ISAYA 60:1 - Biblía Axweesantá Hhohho' ar Mungú 2004

¹ Tlawáng, gwa/aát, asma gwa/aateemaawók naa hardihiyé', nee xirfuú AAKOÓ MUNGÚ ugwa i gwa/aát.

ISAYA 60:1 Iomraidhean Croise

WARA'AMI 102:16

AAKOÓ MUNGÚ gixsár Siyoni birnga male tleéhh, daqaní xirfuuwós i geehhooúy.

WARA'AMI 87:3

Kiíng gixsár Mungú, Mungú kiíng i xirfayeemiis.

ISAYA 2:5

Kuungaá doó Yakobo, qwalaasé' a hootaán, baraá gwa/aateemaá AAKOÓ MUNGÚ wa ale.

ISAYA 24:23

Aluuwo slahhaangw iri giiw, nee tsee/amá gwa/aateema giri máy, asma AAKOÓ MUNGÚ Aleesleemusmo tloomár Siyoni nee Yerusalemu gan sawaawuti'ín, nee xirfuuwós guri laqán dír bariisér mukós.

ISAYA 28:5

Baalaadae AAKOÓ MUNGÚ Aleesleemusmo in slamángw xirif tleehhiit, iri adór slamángw hhoohhoó' tleehhiit dír mukós kudá' aa meeti.

ISAYA 35:2

/Ayór yaariir adór tiqár wariídi gari /ayuus, Iri baraa/, iri daa' ar qwal/uú yaariír, xaanxaay xirfuú adór kuduú Lebanoni guri sláy, xirif sleémeero oo Karmeli nee oo Sharoniro, muu xirfuú AAKOÓ MUNGÚ guri ar, nee adór Munguúrén kur úr ngiri ariyá'.

ISAYA 4:5

Aluuwo umuúqo diiro gawaá tloomár Siyoniro, nee wa/aamér dinku'uumár muko, qoomár tlaatla/ango AAKOÓ MUNGÚ gan huunkár tuuntuuk, nee xweeraawo gan tuuntuuk ar quui nee tsángw asla oo gwa/aát. Tam adoorihe xirfuú AAKOÓ MUNGÚ gixsa sleémeero gan tuuntuuk ar heémaarós, nee gari de'én.

ISAYA 42:6

Anuú AAKOÓ MUNGÚ, aníng kuúng una ateét ar hotaá ganaa'á', ugwa dawa óh nee u de'eém. Ar kuunge aníng alqado a tleéhh dír muu sleémeero, kuúng u gwa/aateema tleéhh dír xoorduuwo.

ISAYA 58:8

Adoorí bar aga tlehhé', kuungá' daqaní a gwa/atá' adór tsiiraahhór matlaatle. Barnaxes a tiqá' an gaanslár hungu/á', hotaahúng awa ganaa'á' nun sa giiriná'. Xirfuú AAKOÓ MUNGÚ kuungá' nun amór alúwa xún.

ISAYA 62:1

Har daanduú Siyoniro a baloó xaslitaaká, nee daanduú Yerusalemuro a baloó hungu/usaaká, ay dír gan'amuuwós nay geehhoouy adór gwa/aateemaá wa ale, nee ay dír ba/amarós i mitsihh adór tsaa'astá wa alé

ISAYA 62:2

Xoordu gan'amuuwók nguri ariyá' waawitá sleémeero xirfuuwók gun ar. Kiíng tiri umuú /abén i tsaat, umuudá' AAKOÓ MUNGÚ ni ooi.

ISAYA 66:11

Kuungá' inós an du'uundá' tari axá', adór na/oó iseemaá aayorós gi du'uúm. Kuungá' sla'aarirós an watá' tari qwala/á' as yaareemaá xirfuuwós.

ISAYA 9:2

Mukdá' baraá giwtír wa hi'imaamiít gwa/aateemaá yaariir kaa ár. Mukdá' baraá yaamaá ma/amír wa hoót, kwaa i gwa/aát nee gwa/aateema.

ESEKIELI 43:4

Xirfuú AAKOÓ MUNGÚ iri dáh baraá Doó Mungú ar afkú bihhaá da/aáw.

MALAKI 4:2

Ala kuungaásingá' umuueé' ilaiwawa/á', /uuruueé' oo ba/ama nun i hardah, adór looár naa tsiirihh, tidá' hungu/uumiis baraá tsiiraahhoorose. Kuungá' tari ti'itá', tay /an/anusá' ar qwala/, adór tsa/eetaá naa baraá diitór wa ti'itiye'.

Matayo 4:16

mukdá' aa hoot baraá giwtír wa ale gwa/aateemaá ur kaa ár. Nee kudá' naa baraá yaamaá geehhaantamoó gwa'arár wa hootiye', gwa/aateema ngaa i gwa/aatiyé'.»

Matayo 5:16

Gawaá adoorihe gwa/aateemaahúng i gwa/aatiye' dír geeraá muko, as tlehhemi'iihúng awa hhohho' kiwa ari, nee Baabuúhúng kuduú gawaá doorí dirií' kuwa xirfayeesi.»

Luka 2:32

tawa gwa/aateemaá gwa/aatá' dír xoorduuwo, nee tawa xirif dír mukók oo Israeli.»

Yohana 1:9

Ala gwa/aateemaá ló' kudá' umuúqo heewo ngu gwa/atamiisá', i baraá yaamií hi'iitiyá'.

Yohana 12:46

Aníng nina baraá yaamií hardáh, as niwa gwa/aateemaá yaamu tleehhiit, asma kudá' aníng iga haratlintii' miwa baraá giwtír wa hoót.

Yohana 3:19

Sakwasleema an tí, gwa/aateema nina baraá yaamií hardihiyé', ala muu giwti gana slaá' ta gwa/aateemaawo, asma muruú ta tlehhahhiti ku tlákw.

Yohana 8:12

Yesu inooín giri malé báy, «Aníng a gwa/aateemaá yaamu. Heé aníng iga eehaar, i baloó baraá giwtír wa hi'iimitiiká, ala inós gwa/aateemaá slafiingw gi kón.»

Efeso 5:14

Gaarí an gár tasa oó', «Tláw, kuúnguudá' guaiím, waasleé/ baraá múk aa qaátl wa ale, daqaní Kristo kuúng u i gwa/aat.»

Efeso 5:8

Asma aáng kuungá' a giwti, ala hamí a gwa/aateema asma kuungá' tawa múk Aako. Hooté' adór múk baraá gwa/aateema kuwa hariím hotaango.

Filipi 2:15

Kuungá' masók an na/aá Mungú awa xaslxaansli wasl nee dakuús wasl, kuungá' masók baraá tla/ángw qartí tlaakwe tundun geehhoó' tawa adór tsatse/uú gawaá doorí dirií',

1 Petro 4:14

Kuungá' bar tundun /ooslislín as Kristo, kuungá' daqaní a múk amoohhoó'. Asma Qeeruú Xirif kuduú Mungú, i gawaahúng i dirii'.

Geehhoeemaá 21:11

Gixsarí xirfuú Mungú gu koón. Nee gixsarí iri gwa/át adór tlaa/anoodá' ló'wa gwa/aát, kudá' tlaxo úr, kudá' ta babay yaspi oo gwa/aát adór looa.

Geehhoeemaá 21:23

Tsee/amá nee slahhaangw gixsarí gár ngis i gwa/aatiya' i káhh, asma xirfuú Mungú i baraadá' wa gwa/aat, nee tsaa'astós an Deelmoó bee/i.

Geehhoeemaá 22:5

Xweera baraadae i kahhiyá'. Gwa/aateemaá tsaa'asi inooín gár kis yaahamiisi i káhh, tam gwa/aateemaá tsee/amá sleeme. Asma Aakoó Mungú an gwa/aateemaaín, nee inooín tari waawuti'ii'ín ay alhhe'eesay wasle.