ISAYA 6:5 - Biblía Axweesantá Hhohho' ar Mungú 2004

⁵ Aluuwo aníng niri oó', «Tsaxwaaeé', asma aníng aga qwaár, aníng a heé afa slasla/aár, nee an hoót tla/ángw múk afe slasla/arén wa ale, nee ilaaeé' waawutmo ngwaa ariyé', AAKOÓ MUNGÚ Aleesleemusmo.»

ISAYA 6:5 Iomraidhean Croise

IIMU/UUNGW 32:31

Yakobo Penieliro iwa waraahhi looa naa qaroó tsiiríhh, inós i soopín asma kutl/umoodá'.

WARA'AMI 24:10

«A heemá waawutmoó xiríf? A AAKOÓ MUNGÚ Aleesleemusmo. Inós an waawutmoó xiríf.»

TI'INAANGW 24:10

Inooín Munguú Israeli nguri ariyé'. Didá' aa ya'aawós i qaás a matla/ángw kwaá'o taa tleéhh ar yakutír sirboo/, hhoohhooariro a adór dooraá huunki wasl.

TI'INAANGW 3:6

Mungú iri malé oó', «Aníng a Munguú baabuúwók, Munguú Abrahamu, nee Munguú Isaka nee Munguú Yakobo.» Mose ilaawós giri luú/ asma qaytsitár amór Mungú gana da'ayuút.

TI'INAANGW 33:20

Ala MUNGÚ iri oó', «Kuúng gitsee/aeé' i aandaaká, asma i ya/aandaaká hee gitsee/aeé' ngiwa ari aluuwo iri hoot.»

TI'INAANGW 4:10

Mose AAKOÓ MUNGÚ guri bay, «AAKOÓ MUNGÚ, iimír aange aníng axweesani a aleeslawaaká, tam alaá anuú sagadiyusmoowók nee kuúng tawa axweesaán, asma aníng ti inslahheeká axwesanto, tsifrangw'eé' ku iiloó'.»

TI'INAANGW 6:12

Ala Mose AAKOÓ MUNGÚ guri báy, «Qaytsiít, muk Israeli aníng iga iiárií qaasiiká. Daxta alók an Faraówo oo aníng i iiárií qaás, anuúdá' axweesani qomeemesuwo ga xuaaká?»

TI'INAANGW 6:30

Ala Mose iri dír geeraá AAKOÓ MUNGÚ wa axweés, i kaahi, «Aníng bar heé axweesani qoomeemesuwo ga xuaaká, adór Farao aníng ir iiárií qaasi?»

ISAYA 24:16

Afór xirfayeemis ana axaasaán iimír ku/uyaá doori, afór xirfuú kudá' gan'amuú koóm kuwa xirfayeemisi. Ala aníng ana oó', «Aníng aga slaqwa tlakúw, aníng aga slaqwa tlakúw. Tsaxwaeé'!» Asma múk al/agiím al/aymaaro tan ak kumiit, al/aymuuse in ak ló'wa kumít al/aymaro.

ISAYA 29:13

Asma Aako i kaahi, «Mukwí aníng in sluufmisiyá' ar afér tawo, nee in xirfayeemisiyá' ar axweesanoó tawo, siwaadár kilae muner'ín ka sawen dir'eene, nee aníng in ilaiwawa/iyá' ar hara'ayár taa dir'íní intsaahhatís nee muu.

ISAYA 33:17

Kuungá' hhohh'aarír waawutmo a aandá' nee yaamaá i sawaawuti'ii'in i aandá' adór nira weelaahatiyé'.

ISAYA 59:3

Asma dabaahúng iga tlakwesé' ar tseerdu, ditsaahúng tlakweema nga tleehhiyé', aferhúng lama gaa kát. Muruú tlákw ugwa axwesé' ar tsifreeriihúng

ISAYA 64:6

Atén sleémeero a adór múk taa meetagaás, nee hotaarén awa ganaa'á' a adór tlabaá slasla/aren, atén sleémeero aga /ootsaán adór gitso, nee tlakweemaarén a adór fur'ár atén ti ar tlatlaw.

YEREMIA 1:6

Aníng niri oó', «Aasla'áy Aakoó MUNGÚ, qaytsiít, aníng gár ni oo' a xuaaká, asma aníng ti niiná.»

YEREMIA 51:57

Aníng geeraharuuseerós nee múk sageloene u xufiitiís, nee ga/aawuuseerós nee geeraharuusér slaqwara nee miguuseerose. Inooín tan guu' ar gu'utér tawa daarkiitiiká, nee ar tleemu wasl. Aniíduú waawutmo, umuueé' a AAKOÓ MUNGÚ Aleesleemusmo, tí ngana oó'.

ESEKIELI 12:2

«Heewí, kuúng dír ta hot a dír tla/ángw múk aa dee/anumiit. Inooín i ilaá koná' ala i xumisiaaká, i iaá koná' ala i axamisiaaká.

ESEKIELI 33:31

Nina dír geeraawók i hardihiyé' adór múk wa ale, nee nina dír geerawók i iwiitiyé' adór muk'eé', axweesantók ngiri axaasiyé', ala naa iialooeesi'iiká. Barta axwees i sla'aarír koná', ala muner'ín i baraá slaasláw leelehhit.

DANIELI 9:20

«Qoomár niwa firiím, niwa tlakweemaaeé' gwadidiim, nee tlakweemaá muk'eé' oo Israeli dinkwa nee AAKOÓ MUNGÚ, Munguúeé' nguwa i /aa/amiim as daanduú tloomár hhoohhoo' ar Munguúeé',

HABAKUKI 3:16

Kaangwí sleémeero una axaás tam guruueé' ma'aay ngway dalaa/iyé'. De'eero afkueé' iri daaraxaát. Diqiyaeé' niri tsatiitiyé', ya'aaeé' niri daaraaxiyé'. Aníng baalaadár slahh'amu an daamaaraám ar qitla, tidá' hardah dír mukdá' amoorénií haraatlatláw.

FAARO 17:12

Múk Israeli Mose nguri bayé', «Ga/aaweek, atén aga hhaamaán, aga qwaaraán, atén sleémeero aga qwaaraán.

HAR'OHUUSE 13:22

Manoa hareerós gari báy, «Gimáy daxta atén a qatlaán, asma Mungú ugwa araán.»

HAR'OHUUSE 6:22

Gideoni gari tsaáhh adór inós nee malaykamoó AAKOÓ MUNGÚ nira axweesiyé'. Gideoni iri oó', «Laá tsaxwaeé', AAKOÓ MUNGÚ, asma nee malaykamoowók taa araán ila nee tí.»