ISAYA 6:6 - Biblía Axweesantá Hhohho' ar Mungú 2004

⁶ Naagáy seraáfamoó wák dír seraáfidae, niri tláy, aníng iri haratseewúy, gawaá dakose i gil'ír asltá kón, ngina óh ar oohamaayi gawaá daanduú kitángw ilahhooár wa ale.

ISAYA 6:6 Iomraidhean Croise

TI'INAANGW 25:38

Nee muqslaarós tidár ohiingw nee sahaánaywose ki tléhh ar sahaábuú hhohhó'.

ISAYA 6:2

Sagadiyuusér Mungú ar ta bay Seraáfi i gáwtií dirí' dír kitangwdae, umuú seraáfamoowo hhampe'eeri ngi koon lahhoó', hhampe'eeraá tsare gitsee/aawós gina tuuntuúk, nee awa tsare ya'aawós gina tuuntuúk, nee awa tsár gin ar gáwtí /akumiit.

YEREMIA 1:9

Naagáy, AAKOÓ MUNGÚ afkueé' guri kwatiít ar dakós, iri báy, «Qaytsiít axweesante'eé' aga qaás baraá afkók.

ESEKIELI 10:2

Mungú heedaáduú tlabaá neewór kitaáni guri báy, «Tláw baraá tla/ángw /angeegéuuduú bihhaá baraay awa keruúbi, tsa/aá dabaawók dalaa/eek gil'ór asltadá' baraá tla/ángw'íní diriia, daqaní ka tsaafís baraá gixsa.» Aníng nguri ár iwa tláy.

TLAHHOÓ LAÁWI 16:12

Xooslmoó taa tleéhh ar tleei guri taataahh, guri gil'oodár gawaá kitángw ilahhooárí qaas, kuduú dír geeraá AAKOÓ MUNGÚ, nee tsa/a'aá tsár awa mooyángw taa xoosla hhe'eés. Inós ngiri huuw baraá guruú inqwaaridá' do' gwa tla/a qasis.

FAARO 16:46

Mose Aroni guri báy, «Xooslomoowók taataahheek, asltadár gawaá kitángw ilahhooa ka gawaawós i qás, nee mooyángw tsuú' ku gawaá asltadá' i qás, ta'aaiím ar gaanslaay amór dinku'uumár muu, haraki/isa tleehheek as inooín. Buhhtaá AAKOÓ MUNGÚ naa hardihiyé', asma tiqtír pu/i aa qaroó iimu/uún.»

Matayo 3:11

Ar ló', aníng gár kuungá' nur baatimiis a ma'aay as tawa hhu'u'uundé'. Ala kudá' aluueé' wa hardáh, inós i /uuruú kón ta aninge. Tam aníng a hariimaaká ya/ataawós ngiwa gagaar. Inós nun baatimiis ar Qeeruú hhoohhoó' oo Mungú nee ar asla.

Tlehhema'aá ya/Abuuse 2:3

Tsángw asla niri ti'iít, tiri partliít, iri dír umuúqo heéwí iwiwiít, oo dir'ín tidá' i dirií'.

Ebrania 1:14

Gawaá adoorihe malayke sleémeero a qeeru. Inooín kaa ya/aáw nee Mungú as mukdá' ba/ama ga sláw nguwa sagadiyuusiya'.

Ebrania 1:7

Nee daanduú malaykeero i kaahi, «Malaykeerós gaa tleéhh ar adór fur'a, nee sagadiyuuseerós ar adór tsángw asla.»

Ebrania 13:10

Atén kitángw ilahhooa u koomaán. Kaahamuusér Mungú, tidá' gadiyuus baraá heémár wa ale, i harina'aaká muruuduú gawaá daanduú kitangwrén kwí nguwa /ayiya'.