ISAYA 61:8 - Biblía Axweesantá Hhohho' ar Mungú 2004

⁸ «Anuú a AAKOÓ MUNGÚ kudá' sakwasleemár ganaa' ga slaá'. Aníng /ayta nee hhitaro i waák. Ar inkihhimueene slaqwér muk'eé' a buú', slám alqadór alhhe'eesay wasl a tleéhh nee inooín.

ISAYA 61:8 Iomraidhean Croise

IIMU/UUNGW 17:7

«Alqador'eé' an gawdeés tla/ángw án nee kuunge, nee xwaylarók nee xwaylár na/aá na/iiwók nee xwaylar'ín, as tawa alqadór alhhe'eesay wasle, adór aníng tar Mungú diroge nee dír xwaylarók ar kumiit aluuwoge.

2 SAMUELI 23:5

Adoorí an adór dooeé' i dirii'i dír geeraá Munguhe Asma alqadór alhhe'eesay wasl ngaa dir'eéní oó' ar qoom, ar baloó warqawaaká. Inós muruú aníng ni slaa' sleémeero ngun slasláy.

WARA'AMI 105:10

Kaahirós gana gawdeés dír Yakobo, gay oó', adór alqadoorós ir alhhe'eesoó koondaaká.

WARA'AMI 11:7

AAKOÓ MUNGÚ i gan'amuú kón nee hotaá ganaa'á' gi slaa'. Múk ganaá' inós ngu ariyá'.

WARA'AMI 32:8

Aako i kaahi aníng kuúng un intsaahhatís, nee lohduuwók ngi qwatsiím. Án kuúng un gan'amiís ar inkihhimu.

WARA'AMI 33:5

AAKOÓ MUNGÚ sakwasleemár gan'amu ga slaa'. Yaamu i hatsiyá' sla'aarirós ar warqawaakahe.

WARA'AMI 37:28

Asma AAKOÓ MUNGÚ sakwasleemár ganaa' ga slaa', tam mukós kudá' hhohhó' gu baseehuwiiká. Heé hota ganaá' gu de'én ay alhhe'eesay wasle. Ala xwaylár heé tlakusmo gan qwaarees.

WARA'AMI 45:7

Kuúng gan'amu una slá', malgweét ana áhh, gawaá adoorihe AAKOÓ MUNGÚ, kuduú Munguúwók, kuúng una iimbalaáx ar di/i as uwa waawutmoó wa qaasi, una qwal/atís ta waawituú hatlae.

WARA'AMI 50:5

«Muk'eé' kudaá inkihhím burumburaare', Kudá' alqadu ngaa dir'eéní tleehhiye' ar ilahhooár muruú ta tsu/i.»

WARA'AMI 62:10

Harahhifoorók ma qaasaar baraá muruú hara/uuntsa, laqaá ma daara/aamaar ar daqaari'iimár fiiso, daqaari'iima bira tláhh, muunaáwók munguwa hayót.

WARA'AMI 99:4

Kuúng, waawutmoó aleesleemuú koóm, kuúng barqaanti aga hiingés, slám sakwasleemár ganaa' ana tléhh, nee hotángw ganaá' nguna húp dír múk Israeli.

AXWEESANOÓ SAGALOOA 3:6

Baraá lohduuwók sleémeero inós ya/ameek. Inós lohduuwók ngi qwaats.

AXWEESANOÓ SAGALOOA 8:20

Aníng an hoót ar gan'amu nee tlehhma'aá ganaa'á' in eeharahár.

ISAYA 28:17

Aníng sakwasleemár ganaa' anar gadiyuús tawa xooslmooeé' oo qoomeemes, nee hotaá ganaa'á' tawa hhutlmoó qoomeemes, lamemoohúng kudá' ta i gogoba' kin xoontsoroo' nee tluwoó tlaa/e, nee al/aymarhúng tidá' tay nahhmita' kan ar tlay nee alwuór ma'aay.

ISAYA 30:18

Gawaá adoorihe AAKOÓ MUNGÚ kuungá' nu daamaarán, as nuwa gurtlay. Inós ni tláy as kuungá' nuwa gurtláy. Asma AAKOÓ MUNGÚ a Mungú sakwasleemár ganaa' ga tlehhahhiít. Múk amohhoó' a kudá' inós gu daamaraám.

ISAYA 5:16

Ala AAKOÓ MUNGÚ Aleesleemusmo tina xirfayeés ar sakwasleemár ganaa', Munguú hhoohhoó' hhohhoaarirós gan laqaaqán ar hotaá ganaa'á'.

ISAYA 54:10

Asma tlom'i daqtakaaro i quutliyá', gongoama' ki surkuus. Ala sla'aarir'eé' ar warqawaaká i baloó qutlká diroge, nee alqador'eé' tidár wayda ka hingeesiiká diroge.» AAKOÓ MUNGÚ kudá' gurtleemuú koóm daanduuwonge tí gan kah.

ISAYA 55:3

Iaahúng qaasaak, nee amor'eé' hardahare'. Aníng iiárií qaasaré', daqaní a hotá'. Aníng alqadór alhhe'eesay wasl a tleéhh nee kuungá', sla'aarir'eé' ar warqawaaká tidá' ló' dír Daudiwo.

ISAYA 56:1

AAKOÓ MUNGÚ i kaahi, «Sakwasleemár ganaa' tleehhaak, nee hotaá ganaa'á' ar hootaak, asma ba/amar'eé' hamír kilá' ni hardát, nee ba/amar'eé' ka ar.

ISAYA 66:22

AAKOÓ MUNGÚ i kaahi, «Asma adoodá' dooraá /aben nee yaamaá /aben kudá' ni tleehh nir hotatina' dír geeraaeé' wa alé, an adoodá' xwaylarók nee umuuwoge ir kumamitiya' daqisleém.»

YEREMIA 32:40

Aníng alqadór alhhe'eesay wasl an tleéhh nee inooín, as kahhó' inooín ngiwa baloó mawaaká hhooeemáy tlehhtuuwo, nee muunuú aníng iwa ilaiawawa/iya' un baraaíní qaás, as kahhó' aníng miwa malé si'iyé'.

YEREMIA 9:24

Hee birti xirfayeemiis ti xirfayeesi as tí: Aníng iwa xui adór tar AAKOÓ MUNGÚ kudá' sla'aari warqawaaká, nee sakwasleemár ganaa' ga tlehhiít, nee hotaá gana'á' gi slaá' baraá yaamu. Asma muruuwí aníng i sla'atamis. Anuú AAKOÓ MUNGÚ tí ngina oó'.»

ESEKIELI 16:60

Ala aníng al'axweesantadá' nee kiíng naa qaasaán qoomár kiíng tawa /amaatliito'o a insláw. Aníng nee kiíng al'axweesantá alhhe'eesáy wasl a tleehhaán.

ESEKIELI 34:25

Aníng nee inooín alqadór wayda ngiri qaasaán. Aníng makaá xaraaslá' in faák baraá yaamuwo as bee/angw'eé' iwa baraá darmú xatsoó wa hooti ar amohhooa, nee iwa gui baraá sla/atá wa ale.

MALAKI 1:13

Kuungá' a kata', ‹Aga slaaqamiitaán muruuwí sleémeero!› Nee iri waaqaé'.» AAKOÓ MUNGÚ Aleesleemusmo tí ngina oó', «Kuungá' muruú naa /awa/awiindé', nee oo toqooraay, nee oo tiqtuuse, un ilahhooar'eé' wa hanmisa'. Xáy, aníng a ya/aáma muruú adór kwí nguwa amor'eé' hanmisa'?» AAKOÓ MUNGÚ tí ngina oó'.

Matayo 23:13

«Ala kuungaá intsaahhatuusér hara'ayár Mose nee múk Farisayo awa hhaahafuuse, a tsaxwaahúng. Asma kuungá' afkú doó waawuti'iimár Mungú una tsegé' as muu miwa dáh. Gím kuungá' kilá' a ak data'aaká, slám mukdá' daráh u ak geemeera'aaká iwa dahi. [

2 Tesalonike 3:5

Masók Aako munerhúng gan gan'aás amór sla'aarír Mungú nee baraá qitluudá' Kristo ni hanmiisi.