ISAYA 62:12 - Biblía Axweesantá Hhohho' ar Mungú 2004

¹² Kuungá' tunduri bay, «Múk hhohhó' oo Mungú, Múk AAKOÓ MUNGÚ aa gweér.» Kiíng Yerusalemu tiri bay, «Gixsár taa leeleéhh, Gixsár ta baloó geexayká.»

ISAYA 62:12 Iomraidhean Croise

WARA'AMI 107:2

Mukdá' AAKOÓ MUNGÚ aa ba/amís sluufaywí ngu ooiye', kudá' aa tuú/ baraá dabaá wakuusér wa ale.

TI'INAANGW 19:6

Kuungá' dir'eene tari waawuti'iimár kaahamuusér Mungú nee xoorór hhoohhoo' ar Mungú.› Axweesanaywí an kudá' ta o' dír múk Israeli.»

ISAYA 1:27

Siyoni ka gweer ar sakwasleemár ganaa', nee mukós kudá' aa hhu'uu'un kun gweer ar hotaá ganaa'á'.

ISAYA 35:8

Loohír ur baraadae i deer, inós ka bay «Loohír hhoohhoo'.» Múk daba' tlákw loohidá' ga kala/iiká, ala aqo har múk Mungú kilooín. Inooín tam ki iimi bo/e ala i qwaariiaaká baraá loohidae.

ISAYA 35:9

Baraadae diraangw i kaahh, tam makiito'ór xaraasl i baraadár waarahhká, makaá adoorí baraadae ki baloó ariiká, ala loohidá' múk gar ohiím a har mukdá' taa ba/amís kilooín.

ISAYA 4:3

Slám panaydá' aa Siyónírí meet nee kudá' taa geexáy baraá Yerusalemu, kin bay, «Múk hhohhó' oo Mungú.» Kuká' an kudá' taa gooín baraá kitaábuuwós tawa múk baraá Yerusalemúr wa hoót.

ISAYA 41:17

Múk narkuute nee oo gaa wásl bir ma'aá leelehhiitiyá', ma'aay i kahhiyá' waxeero hhehhuuín birna kahiyé'. Aníng AAKOÓ MUNGÚ i mu/aywaáts, Anuú Munguú Israeli i geexawaaká.

ISAYA 42:16

Aníng múk taampu un geerahaár ar loohír i baloó xuiaaká. Inooín in geerahaár baraá loohír ni xuiaaká, Giwtír geeraaín an warqeés tawa gwa/aateema, yaamaá wa/eeraá koomá' in tlapu tleéhh. Adoorí an adór ni tleehh. Nee án inooín i geexawaaká.

ISAYA 51:10

Ahaá kudá' tlawi gaa kahaas a kuungekáhe? Kudá' iloodá' uren awa ma'aay gaa kahaas, kudá' loohi gaa baraá iltá ma'ár tleehh as kahhó' mukdá' taa ba/amís iwa waaraahhi.

ISAYA 52:3

AAKOÓ MUNGÚ i kaahi, «Kuungá' tunda weeriís ar tawo nee tundu tuu/ ar peésa wasle.»

ISAYA 60:21

Muu sleémeero tari múk hota ganaá'. Inooín yaamu kin aal ay alhhe'eesay wasle. Inooín an harma/itaeé' ar dabaaene naa dahaás. As kahhó' aníng ti xirfayees.

ISAYA 62:2

Xoordu gan'amuuwók nguri ariyá' waawitá sleémeero xirfuuwók gun ar. Kiíng tiri umuú /abén i tsaat, umuudá' AAKOÓ MUNGÚ ni ooi.

ISAYA 62:4

Kiíng ti male bayká, «Ar taa sií'.» Nee yaamuuwók ki male bayká, «Deewa'ame.» Ala tin bay, «Ar ni slaa'.» nee yaamuuwók kiri bay, «Awa taa duúx.» Asma AAKOÓ MUNGÚ kiíng ugwa sla'atís, nee yaamuuwók ki duux.

ISAYA 63:18

Mukók kudá' hhohhó' har qoomár niinawe yaamu gina aál, ala wakuuseerén niri hardát, dirók tidá' hhoohhoo' kari yaamií kalaá/.

ISAYA 65:1

«Aníng taa amohhe'eés tiwa slaawaan nee kudá' i yaahamisa'aaká, aníng taa amohhe'eés tiwa sláy nee kudá' i leelehhita'aaká. Aníng xoorduudá' i firirima'aaká ngiri báw, ‹Aníng a diirí, aníng a diirí!›

Matayo 16:18

Ala aníng kuúng u baw, kuúng a Petro, gidaabárós a tlaa/a. Gawaá tlaa/arihe aníng mukdá' iga haratlintii' u gawdeemiís. Tam gwa'ara sleeme muk'eé' kwí gu aleesleeraaká arba/ato.

Matayo 28:20

Muruudá' sleémeero naa kuungií intsaahhatimís, dir'ínií intsaahhatisak ku oohi. Ga/aawaak aníng a dinkwa nee kuungá' deelo sleémeero ay alhhe'eesoó yaamu.»

Luka 19:10

Asma Garmoó Hee nina hardáh tidá' aa qwat ngiwa leelehhiiti nee ngiwa ba/amisi.»

Yohana 10:16

Bee/ángw hatlá' sleeme u koóm, ala i baraá daqtiheeká. Bee/aangwí gár kuwa hariím a ngun huúw baraá daqtí alé. Inooín afor'eé' ngiri iiárií qaasiyá', aluuwo tari daqtá wák nee de'eemusmo tari wak.

Yohana 4:23

Ala qooma i hardát, nee hám naa hardát, ar mukdá' sluufmiís ló' wa ale, Baabá kuwa sluufmiisi ar qeeru nee looeema, asma Baabá múk adór kwí gu leelehhiit oo gu sluufmiís.

DABE 26:19

Kuungá' nu xoorór ur tleehh ta xoorduukaá hatlá' sleémeero aa tlehhahhiít ba/a, as kuungá' inós kuwa xirfayeemisa', nee kuwa aleekala/a', nee kuwa ilaiwawaa/a'. Kuungá' tari mukós oo hhohhó' adoodá' AAKOÓ MUNGÚ, Munguúhúng ngira al'axweés.»

DABE 28:9

«AAKOÓ MUNGÚ kuúng u xoorór hhoohhoo' tleehh, adoodá' ngira alqadín, kuúng bar hara'ayaarós aga iialooés, nee bar loohirós aga eehát.

DABE 7:6

Adoorí tleehhaak, asma kuungá' tunda paraátl as AAKOÓ MUNGÚ, Munguúhúng. Kuungá' AAKOÓ MUNGÚ nuna tsawaár baraá tla/ángw xoorduuwo as tawa mukós oo kilá'.

Ebrania 13:5

Kuungá' ti harmagahhe' gawaá sla'aarír peesaaro, ala muruudá' kuungá' ta koonda' i bu'uuti dirhunge. Asma Mungú inósuú kilá' ina oó', «Aníng kuúng u gaa wa /aaruwaaká, slám u baloó mawaaká.»

1 Petro 2:9

Ala kuungá' a xoorór taa tsawaár, kaahamuusér waawuti'iimár Mungú, xoorór hhoohhoo', xooroodá' Mungú aa tós tleéhh, as kuungá' tlehhemi'iiwós kudá' xirfayen kiwa alki/ita', kudá' inós aa tleéhh. Inós kuungá' nuna ateét baraá giwtír wa ale, nuri dahaás baraá gwa/aateemaawós kudá' waa/oo/amór koomá'.

Geehhoeemaá 5:9

Inooín daa'ángw /abén ngun daaiyá', tawa kaahi, «Kuúng a hariín kitaábu kuwa taatahh nee dugeeniiwós kudá' ki qaás kiwa gwet, asma kuúng tuna gaás, nee ar tseereeroge muu una tláxw as Mungú, múk umuúqo tlahhaywo nee umuúqo tsifriro, nee umuúqo mar'eefo nee umuúqo xoorooro.