ISAYA 60:19 - Biblía Axweesantá Hhohho' ar Mungú 2004

¹⁹ Tsee/amá tlaatla/aango u baloó yaahaská tam gwa/aateemaá slahhaangw sleeme qoomár xweeraawo. Ala AAKOÓ MUNGÚ an gwa/aateemaawók awa alhhe'eesay wasl. Anuú AAKOÓ Munguúwók an xirfuuwók.

ISAYA 60:19 Iomraidhean Croise

WARA'AMI 3:3

AAKOÓ MUNGÚ, kuúng aníng in báq dír tsaxwawo adór gaamboót. Kuúng an xirfuueé' nee kudá' aníng i pihháy hanmiís.

WARA'AMI 36:9

Asma diroge kutloó ma'aá slafiingw i deer, baraá gwa/aateemaawoge atén gwa/aateema i araán.

WARA'AMI 4:2

Kuungaá muu, ay xaylá umuueé' ku tli/imamisa'? Ay xaylá axweesanoó tawo kuwa sla'a' nee lameemo kiwa eeharahada'?

WARA'AMI 62:7

Ba/ama nee xirfueé' amór i dahhiya' a amór Munguúeé'. Mungú an adór tlaa/ár aníng i baaq, nee un ii goów.

WARA'AMI 84:11

Asma AAKOÓ Munguúrén an gwa/aateema nee an adór gaamboót, AAKOÓ MUNGÚ gurhhooa nee xirif gi kón. Inós ku hhoó' dír mukdaáduú gan'amuú kooma.

WARA'AMI 84:12

AAKOÓ MUNGÚ Aleesleemusámo, heé kuúng u harahhiíf ku amohhoó'.

ISAYA 2:5

Kuungaá doó Yakobo, qwalaasé' a hootaán, baraá gwa/aateemaá AAKOÓ MUNGÚ wa ale.

ISAYA 24:23

Aluuwo slahhaangw iri giiw, nee tsee/amá gwa/aateema giri máy, asma AAKOÓ MUNGÚ Aleesleemusmo tloomár Siyoni nee Yerusalemu gan sawaawuti'ín, nee xirfuuwós guri laqán dír bariisér mukós.

ISAYA 28:5

Baalaadae AAKOÓ MUNGÚ Aleesleemusmo in slamángw xirif tleehhiit, iri adór slamángw hhoohhoó' tleehhiit dír mukós kudá' aa meeti.

ISAYA 30:26

Baalaadae slahhaangw in gwa/aat ar adór tsee/amá, nee tsee/amá in gwa/aat sagáwa faánqw wa alé, adór tsee/amuú deelo faanqw kuna baalár wák gwa/atís. Adoorí i tleehharút bál AAKOÓ MUNGÚ mukós kudá' aa muúx burngwa huungu/uusár áy, nee inkaahha'aá mukós birnga tseegár áy.

ISAYA 41:16

Kuungá' in haritlesá' nee fur'a giri ar tleér, bambaao gari diyá/, nee kuungá' tay qwalala/á' dír AAKOÓ Munguúhúng wa aleeró. Baraá Kudá' Hhoohhoó' oo Israeliwo kuungá' tari xirfayeemisá'.

ISAYA 45:25

Xwaylár Israeli baali ga sleér nee xirfuuwo dír AAKOÓ MUNGÚ wa aleeró.

ISAYA 51:11

Naagáy mukdá' AAKOÓ MUNGÚ aa ba/amís ni wayaa', nin hardihiyá' Siyoni ar daa'ángw bara/, qwal/uú alhhe'eesay wásl i baraá muner'ín. Inooín nin hootiyá' ar qwala/ nee bara/, gurhaami nee qununu/aay ni faakiyá'.

ISAYA 60:1

Tlawáng, gwa/aát, asma gwa/aateemaawók naa hardihiyé', nee xirfuú AAKOÓ MUNGÚ ugwa i gwa/aát.

ISAYA 9:2

Mukdá' baraá giwtír wa hi'imaamiít gwa/aateemaá yaariir kaa ár. Mukdá' baraá yaamaá ma/amír wa hoót, kwaa i gwa/aát nee gwa/aateema.

SEKARIA 2:5

Aníng an adór koo/ír asla tleehhiít badu sleémeero, niri baraá gixsaadá' wa hoót ar xirfuueé'.› Anuú AAKOÓ MUNGÚ tí ngina oó'.»

SEKARIA 2:9

«Ga/aawaak, dakw'eé' un mamukuús gawaaín i alé, inooín tay lawaalér kudá' nga sagadiyuusiye'.» Kuungá' kay tsahhá' adór aníng AAKOÓ MUNGÚ Aleesleemusmo ira ya/aáw.

Luka 2:32

tawa gwa/aateemaá gwa/aatá' dír xoorduuwo, nee tawa xirif dír mukók oo Israeli.»

DABE 10:21

Inós an xirfuuhúng, an Munguúhúng kudá' naa muruuwí urén i tleehh, nee oo waa/oo/amo kudá' taa aandé' ilahunge.

Geehhoeemaá 21:23

Tsee/amá nee slahhaangw gixsarí gár ngis i gwa/aatiya' i káhh, asma xirfuú Mungú i baraadá' wa gwa/aat, nee tsaa'astós an Deelmoó bee/i.

Geehhoeemaá 22:5

Xweera baraadae i kahhiyá'. Gwa/aateemaá tsaa'asi inooín gár kis yaahamiisi i káhh, tam gwa/aateemaá tsee/amá sleeme. Asma Aakoó Mungú an gwa/aateemaaín, nee inooín tari waawuti'ii'ín ay alhhe'eesay wasle.