ISAYA 60:6 - Biblía Axweesantá Hhohho' ar Mungú 2004

⁶ Yaamuuwók ki tuuntuuk nee daqtá angamía. Eeít damaá angamía awa múk Midiani nee Efa, nee sleémeero awa Sheba nin hardihiyá'. Inooín sahaábu nee mooyángw tsuú' ngun huwiyá', nee inooín xirfuú AAKOÓ MUNGÚ ngun alki/iitiyá'.

ISAYA 60:6 Iomraidhean Croise

IIMU/UUNGW 10:7

Daaqoó Kushi a Seba, nee Hawila, nee Sabta, nee Ra'ama nee Sabteka. Nee daaqoó Ra'ama a Sheba nee Dedani.

IIMU/UUNGW 25:13

Umer'ín an tí, nee adór tira hariyé' xwaylaro: Nebayoti an baris, nee Kedari, nee Adbe'eli, nee Mibsamu,

1 WAAWITÁ 10:2

Ina dát Yerusalemúr i aleeró nee eeharuuseerós ar yaariir, nee angamiadaá mooyángw loohisá', nee sahaábuú yaariír, nee tlaa/aá tlaxo gawden. Iwa hardát dír Solomon tana axweés daanduú tidá' sleémeero ar baraá muunaáwós.

2 WAAWITÁ 8:9

Hasaeli qeemuú balángw daa'awemaá dimbadiimbé oo Damasko guri tsa/aás gawaá angamía adór huwár angamiár mibeeri tsiyáhh, nee gari huúw amór Elisha. Iwa hardáh dír Elishawo guri báy, «Sagadiyusmoowók Ben-hadadi waawutmoó Aramu aníng iga ya/aáw amoorók, inós i kaahi, ‹Gám aníng a hunguú/a tiqtirihe?› »

1 QOM'I 1:33

Daaqoó Midiani a kwí: Efa, nee Eferi nee Hanoki, nee Abida, nee Elda'a. Kuká' sleémeero a xwaylár Ketura.

2 QOM'I 9:1

Waawuto'ór Sheba xirfuú waawutmo Solomon nguwa axás, aai gina tsék ay yaamaá Yerusalemu as waawutmo Solomon nguwa iiat ar yaahamisuú gawdén. Inós nee sagadiyuseerós ti koná' dinkwa nee aangamíár mooyángw tsuú' loohis, nee sahaábu nee tlaa/aá tlaxo uren. Iwa hardát dír Solomon, guna yaahamís umuúqo gaaro tidá' i koon baraá muunaáwose.

WARA'AMI 67:4

Xoordu i baraa/iye', eeít, i daaiye' ar qwala/, asma kuúng muu u sakwasleemút ar gan'amu, nee xoordaá baraá yaamu ki geeraharahát.

WARA'AMI 72:10

Waawituú Tarshishi nee múk yaamaá kaahaar oo baraá tla/ángw tláwtií dirií', koódi ngi huwiye', waawituú baraá Sheba nee Seba qeemuú i kona' ngu haniisiye'.

WARA'AMI 72:15

Waawutmo i hooti, nee sahaábuú Sheba ku haniisi dirós, ku aleefiriirin nee muu umuúqo qoomaaro, nee ku tsuuqaá Mungú i slai deelo sleémeero.

ISAYA 30:6

Kaangwí an iigu'utuú Mungú aa laqán daanduú makaydaá baraá xaanxoó bihhaá basa, «Ya/abuuse i waaráhh ar baraá tla/ángw yaamaá slahh'amuú koomá', yaamaá direeraá /ameena nee awa yaqambeero ngi koomá', nee daysheero nee dayshér ti gileehha. Inooín daqaari'iimar'ín nga tsa/aasiyé' gawaá daanduú daqwayer'ín, nee gawaá daanduú angamíar'ín, as tawa daqay amór múk gi gaa wa buaaká.

ISAYA 42:10

Daa'ángw /abén daa'aak dír AAKOÓ MUNGÚ, hhapeemo sleémeero xirfuuwós ngu daaiye'. Gimsé' tlawi i /orotl nee umuúqo gár baraadá' i diriia, ayeemaá sawen nee yaamuloouuser'ine.

ISAYA 45:14

AAKOÓ MUNGÚ i kaahi, «Daqaari'iimár Misri nee ar Kushi a toohúng, mukdá' tlét oo Seba a lawaalerhúng, inooín kuungá' nu eehariyá', inooín kaa daba tsegiít nuri i tumbarara'atiyá', nuri firiná', iwa kaahiya', ‹Mungú a dinkwa nee kuungá', Munguú hatlá' i kaahh aqo har inós kilós.› »

ISAYA 60:9

A miringér baraá ma'aay tidá' yaamaá afaá tlawtá daahh, kinga geerahaár nee miringér Tarshishi. Tidá' na/iiwók ngaa amór saáwa ki/is, peésar'ín nee sahaábu ngi koná' as daanduú umuú AAKOÓ MUNGÚ, Munguúhúng, nee daanduú Kudá' wák oo Hhoohhoó' oo Israeli, asma inós kuungá' nuna xirfayeés.

ISAYA 61:6

Ala kuungá' tundun bay, «Kaahamuusér AAKOÓ MUNGÚ.» Nee tunduri bay, «Sagadiyuusér Munguúrén.» Kuungá' daqaari'iimár xoordu an /agá', nee baraá daqaari'iimar'ine kuungá' xirif kuri sleerá'.

YEREMIA 6:20

Asma milá misa ubaánír amór Shebár daáhh i hubé' tidá' mooyángw tsuú' koom? Nee uúdi ar mooyángw tsuú' koom mis nga amór yaamaá saáw wa hubé'? Ilahhooarhúng tidár da/a ka ya/aniká, laqaá ilahhooarhúng tidár muruú ta tsu/i i sla'atimisiiká.

ESEKIELI 27:22

Mukdaádá' muruú tlaxuúm oo Sheba nee oo Rama halaanu'uuma ngina tleehhiyé' nee kiíng, muruudá' ta baraá muruú /aymárií qamin nguna huwiyé', nee tlaa/aá tlaxo uren, nee sahaábuwo, xooslaarók tidá' hhohho' kari sláy.

SEFANIA 3:10

Muk'eé' kudá' aa amór saáw í diya/aat gayuú yauudaá yaamaá Kushi, inooín aníng in firiiriná' nee ilahhooar'eé' ngin huwiyá'.

SEKARIA 14:16

Aluuwo heé aa meet baraá xoordu sleémeero kudá' naa slaqwi'i nee múk Yerusalemu, niri hardah as waawutmo AAKOÓ MUNGÚ Aleesleemusmo nguwa sluufmisuú ay, nee deelór ur ar Isleeri ngiwa harmagagaahhi.

MALAKI 1:11

Asma iimír amoodá' looa iwa tsiraarihh, tam ay amoodá' i darat, umuueé' ku úr baraá xoorduuwo. Umuúqo mooyángw tsuú' kun da/aa/án nee ilahhooár hhohho' kan hanmiis asma umuueé' ku úr baraá tla/ángw xoorduuwo!

Matayo 2:11

Tari dáh baraá do', na/aydá' kuri ár nee aayoorós Mariawo. Kuri i tumbarara'aát kuri sluufmiís. Nee inooín muruuín kudá' i kona' nguri gweeriyé', nguri haniisiyé' dír na/aay. Muruú taa hanimiís a kwí: Sahaábu nee mooyángw tsuú', nee mooyangwko ta babay manemane.

Rumi 15:9

Nee slám Kristo niri hardáh as múk xoordaá hatlá' Mungú kuwa xirfayeesi as gurtleemuuwós. Asma kaa gooín, «Gawaá adoorihe aníng kuúng u tla/ángw múk xoorduú wa sluufmiís, aníng umuuwók u sa daá'.»

DABE 32:43

Kuungá' xoorúdu, mukós xirfayeemisaak, kuungá' mungúi, inós sluufmisaak, asma inós li/oó tseerdaá sagadiyuuseerós gu buu', li/aay gun buu' dír wakuuseerós nee mukdá' inós gu ahhiít gu sakwasleemuut, inós mukós nee yaamuwose gi gi hheehhee'ees.

Filipi 2:17

Ala haratlintaaorhúng a ilahhooár án ni hanmiis dír geeraá Mungú i alé. Bar adór garka tseerer'eé' iwa ku'uta gawaá daanduú ilahhooarí, aníng a qwalaá/ sleeme. Slám qwal/uueé' kwí ngway qasiís dirhúng i alé.

1 Petro 2:5

Kuungá' kilá' sleeme masók a adór tlaa/aá slafá', tundu tleehhi tawa doó qeeru tleehhita'. Kuungá' masók a kaahamuusér Mungú ar hhohho', nee ilahhooár qeeru ar muruú ta tsu/i kawa huba', tidá' ta ya/an nee Mungú ar loohír Yesu Kristo.

1 Petro 2:9

Ala kuungá' a xoorór taa tsawaár, kaahamuusér waawuti'iimár Mungú, xoorór hhoohhoo', xooroodá' Mungú aa tós tleéhh, as kuungá' tlehhemi'iiwós kudá' xirfayen kiwa alki/ita', kudá' inós aa tleéhh. Inós kuungá' nuna ateét baraá giwtír wa ale, nuri dahaás baraá gwa/aateemaawós kudá' waa/oo/amór koomá'.

HAR'OHUUSE 6:5

Mukwí ina intsahhán daqaaqango, inooín ki ló'wa yaariir adór ingigi nee hikwaaine, nee angamíaro nee heemaduwo, niri hotaá ayé' yaamaá múk Israeli, yaamaá múk Israeli ngiri hhitaatiné'.

HAR'OHUUSE 7:12

Múk Midiani, nee múk Amaleki, nee múk hatlá' sleémeero oo da/aá daáhh xatsa ngaa qaroó alqaatiyé', yaareemaawo a adór ingigi, nee inooín angamíár yaariir adór hhasángw afaá tlawi ngi koná'.