ISAYA 61:4 - Biblía Axweesantá Hhohho' ar Mungú 2004

⁴ Taangwaá aáng ki malé tleehh, gixsaduuín kudaá aáng ki male sihhtis, gixsadudá' aáng taa hhitín ki /abees, kudaá baraá qari sleémeerowo aa waarahhi, naa hhituruutiye'.

ISAYA 61:4 Iomraidhean Croise

ESRA 9:9

Asma atén a lawaale, ala Munguúrén taa baraá lawaali'iimárí mayká, ala tina slaá' ar sla'aarír warqawaaká dír geeraá waawituú Persiaro, atén tiri pa/ángwií haniisiyé' tawa hootaan, nee Doó Munguúrén nguwa sihhitisaan nee didá' aa fee/it ngiwa /abeesaan, nee Yuda nee Yerusalemuro kiwa xuún.

WARA'AMI 46:8

Qwalaasé', araak tlehhma'aá AAKOÓ MUNGÚ. Inós tlehhma'aá waa/oo/amo gina tleéhh awa dae tlaaqá' baraá yaamuwo.

WARA'AMI 74:3

Hi'iimiít baraá taanguuká' wa ale, wakuuseerén umuú gaaro gaa hhitiín baraá Do'ók oo hhoohhooe.

ISAYA 52:9

Taangwaá yaamaá Yerusalemu daaé', asma AAKOÓ MUNGÚ mukós gwaa gurkwa/ás inós Yerusalemu gaa gweér.

ISAYA 58:12

Taanguhúng kudaá aáng ki male /abees, kuungá' tari tleehhitá' gawaá iihhafiirír aáng, kuungá' tunduri bay, ‹Múk koo/i gaa /abees tleehharo, múk lohaá yaamaá ta hooti gaa /abees tleehharo.› »

MIKA 7:11

Kuungá' múk Yerusalemu, qooma ni hardát ar koo/ír Yerusalemu kawa tleehhi. Baalaadae digeemiiwók kin ló'wa sawees.

SEKARIA 1:17

Malaykamoodá' iri báy, «Ya/abtorír hatlá' waahheek, AAKOÓ MUNGÚ Aleesleemusmo i kaahi, ‹Gixsaduueé' niri diihhe'eesiyá'. Anuú AAKOÓ MUNGÚ gixsár Siyoni ngiri gurkwa/ás.› »