ISAYA 60:18 - Biblía Axweesantá Hhohho' ar Mungú 2004

¹⁸ Baraá yaamuuwoge afór xaraasl ka baloó axasiiká laqaá hhitiru'uuma nee qwanaay dír digmuú yaamuuwoge i deeruutiaaká. Ba/ama tari adór koo/irók, xiríf tari adór afér maraywók.

ISAYA 60:18 Iomraidhean Croise

2 SAMUELI 7:10

Aníng dír muk'eé' iwa hooti an tsawaár, inooín ngiri didií dahaás, as tawa didá' wa hooti inooín kilooín, mikiwa daawitamiís male ale, as kahhó' múk tlákw oo /uureemooínár slaáqw, mingiwa male slahh'eemiís adoodár bál geeraá wa ale.

WARA'AMI 147:14

Inós wayda gu sagesihhimiit baraá digmuú ayaawoge. Nun aaxamiis muruú /aymár hhoe.

ISAYA 11:9

Baraá tloomár AAKOÓ MUNGÚ tidá' hhoohhooe gár gi slahh'ees i káhh laqaá ar gi hhaamiis, asma yaamu nin hatsiyá' xu'utír AAKOÓ MUNGUHE, adoodár ma'aay tlawi ngira hatsisiyé'.

ISAYA 2:4

Inós baraá xoordu sleémeero sakwasleema ga tleehh. Nee qaa/oó múk yaariír gun tsaat, inooín paangaduuín ngi kwahhutiyá', kiri kureemi tleehh. Lawluuín kiri tsata'aá tsaaráy tleehh, Xooro i xoorór hatlá' i slaqwká, slám slaqwara ngi malé intsaatsahhiaaká.

ISAYA 26:1

Baalaadae daa'angwí ku daa' baraá yaamaá Yudawo, atén gixsár gawit a koomaán, Mungú ba/ama ngin atén ar harwediit adór koo/i.

ISAYA 26:2

Afér gixsa gweeraak, as xoorór hota ganaa' iwa dat tidá' inkihhmúr hotatiim.

ISAYA 51:19

Muruuwí tsár oo tlákw kiíng iga sláy, heé kiíng i gurtláw? Baraá hhitiru'uumaro nee qwanaywo, nee qwari nee tsu/utaaro Heé kiíng i gurkwa/ás a heemá?

ISAYA 54:14

Hotaá ganaa'á' in ar hotaatiín, kiíng ti sawees dír baramaaniro, nee dír dae tlaquuwo, ma da'ayumitaar gár kiíng i harasaap i káhh.

ISAYA 56:5

Aníng inooín baraá guruú dooeene nee baraá guruú baquuwo in dír xiríf i haniís. Umuú ló'wa afhhamít oo na/aá daaqaay nee awa dasuuwo gi baa/ un haniís. Aníng in umií haniís oo ta inslaslay kureeri sleem oo ta baloó fitsiiká.

ISAYA 60:11

Afér gixsaarók kan gweermoórí máy tlatla/aangw nee xweeraawo ka tseegiiká, as xoordu nee waawitaáine, daqaari'iimar'ín ngiwa huwiya' amoorók.

ISAYA 60:17

Kitángw muqslír daa/aate sahaábu ngun haniís kitángw muqsliro muqslír peésa ngin haniís, kitángw xa'anowo muqslír daa/aat ngin haniís. Kitángw tlaa/eewo, muqsli ngin haniís. Wayda tari ga/aawuuseerók, nee hotaá ganaa'á' iri geerahariyá'.

ISAYA 61:11

Asma adoodá' yaamu harma/o ngir duxaaxina', nee adoodá' qaymo gár taa baraá qaymórí dahaás ngir duxaaxiin, an adoodá' Aakoó MUNGÚ hotaá ganaa'á' nee xirif, ngir huwi dír geeraá xoordu sleémeero.

ISAYA 62:10

Kuungá' múk Yerusalemu, afér gixsaaro tsee/ay ti'iitaak, loohi amohhe'eesaak as muu. Loohír ur tleehhaak, tlaa/e hingeesaak, laya laqamaak as muu.

ISAYA 62:4

Kiíng ti male bayká, «Ar taa sií'.» Nee yaamuuwók ki male bayká, «Deewa'ame.» Ala tin bay, «Ar ni slaa'.» nee yaamuuwók kiri bay, «Awa taa duúx.» Asma AAKOÓ MUNGÚ kiíng ugwa sla'atís, nee yaamuuwók ki duux.

ISAYA 62:7

Inós mu pa/aángwí hanisara' oo nur gunqaareesi, ay dír Yerusalemu ngay gawdeesi, ay dír ngay xirfayeesi baraá yaamuwo.

ESEKIELI 42:20

Gawaá adoorihe inós bihhe sleémeero gari qoomeés, naxés badu sleémeerowo gár aa sláy a miíta tsiire tsár nee mibeeri kooán. Koo/idá' an tidá' didá hhoohhoo' gaa paratl didá' nee didá' muu i burumburimaamiti.

MIKA 4:3

Inós xoordu sleémeero gin sakwasleemuut. Inós xoordaá sawen awa /uuruú koomá' giri iigahhaat. Inooín paangaduuín ngiri warqeesiyá' tari kureemi, nee lawluín ngiri tsataa'aá tsaaráy tleehhiyá'. Xooro i baloó paángár tleská malé ale daanduú xoorór hatlae. Tiri baloó intsaahhatimisiaaká slaqwaraaro.

SEFANIA 3:19

«Ga/aawaak, qoomaadae kudá' sleémeero nu baramaanuusá' aníng in muúx. Ala kudá' soopimá' in ba/amís, nee awa taa kwaáhh in burumbuur. Murer'ín an warqeés tawa xirif nee in iia tleereés baraá yaamu sleémeero.

SEKARIA 2:5

Aníng an adór koo/ír asla tleehhiít badu sleémeero, niri baraá gixsaadá' wa hoót ar xirfuueé'.› Anuú AAKOÓ MUNGÚ tí ngina oó'.»

SEKARIA 2:9

«Ga/aawaak, dakw'eé' un mamukuús gawaaín i alé, inooín tay lawaalér kudá' nga sagadiyuusiye'.» Kuungá' kay tsahhá' adór aníng AAKOÓ MUNGÚ Aleesleemusmo ira ya/aáw.

SEKARIA 9:8

Aníng xafay'eé' un tleéhh bihhe sleémeero ar dooeé' adór xuumusmo, as hee tumu wák miwa baraadá' wa taamberuús, tam baramaanusmoó gi arbaá/ i kaahh, asma daxta slahh'amuuín ugwa ár ilaeene.