ISAYA 62:11 - Biblía Axweesantá Hhohho' ar Mungú 2004

¹¹ Ga/aawaak, AAKOÓ MUNGÚ kaangwí gwaa alki/iít ay ku/uyaá yaamu, múk Siyoni bawaak, «Ga/aawaak, ba/amusmoohúng naa hardáh. Nee qeemuuwós gu kón, bu'utuwós i dír geeraawós.»

ISAYA 62:11 Iomraidhean Croise

ISAYA 12:2

Ga/aawaak, Mungú an ba/amar'eé', inós un harahhiíf, sleeme a da'ayumitaaká. Asma AAKOÓ MUNGÚ an /uuruueé' nee daa'angw'eé', inós an ba/amusmooeé'.»

ISAYA 17:10

Asma kuungá' Israeli, Munguúduú ba/amarhúng ugwa gunqaaresé', tam tlaa/adár guwayhúng aga insleeri'iiká. Gawaá adoorihe, tam dahaasíngw sla'atimís u dahaasinda'a, kuri hanisá' dír munguúdá' ta bay Ba'ali.

ISAYA 42:10

Daa'ángw /abén daa'aak dír AAKOÓ MUNGÚ, hhapeemo sleémeero xirfuuwós ngu daaiye'. Gimsé' tlawi i /orotl nee umuúqo gár baraadá' i diriia, ayeemaá sawen nee yaamuloouuser'ine.

ISAYA 46:13

Deelór nuwa ba/amis ngi tseeweés. Ka saweeká. Deelór nuwa ba/amis i tligká. Gixsár Siyoni an ba/amís as múk Israeli kuduú xirfuueé'.»

ISAYA 48:20

Hám daxta tlawé' Babulonír wa ale, /akumiité' yaamaá Kaldayór wa ale. Kaangwí alki/itaak ar tseeór qwala/, kaangwí ooaak, afoorí ya/aawaák ay ku/uyaá yaamu, ta oa', «AAKOÓ MUNGÚ múk Yakobo kuduú sagadiyuuseerós gwaa ba/amís.»

ISAYA 49:4

Ala aníng niri oó', «Gadiyér tawo aga tleéhh, /uuruueé' ugwa tawo qwaareés. Tam adoorihe looeemaawo gan'amueé' amór AAKOÓ MUNGÚ ngin daahh, nee slaqwer'eé' i dír Munguúeé'.»

ISAYA 49:6

i kaahi, «A gár ló'wa niina kuúng tawa sagadiyusmooeé', oo tlahh'aá Yakobo gi gáwtí tleés, nee mukdá' aa meet oo Israeli nguwa ki/is. Ala aníng kuúng sleeme un gwa/aateemaá xoordu tleéhh, as ba/amar'eé' iwa hardat ay ku/uyaá yaamu.»

ISAYA 51:5

Ba/amar'eé' ni gaanslár hardát. Ba/amaadá' naa huúw ka geehhoo'. Dakw'eé' muu gu sawaawuti'ín. Kuungá' hhapeemaá sawen daamaré', /uuruueé' na harahhifaak.

ISAYA 59:20

Inós ni Siyonírií hardah adór gweerusmo. A gweerusmoó xwaylár Yakobo tidá' tlakweema gaa meer, AAKOÓ MUNGÚ i kaahi.

SEKARIA 9:9

Kuungaá múk gixsár Siyoni qwalaala/é', kuungaá múk gixsár Yerusalemu baraa/é'. Ga/aawaak waawutmoohúng ni amorhúng i hardah, nin hardah ar bara/ nee arba/ati, ku tsatsa'aár, aa tsa/án gawaá daqwaay, gawaá gwarendmoó daqwaay, na/oó daqwaay.

Matayo 21:5

«Múk gixsár Siyoni bawaak. Ga/aawaak, waawutmoohúng ni amorhúngií hardáh. Inós ku tsá'. Aa tsa/án gawaá daqwaay, nee gawaá gwarendmoó daqwaay.»

Marko 16:15

Aluuwo Yesu giri báy, «Tlawsé' baraá yaamu sleémeero, Ya/abtór hho' alki/iitaak dír muu sleémeero.

Yohana 12:15

«Múk gixsár Siyoni, ma da'ayumiitaara', Qaytsité', waawutmoohúng naa hardáh, aa tsa/án gawaá daanduú gwarendmoó daqwaay.»

DABE 30:4

Tam geera kuungá' tunda diyaa/i baraá ku/uyaá yaamu awa saawá', AAKOÓ MUNGÚ, Munguúhúng nun burumbuúr nuri ki/is.

Geehhoeemaá 22:12

«Ga/aaweek, aníng ni hardáh ar gaanslaay, nee slaqwer'eé' i dinkwa nee aníng, as umuúqo heewo nguwa buu' ar adoodá' tlehhmi'iiwós i dirii'iya'.