ISAYA 60:13 - Biblía Axweesantá Hhohho' ar Mungú 2004

¹³ Xirfuú Lebanoni kungu huuw dirógí ale, peehhoó xaa'aá ta bay beroshi, nee fínje nee sunobaári ki dooér parootuus. Aníng didá' ni hoot an xirfayeés.

ISAYA 60:13 Iomraidhean Croise

1 QOM'I 28:2

Naagáy Daudi iri sihhiít, iri oó', «Hháe, muk'eé', aníng iiárií qaasaré', aníng aáng geeraawo ana tsabiím baraá muunaáeene doó sandakmoduú alqadór AAKOÓ MUNGÚ nguwa tleehh, nee kitángw Munguúrén ya'aawós ngi qaasi, nee xooslaá tlehhma ina amohhe'eés.

2 QOM'I 2:15

Hám daxta, kuúnguú aakooeé', muruudá' taa ó', angaáno nee shayiri nee di/ito nee difaáiro, na'ás, ya/aawang amór sagadiyuuseerók.

ESRA 7:27

Esra iri oó', «AAKOÓ MUNGÚ, Munguú baabi'iirén i xirfuuti, kudá' inslawaywí gwaa qaas baraá muunuú waawutmo ar doó AAKOÓ MUNGÚ nguwa parootuusi kuduú baraá Yerusalemu.

WARA'AMI 132:7

«Gusé', a dahaán baraá do'ós kudá' i hooti. A tumbararaa'ataán dír kitángw ya'aawós ngi qamaamin!»

WARA'AMI 96:6

Ilaiwa/ame nee aleesleemu i dír geeraawós i dirii'iyá', /uuru nee hhohhoaari i baraá do'ós kudá' hhoohhoó'.

WARA'AMI 99:5

AAKOÓ MUNGÚ, Munguúrén, xirfayeemisaak, dír geeraawós i tumbarara'ataak! Inós an kudá' hhoohhoó'.

ISAYA 35:2

/Ayór yaariir adór tiqár wariídi gari /ayuus, Iri baraa/, iri daa' ar qwal/uú yaariír, xaanxaay xirfuú adór kuduú Lebanoni guri sláy, xirif sleémeero oo Karmeli nee oo Sharoniro, muu xirfuú AAKOÓ MUNGÚ guri ar, nee adór Munguúrén kur úr ngiri ariyá'.

ISAYA 55:13

Kitángw xaa'aá laqya' niwa ti'iitiya' awa laqeelaá kooma'aaká nin ti'iitiya', kitángw fuqrayhe gár ti'iit a xa'anoó ta babay hadaási. Gaarí an gár kuungá' nu islawtis daanduú muruudá' anuú AAKOÓ MUNGÚ naa tlehhiiti, slaqsoó daqisleém oo baloó fiitsitaaká.»

ISAYA 60:7

Daqoroó bee/aangw oo Kedari kungu diróg i burumbuur. Gwaandaawér Nebayoti kari ilahhooár da/tá wa hanís, gwaandaweedá' kari ya/án gawaá kitangw'eé' oo ilahhooaro. Nee dooeé' kudá' xiríf nguri xirfayeés.

ISAYA 66:1

AAKOÓ MUNGÚ i kaahi, «Doori an kitangw'eé' oo waawuti'iima, nee yaamu an kitángw ya'aaeé' ngi qamiim. Xáy aníng doó kuungá' i tlehha' a doó adoomá? Xáy dír ni hungu/uus a dír adoomá?»

ESEKIELI 47:7

Niwa amoodá' i hardáh xaa'aá ló'wa yaariir ina ár i gawaá gangeefír yaae.