ISAYA 60:10 - Biblía Axweesantá Hhohho' ar Mungú 2004

¹⁰ AAKOÓ MUNGÚ i kaahi, «Dahaaye koo/irók ngi male tléhh, nee waawitaáín in sagadiyuus. Buhhtaaeene kuungá' nuna muúx, ala as nuwa gurií baá/ kuungá' nuna gurtláw.

ISAYA 60:10 Iomraidhean Croise

WARA'AMI 102:13

Kuúng an sihhít gixsár Siyoni kay gurtleér. Asma qoomár gurtleemuwós aa xeér. Eeít, qoomaadá' taa ó' an tí.

WARA'AMI 30:5

Asma buhhtaawós awa qoomár niina, ala gurhhooarós ar slafiingw sleémeero. Tam xweeraawo /aa/e i daya'a, ala matlaatleero qwala/ iqo deer.

ISAYA 12:1

Baalaadae kuúng an o', «AAKOÓ MUNGÚ án kuúng u sluufmiís, asma tam geeraawo aníng iga i buuhhi, buhhtaawók iga meér, nee aníng iga gurkwa/ás.

ISAYA 49:23

Waawitá uri sagadiyuus, waawitaáín oo /ameena kuúng uri /aymiis. Kuúng tu i tumbarara'aat turi ilaiwawaa/, teerír baraá ya'aawók kari naats. Daqaní kuúng kari xú' adór aníng tar AAKOÓ MUNGÚ. Kudá' aníng iga harahhifiye' ki mureekeesiiká.

ISAYA 56:6

Nee mukduú dahaaye naa haragwaa' dír AAKOÓ MUNGÚ, nguwa sagadiyuusiya', nee umuú AAKOÓ MUNGÚ nguwa slaiya' kudá' sleémeero deelór Sabaáto ngaa oohiye' nee ngi meetagamisa'aaká, nee alqador'eé' nga oohiye'.

ISAYA 60:3

Xoordu ni hardihiyá' dír gwa/aateemaawók, nee waawitá nin hardah dír gwa/aateemaadá' iga i gwa/aatiye'.

ISAYA 61:2

Nee kurkú gurtleemuú AAKOÓ MUNGÚ nguwa oo', nee deelór li/aay bua oo Munguúrén, nee kudá' tsuunqumisá' sleémeero ngiwa gurkwa/as.

ISAYA 61:5

Dahaaye ni hardát nee bee/aangók guri de'eén. Inooín tari múk aweerók ar doósl nee múk sabiíbuú amohhe'eemisá'.

ISAYA 64:9

Aá AAKOÓ MUNGÚ, kuúng ma ló'wa buhhaar, nee tlakweemaarén mi inslaslawaar ay daqisleém. Ga/aaweek, tí aldakweek, atén sleémeero a mukók.

ISAYA 66:21

Dir'ine bahh'ale aníng in tsawaár tawa adór kaahamuusér Mungú nee tawa adór tlahhoó Laáwi. Anuú AAKOÓ MUNGÚ tí ana oó'.»

Yoeli 2:18

Qoomaarí an qoomár AAKOÓ MUNGÚ da/i nguwa ot as yaamuuwós, mukós guri gurtláy.

SEKARIA 6:15

«Múk sawén ni hardah as niwa alee/isoó tlehhmuú Doó Mungú ay.» Kuungá' kari tsahhá' adór AAKOÓ MUNGÚ Aleesleemusmo ira amorhúng i ya/aáw. Muruuwí i tleehharuut bar kuungá' aga ilakaaharesé' afór AAKOÓ MUNGÚ, Munguúhúng kawa iialooeemisa'.

Geehhoeemaá 21:24

Múk xoordu tari hi'iimiit ar gwa/aateemaá gixsadá'. Nee waawituú baraá yaamu xirfuuín nguri baraá gixsadií huwiyá'.

Geehhoeemaá 21:26

Xirfuú múk xoordu kunguri baraá gixsadá' i huuw, nee ilaiwa/amer'ín sleeme.