ISAYA 60:22 - Biblía Axweesantá Hhohho' ar Mungú 2004

²² Kudá' dirhunge niiná in tlahhaay tleehhiit kudá' handá' ló'wa niiná dirhunge i xoorór ur tleehhiit. Anuú AAKOÓ MUNGÚ qooma bira xeér tí an boo/eés ar gaanslaay.»

ISAYA 60:22 Iomraidhean Croise

ISAYA 10:22

Asma mukók oo Israeli tam ku yaariire adór hhasángw afaá tlawi, aqo har panoó niiná kilós nin kii/, hhaamisa kaa geerií oó', nee gan'amu aa tleehharuút.

ISAYA 5:19

tawa kaahi, «AAKOÓ MUNGÚ mawaak ni gaansluuti, tidá' aa oó' i tleehhamór wa slai a araán. Kudá' Hhoohhoó' oo Israeli tidá' i slai i tleehharut a araán, as kahhó' kawa xuaan.»

ISAYA 51:2

Baabuúhúng Abrahamu ga/aawaak nee Sara tidá' kuungá' naa laqwal. Qoomár án Abrahamu nguwa ateét na/aay gu konká, Ala aníng nguri tsuúq, na/iiwós ngiri ló'wa yaareés.

ISAYA 66:8

Heé kángw adór kwí gwaa axaas dirhunge? Heé gár adór tí gaa ar dirhunge? Xáy, yaamu ki baalár wák tleéhhi? Xáy, xooro ka siwár wák i laqwaáli? Ala qoomár Siyoni gura' ngiwa sangw tsaát, daaqaywós guna adaá laqwál.»

DANIELI 2:35

Naagáy muqslidá' nee tleeiro nee muqslír sirdaa/aate nee muqslidár peésaaro nee sahaábuwo niri suwawaa'atiyé', tari adór muundoó dír afeenír balaangw kuwa haritleemamisi. Parhheemaá aáng fur'a giri ar tlatleér tam kiri aandaaká. Ala tlaa/anoó aáng kudá' murslaaqatuudá' gwa dalaa/ ina tloomar yangaariir tleehhiít, yaamu sleémeero giri dalaá/.

DANIELI 2:44

De'emaá waawuti'iimasinge, Munguú doori waawuti'iima ga sihhtis ar ta hhitinká kureeriwo nee arta baloó baliiká nee múk hatlá', ala waawuti'iimarí waawuti'iimár hatlá' sleémeero gan parhhamís gari hhitiín, nee waawuti'iimarí in kumaamít ay alhhe'eesay wasle.

MIKA 4:7

Aníng kudaádá' soopimá' in meetiís, nee kudaádá' taa sií' ngiri xoorór /uuruú koom tleéhh.» Anuú AAKOÓ MUNGÚ ngiri sawaawuti'iím baraá tloomár Siyoni wa ale kureerisleém.

HABAKUKI 2:3

Asma iigu'utuuwí qoomár kus hariím i deer, a kángw ló' oo alhhe'eesaydá' gaanslár hardáh. Barnaxes i tligatliik, kuúng daameek, asma looeemawo niqo hardah, i tligiiká.

Luka 18:7

Xáy, Mungú mukós kudá' aa tsawaár gu ak alee/iísiíke, hariímar'ín ngiwa slay, kudá' inós nguy /aa/amiimá' tlaatla/aangw nee xweeraawo? Inós i hargawdúya ngiwa alee/iisi?

Tlehhema'aá ya/Abuuse 2:41

Nee mukdá' axweesantadá' gaa haratlintii', kuri baatimiís, múk baldá' aa doogin a har afi qoomoó kume tám.

Tlehhema'aá ya/Abuuse 5:14

Múk Aako gwa haratlintii' iri ló'wa tlaáhh, hhawaate nee /ameenaaro.

Ebrania 10:36

Kuungá' gár tunduwa hariím an qiqtliindá', as adoodá' Mungú aa slaá' kawa tlehhita', nee gadaádá' inós aa oó' baraá al'axweesantose kawa sleera'.

2 Petro 3:8

Sla'aaruuser'eé', gaarí wák ma gunqareesara'. Dír Aakoowo deelór wák a adór kureeraá kumuú wák, nee slám kureeraá kumuú wák a adór deelór wák dirose.

Geehhoeemaá 7:9

Alaá tihe aníng niri qaytsiít, boo/oó yaariír ló'wa ale nguri ár, oo hee faarooro i baloó aleeslayká. Mukwí dír i dahhi a baraá umuúqo xoorooro nee umuúqo tlahhaywo nee umuúqo mar'afto nee umuúqo tsifriro. Taa sihhiít dír geeraá kitangwduú aleesleemu, nee dír geeraá Deelmooduú bee/i, kaa tsiitiís ar tlabaá /awak, nee slám i haleemaá slaanslár koná' gawaá dabaaine.