ISAYA 62:10 - Biblía Axweesantá Hhohho' ar Mungú 2004

¹⁰ Kuungá' múk Yerusalemu, afér gixsaaro tsee/ay ti'iitaak, loohi amohhe'eesaak as muu. Loohír ur tleehhaak, tlaa/e hingeesaak, laya laqamaak as muu.

ISAYA 62:10 Iomraidhean Croise

WARA'AMI 24:7

«Kuungaásingaá afér gixsa, gweerita hhe'eesé'! Kuungaásingaá afér qaránqar, gweerité', waawutmoó xirfuú koóm i dahi!»

WARA'AMI 68:4

Mungú i daa'aak, umuuwós xirfayeemisaak, loohír waarahhama geeraawós ti tlehhe', inós a kudá' baraá darmúr waaraáhh. Umuuwós a AAKOÓ MUNGÚ, baraa/é' dír geeraawós wa ale!

TI'INAANGW 17:15

Mose kitángw Mungú nguwa ilahhooárí haniisi guri tleéhh. Kitangwdá' guri umií tsaát, guri báy, «AAKOÓ MUNGÚ an Bendeérar'eé'.»

ISAYA 11:10

Baalaadae yaeemír doó Yese in adór laya tleehhít dír muko, inós xoordu ngun leeleehhiyá', didár hotaawós iri xirfút.

ISAYA 11:12

Inós bendeéra gan gáwtí tlees tawa laya dír xoorduuwo, múk Israeli kudá' taa tlatlahhaás gu burumbuur, múk Yuda oo taa diyayaá/ gu haraki/is, badu tsiyahhaawo awa yaamu.

ISAYA 11:16

Didá' iri loohír ur tleehhít ar Ashurúr daahh, asma panoó mukós kudaádá' aa Ashurúr i meet, adoodá' aa tleehharut qoomaadá' múk Israeli niwa yaamaá Misrír wa ti'iít.

ISAYA 18:3

Kuungaásaá yaamuloouusér baraá yaamu sleémeero, iia qaasaak, kuungaásingá' baraá yaamú wa hootá', qoomár bendeéra bar ka gawaá tlom'í wa tleés ta qaytsitá', qoomár tarumbeéta barka ufaáhh iia ka qasá'.

ISAYA 19:23

Baalaadae loohír ur ni Misrír wa tleér ay Ashuru, múk Ashuru nee múk Misri tiri haraxaxayá'. Múk Misri nee oo Ashuru Mungú nguri dinkwár sluufmiisiyá'.

ISAYA 26:1

Baalaadae daa'angwí ku daa' baraá yaamaá Yudawo, atén gixsár gawit a koomaán, Mungú ba/ama ngin atén ar harwediit adór koo/i.

ISAYA 26:2

Afér gixsa gweeraak, as xoorór hota ganaa' iwa dat tidá' inkihhmúr hotatiim.

ISAYA 35:8

Loohír ur baraadae i deer, inós ka bay «Loohír hhoohhoo'.» Múk daba' tlákw loohidá' ga kala/iiká, ala aqo har múk Mungú kilooín. Inooín tam ki iimi bo/e ala i qwaariiaaká baraá loohidae.

ISAYA 35:9

Baraadae diraangw i kaahh, tam makiito'ór xaraasl i baraadár waarahhká, makaá adoorí baraadae ki baloó ariiká, ala loohidá' múk gar ohiím a har mukdá' taa ba/amís kilooín.

ISAYA 40:3

Afo i tseeamiín baraá darmuú alé, i kat, «Loohír AAKOÓ MUNGÚ amohhe'eesaak poohoó loohi gan'asaak baraá xaanxaywo as Munguúrén.

ISAYA 40:4

Umuú tlapaaro ka hatsiis, umuú tloomaro nee gongoamoowo ki yaamií daahh, tlapu ki alqoomees, yaamaá guhhe ki gana'aas.

ISAYA 48:20

Hám daxta tlawé' Babulonír wa ale, /akumiité' yaamaá Kaldayór wa ale. Kaangwí alki/itaak ar tseeór qwala/, kaangwí ooaak, afoorí ya/aawaák ay ku/uyaá yaamu, ta oa', «AAKOÓ MUNGÚ múk Yakobo kuduú sagadiyuuseerós gwaa ba/amís.»

ISAYA 49:11

Tlom'ieé' sleémeero in loohi tleéhh, poohoó yaariír oo loohi iri tsatiit.

ISAYA 49:22

Aakoó MUNGÚ i kaahi, «Ga/aaweek, aníng dakw'eé' u gáwtí tleés amór xoordu, laya ngiri tleéhh dír muu, inooín daaqayhúng nguri da/eewér huwyá', tam dasuuhúng nguri gawaá sum'i'ínár huwiyá'.

ISAYA 52:11

Tlawsé', tlawsé', gixsár Babuloni geexawaak, gár slasla/aar ma kwatimitara'. Ti'iité' baraá gixsaro, ti kiloohúng hheehhe'ese' kuungaádá' xooslár AAKOÓ MUNGÚ loohisá'.

ISAYA 57:14

AAKOÓ MUNGÚ iri ooi, «Loohi tleehhaak, tleehhaak, amohhe'eesaak, dukuutse hingesaak baraá loohír muk'eene.»

ISAYA 60:11

Afér gixsaarók kan gweermoórí máy tlatla/aangw nee xweeraawo ka tseegiiká, as xoordu nee waawitaáine, daqaari'iimar'ín ngiwa huwiya' amoorók.

ISAYA 60:18

Baraá yaamuuwoge afór xaraasl ka baloó axasiiká laqaá hhitiru'uuma nee qwanaay dír digmuú yaamuuwoge i deeruutiaaká. Ba/ama tari adór koo/irók, xiríf tari adór afér maraywók.

ISAYA 66:19

«Aníng laya an qaás, baraá tla/angw'ín, dir'ine awa na meetiye' ngiri huúw baraá xoordu, amór Tarshishi, nee amór Puti, nee amór Ludi kudá' ga/aldaá xuá' tlaqutuwo, nee amór Tubali, nee amór Yowani, amór ayeemoodá' sawen awa afaá tlawi kudá' handá' kangw'eé' ngwa axasi'iiká nee xirfuueé' ngwaa ari'iiká. Amoodae muk'eé' xirfuueé' guri alki/iit dír xoordu.

YEREMIA 18:15

Ala muk'eé' iga gunqareés, inooín mooyángw tsuú' ngwa munguaá hatlá' i da/aa/ané'. Inooín naa dukuutsiyé' baraá lohuuine, baraá lohdaá aange. Baraá lohdaá irakw kinar uhín kitángw lohdaá hhaytantá urene.

YEREMIA 4:6

Bendeéra gáwtí tleesaak ka amór Siyoni xu'usá'. Guwé' as tiwa /isa', ma tligatligaara' AAKOÓ MUNGÚ slaqwarár ur ngi /iikú wa huuw nee hhaamimisuú urene.

ESEKIELI 26:2

«Heewí, múk Tiro, múk Yerusalemu ngwa sawaaqasené' tawa kaahi, ‹Ahaá ala, Yerusalemu gixsadá' muu sleémeero ira waaraáhh, kaa hhaáf, daxta atén pa/aangw ugwa slawaán, daqaari'iimarós kaa hhitín.›

Matayo 22:9

Ala tlawsé', tsa/amé' amór lohaá uren, muu sleémeero oo taa aandé' amór doó duuxórí ateetare'.›

Ebrania 12:13

Lohudaá ya'aahúng qwatsaak, as yaaeedá' aa sol'ot miwa qét, ala masók a kan hungu/uus.