ISAYA 62:4 - Biblía Axweesantá Hhohho' ar Mungú 2004

⁴ Kiíng ti male bayká, «Ar taa sií'.» Nee yaamuuwók ki male bayká, «Deewa'ame.» Ala tin bay, «Ar ni slaa'.» nee yaamuuwók kiri bay, «Awa taa duúx.» Asma AAKOÓ MUNGÚ kiíng ugwa sla'atís, nee yaamuuwók ki duux.

ISAYA 62:4 Iomraidhean Croise

WARA'AMI 149:4

Asma AAKOÓ MUNGÚ mukós gu sa qwalalaa/. Múk tsaén gun parootuus ar arba/ati.

WARA'AMI 16:3

Múk hhohhó' oo baraakaá yaamu an múk afhhamít, inooín aníng i sla'atimisiyá'.

ISAYA 49:14

Ala múk Siyoni ta kaahi, «AAKOÓ MUNGÚ taa geexáy, Aakoorén atén taa gunqaareés.»

ISAYA 54:1

AAKOÓ MUNGÚ i kaahi, «Kiíngadár kampeeri, daá' Kiíngadá' xwayla ga tsaqká daá' ló'wa alé ar bara/, asma kiíngadá' taa geexáy na/aá yaariir i sleér, kudaá /ameenír taa duúx ba/a.

ISAYA 60:15

Kiídár aáng taa sií' nee taa aáhh, tam heé baraadár waaraáhh i kaahh. Ala hamí daxta i xirfayeés ay alhhe'eesay wasle. Tari gixsár qwala/ baraá qari sleémeero.

ISAYA 60:18

Baraá yaamuuwoge afór xaraasl ka baloó axasiiká laqaá hhitiru'uuma nee qwanaay dír digmuú yaamuuwoge i deeruutiaaká. Ba/ama tari adór koo/irók, xiríf tari adór afér maraywók.

ISAYA 61:10

Aníng an ló'wa qwalalaá/ baraá AAKOÓ MUNGÚ wá ale. Muunaáeé' i baraa/ as Munguúeé', asma inós aníng iga uuntsuús ar tlabaá ba/ama, iga hotaá ganaa'ár tsiitiís adór hiyaay. Adoodá' garmoó duxuxuúm tir parootumamisi ar slamángw /ayo, nee adór dasír ta duxuuti tir parootumaamis, ar kwaslaá tlaxo gawden.

ISAYA 62:12

Kuungá' tunduri bay, «Múk hhohhó' oo Mungú, Múk AAKOÓ MUNGÚ aa gweér.» Kiíng Yerusalemu tiri bay, «Gixsár taa leeleéhh, Gixsár ta baloó geexayká.»

ISAYA 62:2

Xoordu gan'amuuwók nguri ariyá' waawitá sleémeero xirfuuwók gun ar. Kiíng tiri umuú /abén i tsaat, umuudá' AAKOÓ MUNGÚ ni ooi.

ISAYA 62:5

Asma adoodá' masoomo dasír /amaatliito'o ngir duxaxiti, an adór mukók yaamuuwók ngir aali, adór hhawaata dasiidá' aa duúx ngir saqwalaala/i, an adór MUNGÚ kiíng ir saqwalaala/i.

ISAYA 65:19

Aníng Yerusalemu an saqwalalaá/, nee muk'eé' un sabaraá/. Baraadae afór tsuunqumis ka baloó axasiiká, nee /aa/aá slahh'amaaye i baloó ki/iaaká.

YEREMIA 3:14

«Ki/aaré', kuungásingá' na/aá inkihhimu wasl, asma aníng an Aakoohúng. Aníng umuú heewo u leéhh dír umuú gixsaro, nee múk tsár baraá umuú tlahhaywo, ngiri huúw ay tloomár Siyoni. Anuú AAKOÓ MUNGÚ tí ngina oó'.

YEREMIA 32:41

Aníng in saqwalaá/ ngiwa hhooeemáy tlehhiit, nee aníng inooín in baraá yaamuukií qaás ar inkihhimu nee ar muunaáeé' sleémeero, nee ar qeeruueé' sleémeero.»

YEREMIA 33:9

Gixsarí dir'eene tari gixsár qwal/uú huwahuuw nee ilaiwa/ame nee xirif dír geeraá xoordu sleémeero awa yaamuwo, kudá' kaangwí ngu axaasá' oo hhooeemaadá' naa dír múk Yerusalemúr i haniís. Inooín tari da'ayuut nee tari daaraax as kaangwí.»

ESEKIELI 36:35

Muu iri ooi, ‹Yaamuká' aáng adór xaanxaay, hamí daxta a adór asalmooduú Edeni, nee gixsadudá' aáng naa deewaiyé', kudá' tawa lóh niri sluhhuutiyé', hamí daxta ki hoot nee muu, slamí kaa harweér ar koo/ír gawit.›

HOSEA 2:21

AAKOÓ MUNGÚ i kaahi, «Baalaadae aníng doori in tsuúq as tluwaay iwa baraá yaamií tluwi

HOSEA 2:22

Yaamu balaangw nguri hamareesiyá', nee sabiíbuwo nee seituúniro, baraá xatstá Yesre'elír wa alé.

SEFANIA 3:17

Asma AAKOÓ MUNGÚ, Munguúhúng, i baraá tla/angwhúng i dirii'. Inós a migusmoohúng oo nu ba/amís. Inós kuungá' nu sa baraa/ ar qwal/uú úr. Baraá sla'aarirose inós kuungá' nun /abees. Afór daa'aangw gan tlees as nuwa sa qwalaala/i.

MALAKI 3:12

Múk xoordu sleémeero kuungá' nuri tsaahh adór tundura tsuúq nee Aako, asma yaamuuhúng ki hhoohhoo' ló'wa alé. Anuú AAKOÓ MUNGÚ Aleesleemusmo tí ngina oó'.»

Yohana 3:29

Heé nee /ameenír ta duxuuti ti koomá', an heedá' duuxuxuúm, ala mulqumoó heedaádá' duuxuxuúm oo didaádí dirií', inós gun iiárií qamín, slám afór heedaádá' duuxuxuúm gan sa qwalalaa/. Gawaá adoorihe qwal/uueé' aa boó/.

2 korinto 11:2

Aníng gura' iga óh as kuungá'. Guruuwí aníng iga oh, amór i dahhi a amór Mungú. Asma kuungá' a adór /amaatliito'ór hhoohhoo' ar taa kwatiitiiká. Aníng al'axweesani aga haniís, /amaatliito'oorí ngiwa haniis dír hhawaatuú wák. Nee hhawaatuuwí an Kristo.

DABE 30:9

AAKOÓ MUNGÚ, Munguúhúng kuungá' nu diihhooár yaariír i haniis baraá umuú gár ta tlehhita'a, na/aá yaariir i laqwalá', nee hikwaá yaariir i sleerá', nee qamuuhúng balángw yaariír ngu hamaareesiyá'. Asma Mungú in malé qwalaa/ kuungá' nuwa dihhooárí haniisi, ar adoodá' ira qwalaá/ baabi'iihúng giri dihhooárí haniís,

Ebrania 13:5

Kuungá' ti harmagahhe' gawaá sla'aarír peesaaro, ala muruudá' kuungá' ta koonda' i bu'uuti dirhunge. Asma Mungú inósuú kilá' ina oó', «Aníng kuúng u gaa wa /aaruwaaká, slám u baloó mawaaká.»

1 Petro 2:10

Asma kuungá' aáng geeraawo a xooroorooká, ala hám daxta a xoorór Mungú. Kuungá' aáng gurtleemuú Mungú ugwa sleeri'iiká, ala hám daxta gurtleemu ugwa sleeré'.

Geehhoeemaá 21:2

Gixsadá' hhoohhoo' ngiri ár, Yerusalémúr /aben, i gawaá doorí wa awdít, amór Mungú wa ale. Gixsadá' kaa tsiitiís adór dasír ta duxuuti, ar taa parootuús as garmaadá' ga duxuút.