eés, iri da'ayuút, iri oó', «Gaa a milá, aáko?» Malaykamo iri oó', «Firoorók nee ilahhooaro Mungú gaa ilaaóh, nee Mungú ga gunqareesiiká.

1 Korinto 12:28

Baraá tla/ángw kríshaanayhe Mungú muu bahh'alé guna qaás. Múk geera a ya/abuuse, múk tsár a kuduú aaruuse, múk tám a intsaahhatuuse. Múk aluudá' a kudá' aleesleemu gu koóm oo muruú waa/oo/amo nguwa tlehhiiti. Nee slám múk aluudá' a mukdá' aleesleemu gu koóm oo tiqtuuse kawa hungu/umiisi, nee kudá' aleesleemu gu koóm oo muu kuwa alee/iimisi. Nee oo hatlá' a mukdá' aleesleemu gu koóm oo muu kuwa geeraharaahari, nee oo hatlá' a kudá' aleesleemu gu koóm oo tawa axweesi ar tsifrír dimbadimbé ar xuawaslen.

1 Tesalonike 5:17

Firo ma baloó mawaara'.

Ebrania 13:17

Kuungá' geeraharuuserhúng ilaiwawa/aak, nee adoodá' inooín ta kaahi tlehhiitaak. Asma inooín munerhúng ngin ga/aayá' xweera nee tlaatla/aango. Asma faarór gadiyér'ín ngi ooiyá' dír Mungú i alé. Kuungá' bar iga ilaiwawa/é', inooín daqaní gadiyér'ín ngi tleehhiyá' ar qwala/, ala ar gurhaamirooká. Ala barnaxes kan tleehh ar gurhaami gadiyér'ín daqaní gár dirhunge i bu' i káhh.

Geehhoeemaá 6:10

Inooín tari tseeamín ar afór ur ta kaahi, «Aáko, kuúsíng hhoohhoó' nee oo looeemaá axweés, kuúng ta damraaraan ay xaylá? Kuúng sakwasleema ka tlehh a xaylá, as li/oó tseereerén kuwa bu' dír mukdá' baraá yaamuú wa hoota?»