ISAYA 61:7 - Biblía Axweesantá Hhohho' ar Mungú 2004

⁷ Kitángw mureero ilaiwa/ame a sagáwa tsár wa sleér kitángw waaqa'amaawo kuungá' yaamuuhúng in saqwalala/á'. Gawaá adoorihe baraá yaamuwo kuungá' yaamu i sagaáwa tsár wa sleerá'. Qwal/uuhúng i baloó fakiiká.

ISAYA 61:7 Iomraidhean Croise

2 WAAWITÁ 2:9

Tawa hardáh gayuduú hatlae Eliya Elisha guri báy, «Gimáy gár ta sla' ooang dír aníng tira ar tlayká diroge.» Elisha iri oó', «Masók aleesleemuú qeeru oo adór kók kwisíng un sagaáwa tsár wa sláw.»

YOBU 42:10

Alaá Yobu mukdá' nguwa hhe'eés aleefirooro, AAKOÓ MUNGÚ Yobu guri adoodár aángí ki/ís, guri muruuwósí ki/ís sleémeero kuduú aáng ba/a sagáwa tsár wa ale.

WARA'AMI 126:5

Múk aa dahaasíngw ay ar hhirhheeri, ngu bu'uná' ar bara/.

WARA'AMI 16:11

Kuúng aníng i loohír slafíngw i geehhoatís. Dír geeraawoge qwala/ ku yaariír, nee baraá dakók kuduú doó /iyayhe hhooeemaá alhhe'eesay wasl i dayá'.

ISAYA 35:10

Mukdá' AAKOÓ MUNGÚ aa ba/amís i wayaa' nin hardihiyá' ay Siyoni ar daa'ángw bara/, qwal/uú alhhe'eesay wásl i baraá muner'ín. Inooín nin hootiyá' ar qwala/ nee bara/, gurhaami nee /ifooro ni faakiyá'.

ISAYA 40:2

Axweesé' ar afór tsa' nee yaamuloouusér Yerusalemu, ádbawaak ar afór ur, inooín kibeeto' slaqwararhúng aa fák. Tlakweemaaín kaa gurtláy, AAKOÓ MUNGÚ inooín gaa slaáhh sagáwa tsár wa alé, asma tlakweemaaín kudá' sleémeero naa tleehhiyé'.»

ISAYA 51:11

Naagáy mukdá' AAKOÓ MUNGÚ aa ba/amís ni wayaa', nin hardihiyá' Siyoni ar daa'ángw bara/, qwal/uú alhhe'eesay wásl i baraá muner'ín. Inooín nin hootiyá' ar qwala/ nee bara/, gurhaami nee qununu/aay ni faakiyá'.

ISAYA 54:4

Ma da'ayumitaar ti mureekesiiká, ma amoqwaqwadimaar ti male waaqaaiiká, asma mureekesayduú masoombi'iimarók u gunqaarés, tam /oosliislíngw tawa kwaalo'o u baloó insleeraaká.

ISAYA 60:15

Kiídár aáng taa sií' nee taa aáhh, tam heé baraadár waaraáhh i kaahh. Ala hamí daxta i xirfayeés ay alhhe'eesay wasle. Tari gixsár qwala/ baraá qari sleémeero.

ISAYA 60:21

Muu sleémeero tari múk hota ganaá'. Inooín yaamu kin aal ay alhhe'eesay wasle. Inooín an harma/itaeé' ar dabaaene naa dahaás. As kahhó' aníng ti xirfayees.

ISAYA 65:13

Gawaá adoorihe, Aakoó MUNGÚ i kaahi, «Ga/aawaak, sagadiyuuser'eé' i /ayiín, ala kuungá' qwari nu tsuu/. Ga/aawaak, sagadiyuuser'eé' i wahaán, ala kuungá' waxe nu fák. Ga/aawaak sagadiyuuser'eé' i qwalaalá/, ala kuungá' tundu mureekees.

SEFANIA 3:19

«Ga/aawaak, qoomaadae kudá' sleémeero nu baramaanuusá' aníng in muúx. Ala kudá' soopimá' in ba/amís, nee awa taa kwaáhh in burumbuur. Murer'ín an warqeés tawa xirif nee in iia tleereés baraá yaamu sleémeero.

SEKARIA 8:12

Asma didae wayda i deeruut, sabiíbu /ar'i giri slaslaax, yaamu sleeme bu'uungw'ín ngu duuxiyá' nee tluwaay iri tluuw, aníng mukwí aa meet un muruuwí sleémeero i haniís as nguwa aaliya'.

SEKARIA 9:12

Kuungaásingaá taa tsegiít awa harahhifór koomá', ki/é' amór koo/irhúng tidá' gawit. Hamí án kuungá' nun baw, nu hhooeemáy ki/ís sagaáwa tsár wa ale.

Matayo 25:46

Nee kukaáká' niri tlayá', niri dahamaá ayá' baraá sakwasleemár alhhe'eesay wasl. Ala mukdá' hota ganaá' tan dahamaá áy baraá slafíngw alhhe'eesay wásl.»

2 korinto 4:17

Slahh'amaayeerén ka niina nee slám ar har qoomár niina. Ala gár ni hup direne a xirfuú úr ló'wa ale oo baloó faakaaká.

DABE 21:17

Inós aqo garmoó baris oo /ameenidá' i slaiiká gun ya/án nguwa aalírí haniisi, sagaá wa tsár wa ale baraá tidá' i kona. As adoodá' tawa garmoó baris, aalír garmoó baris a tós.

2 Tesalonike 2:16

Aakoorén Yesu Kristo inósuú kilá' nee Mungú Baabuúrén, kudá' atén ti slaa', nee slám gurkwa/asár alhhe'eesay wasl ngaa haniís ar baraá sla'aarirós, nee haraxu'utír hhooe,