ISAYA 61:9 - Biblía Axweesantá Hhohho' ar Mungú 2004

⁹ Xwaylar'ín iri iia tleeruúr baraá xoorduuwo, nee na/ii'ín baraá tla/ángw muko sleeme, umuúqo heé inooín gaa ari gari tsaahh, adór inooín tar múk taa tsuúq nee AAKOÓ MUNGÚ.»

ISAYA 61:9 Iomraidhean Croise

IIMU/UUNGW 22:18

Ar baraá xwaylaroge xoordu sleémeero tsuuqa ngiri slayá', asma kuúng afor'eé' aga iiárií qás.› »

IIMU/UUNGW 30:27

Ala Labani iri oó', «Pa/ángw nir ilawaats haniisang. Alaá tsaahha ngiwa sláw, aníng ngiri xuú' adór AAKOÓ MUNGÚ án ira tsuúq as kuúng.»

WARA'AMI 115:14

AAKOÓ MUNGÚ nu na/ií haniisi, kuungá' nee na/iihunge!

ISAYA 43:5

Ma da'ayumitaara', asma aníng a dinkwa nee kuungá'. Aníng xwaylarhúng ngi da/aáw wa ki/ís. Aníng kuungá' nu burumbuúr bihhaá /uwaá wa ale.

ISAYA 44:3

Aníng ma'aay i ku'uús baraá yaamaá naa waxitiye', nee duxe an wa/ás gawaá yaamaá kaahaar aníng qeeruueé' un haniís dír xwaylarhúng nee xwaylarhúng ngari tsuúq.

ISAYA 53:10

Tam adoorihe AAKOÓ MUNGÚ guna slaá' nguwa slahh'eemisi, guri gurhaamír ar áy. As hhiintluuwós nguwa duúx tawa ilahhooár tlakweés hingeesa, xwaylarós ga ar adór kar hota tleér. Inós an kudá' sla'aarír AAKOÓ MUNGÚ ga boo/eés.

ISAYA 65:23

Inooín gadiyér tawo ngi tleehhiiaaká, laqaá na/aá qatlá' ngi laqwlina'aaká. Asma inooín an xwaylár taa tsuúq nee AAKOÓ MUNGÚ. Inooín nee xwaylar'ine kaa tsuúq.

ISAYA 66:22

AAKOÓ MUNGÚ i kaahi, «Asma adoodá' dooraá /aben nee yaamaá /aben kudá' ni tleehh nir hotatina' dír geeraaeé' wa alé, an adoodá' xwaylarók nee umuuwoge ir kumamitiya' daqisleém.»

YEREMIA 31:7

Asma AAKOÓ MUNGÚ i kaahi, «Daaé' ar qwala/ as múk Yakobo, ururu'uumisé' asma xoorór ur, kaangwí ilahanisaak, baraa/é' tawa kata', ‹AAKOÓ MUNGÚ mukós gwa ba/amís, mukduú Israeli aa meet.›

SEKARIA 8:13

Nee adoodá' kuungá' tara adór múk lo'ór koóm tleehhité' baraá xoorduuwo, aá múk doó Yuda nee doó Israeli, adoorí an adór nur ba/amis, kuungá' tay tsuuqa tleehhitá', ma da'ayumitaara' ala kuungá' na pihhé'.»

MALAKI 3:12

Múk xoordu sleémeero kuungá' nuri tsaahh adór tundura tsuúq nee Aako, asma yaamuuhúng ki hhoohhoo' ló'wa alé. Anuú AAKOÓ MUNGÚ Aleesleemusmo tí ngina oó'.»

FAARO 22:12

Mungú Bala'amu guri báy, «Miti alkoomara' nee muksíng, tam mukdá' sleeme mu lu'usar, asma mukdá' kwaa tsuúq.»

Tlehhema'aá ya/Abuuse 3:26

Qoomár Mungú sagadiyusmoowós kwí nguwa hhe'eés waasle/atisaro, nguri amorhúngí geerií ya/aáw, as umuúqo heewo tlakweema ngiwa may as tsuuqaawós.»