ISAYA 60:2 - Biblía Axweesantá Hhohho' ar Mungú 2004

² Asma ga/aawaak daanduú yaamu ku tuuntuuk nee giwti. Ma/amír hhamhhám muu gu tuuntúk. Ala kiíng gwa/aateemaá AAKOÓ MUNGÚ i i gwa/aatiyá', xirfuuwós ku ar diroge.

ISAYA 60:2 Iomraidhean Croise

1 WAAWITÁ 8:11

Kaahamuusér Mungú gadiyeé gari harslaaqát as huunkidá', asma xirfuú AAKOÓ MUNGÚ Do'ós kudá' guna hatsiís.

WARA'AMI 102:16

AAKOÓ MUNGÚ gixsár Siyoni birnga male tleéhh, daqaní xirfuuwós i geehhooúy.

WARA'AMI 80:1

Kuúngusuú de'eemusmoó múk Israeli, iia qaaseek, múk Yosefu geeraharaahareek adór daqooroó bee/aangw. Kuúngudá' aga gáwtí iwit dír malaykeero, xirfuuwók gwa/atiseek.

ISAYA 2:5

Kuungaá doó Yakobo, qwalaasé' a hootaán, baraá gwa/aateemaá AAKOÓ MUNGÚ wa ale.

ISAYA 4:5

Aluuwo umuúqo diiro gawaá tloomár Siyoniro, nee wa/aamér dinku'uumár muko, qoomár tlaatla/ango AAKOÓ MUNGÚ gan huunkár tuuntuuk, nee xweeraawo gan tuuntuuk ar quui nee tsángw asla oo gwa/aát. Tam adoorihe xirfuú AAKOÓ MUNGÚ gixsa sleémeero gan tuuntuuk ar heémaarós, nee gari de'én.

ISAYA 58:10

Kuungá' barnaxes múk qwariít ugwa /aymisé', nee litlakuuse aga aaxisé', daqaní gwa/aateemahúng in baraá giwtír wa gwa/aatiyá'. Giwtirhúng tari adór tlatla/aangw.

ISAYA 58:8

Adoorí bar aga tlehhé', kuungá' daqaní a gwa/atá' adór tsiiraahhór matlaatle. Barnaxes a tiqá' an gaanslár hungu/á', hotaahúng awa ganaa'á' nun sa giiriná'. Xirfuú AAKOÓ MUNGÚ kuungá' nun amór alúwa xún.

ISAYA 62:1

Har daanduú Siyoniro a baloó xaslitaaká, nee daanduú Yerusalemuro a baloó hungu/usaaká, ay dír gan'amuuwós nay geehhoouy adór gwa/aateemaá wa ale, nee ay dír ba/amarós i mitsihh adór tsaa'astá wa alé

ISAYA 66:11

Kuungá' inós an du'uundá' tari axá', adór na/oó iseemaá aayorós gi du'uúm. Kuungá' sla'aarirós an watá' tari qwala/á' as yaareemaá xirfuuwós.

ISAYA 8:22

ga/aawaak, tam yaamu kiri xuuxuu', ala gár ta ari aqo slahh'amu, nee giwti nee ma/amír aa qipit, inooín kiri tliwii/ baraá ma/amír hhamhhám.

YEREMIA 13:16

AAKOÓ MUNGÚ, Munguúhúng, diidi'iimisaak dír giwti ngira huwiiká nee dír tundura dukuutsiiká baraá tlom'aá giwa'a. Kuungá' gwa/aateema bira haraaxué', inós gin warqees tawa ma/mír aa qipit.

ESEKIELI 10:4

Xirfuú AAKOÓ MUNGÚ iri tláy dír keruúbír wa ale, iri hardáh ay gawaá maandár do'odá', nee afeeni iri háts gwa/aatemaá xirfuú AAKOÓ MUNGUHE.

TLAHHOÓ LAÁWI 9:23

Naagáy Mose nee Aroni tari dáh baraá heémár Mungú, tawa ti'iít muu kuri tsuúq, nee xirfuú AAKOÓ MUNGÚ iri geehhooúy dír muu sleémeero.

MALAKI 4:2

Ala kuungaásingá' umuueé' ilaiwawa/á', /uuruueé' oo ba/ama nun i hardah, adór looár naa tsiirihh, tidá' hungu/uumiis baraá tsiiraahhoorose. Kuungá' tari ti'itá', tay /an/anusá' ar qwala/, adór tsa/eetaá naa baraá diitór wa ti'itiye'.

FAARO 16:19

Aluuwo Kora muu sleémeero guri dinkwaárí burumbuúr, tari sihhiít dír geeraá Mose nee Aroni, kudá' dír afkú heémár Mungú i diriiá'. Nee xirfuú AAKOÓ MUNGÚ iri geehhoúy dír dinku'uumadá'!

Matayo 15:14

Mawaagáy. Muksíng a taampu awa tampaá hatlá' geeraharahará'. Taampa bar taampár hatlá' ngi geeraharahát, tsaraawo ta al /e/etín baraá bohoongw.»

Matayo 23:19

Kuungá' a taampu. Asma gár ur a milá? A ilahhooadaádae, laqaá a kitangwduú ilahhooa, kudá' ilahhooadá' gaa hheehhe'ees?

Matayo 23:24

Ala kuungá' a geeraharuusér taampu, a ineera an hingeemisá', ala angamía an gu/uundá'.

Yohana 1:1

Iimír iimu/uungo /aymu i daadeer. /Aymuuwí amór i dirii'i a amór Mungú. Nee /aymuuwí an Mungú.

Yohana 1:14

/Aymuuwí ina hee tleehhiít, iri amoorén wa hoót. Atén xirfuuwós ngway araán, i ló'wa haats gurtleemuuwo nee looeemawo. Xirfuuwí guna amór Baabá wa sláy, asma inós a Garmoó kilós oo Mungú.

Yohana 1:18

Heé Mungú gwa baloó ar i kaahh. Garmoó kilós oo Mungú, kudá' dír Baabá i dirií', inós an kudá' Baabá ngwa geehhooatis.

Yohana 8:55

Kuungá' ugwa xui'iiká, ala aníng u xuú'. Barnaxes aga oó' u xuaaká, aníng a lamusmo tleehhiít adór kuungá' wa ale. Ala án u xuú', nee axweesantós aga óh.

Tlehhema'aá ya/Abuuse 14:16

Inós aáng baraá qartá aa waarahhi, xoordu sleémeero gina máy as lohuduuín kiwa eehari.

Tlehhema'aá ya/Abuuse 17:23

Asma aníng ana hi'iimiít baraá gixsarí wa ale, nee qoomár niwa hi'iimiit, kitángw ilahhooa una ár oo taa gooín /aymi'iiká' i alé, ‹Dír munguúdá' xu'utiitaaká.› Ala aníng kángw ni alki/iit an kángw Munguúdá' kuungá' ta sluufmisa', kudá' kuungá' ta xua'aaká.

Tlehhema'aá ya/Abuuse 26:18

Kuúng ilaaín in qaytsitís, nee inooín in warqés baraá giwtír wa aleeró, tari dah baraá gwa/aateema, nee in baraá /uuruú Neetlángw wa dúx, nee kiri húp amór Mungú. As kahhó' tlakweemaaín kiwa gurtlay, nee niwa aaluusér Mungú tleehhiitiya' baraá tla/ángw kudá' taa hhoohhoeés, asma aníng iwa haratlinti'iiyé'.› »

2 korinto 3:18

Ala ateéká' sleémeero awa gitsee/eerén warqamoó kooma'aaká, atén xirfuú Aako un araán ar adór baraá looa. Xirfuuwí oo amór Aakoó daáhh, atén tin warqees as tawa slaqsaywós tleehhitaan. Gawaá adoorihe atén xirif un iimirí wa slawaán, nee iri doogiigín direne. Adoorí Qeeruú Aako gan tleehh.

Kolosai 1:13

Inós atén tina baraá /uuruú giwtír wa ba/amis, tiri loohatís, tiri dahaás baraá waawuti'iimár Garmaawós oo sla'aarusmo.

1 Petro 2:9

Ala kuungá' a xoorór taa tsawaár, kaahamuusér waawuti'iimár Mungú, xoorór hhoohhoo', xooroodá' Mungú aa tós tleéhh, as kuungá' tlehhemi'iiwós kudá' xirfayen kiwa alki/ita', kudá' inós aa tleéhh. Inós kuungá' nuna ateét baraá giwtír wa ale, nuri dahaás baraá gwa/aateemaawós kudá' waa/oo/amór koomá'.