ISAYA 6:2 - Biblía Axweesantá Hhohho' ar Mungú 2004

² Sagadiyuusér Mungú ar ta bay Seraáfi i gáwtií dirí' dír kitangwdae, umuú seraáfamoowo hhampe'eeri ngi koon lahhoó', hhampe'eeraá tsare gitsee/aawós gina tuuntuúk, nee awa tsare ya'aawós gina tuuntuúk, nee awa tsár gin ar gáwtí /akumiit.

ISAYA 6:2 Iomraidhean Croise

IIMU/UUNGW 17:3

Abramu iri tumbarara'aát, Mungú iri oó',

1 WAAWITÁ 19:13

Naagáy Eliya afoorí ngiwa axaás gitsee/aawós giri tuuntuúk ar hiyaywós, iri ti'iít dír afkú mar'idá'. Afo gari axaás i kat, «Eliya, kuúng ma tléhh diirihe?»

1 WAAWITÁ 22:19

Mikaya iri oó', «Gimáy axweesantá AAKOÓ MUNGÚ iiárií qaaseek: AAKOÓ MUNGÚ ugwa ár aa iwiít gawaá kitaangós kuduú waawuti'iima, nee slaqwaruuse sleémeero ar gawaá doori aa sihhít bihhaawós, tooka bihhaá doó /iyáy tiqá' awa doó basáy.

1 WAAWITÁ 6:24

Hhampuú wák oo slaqsayduú keruúbi tlenaangós a miíta tsár nee gár niiná, iimír ságw hhampuú wák ay ságw hhampuú hatlá' a miíta tsiyáhh nee tlaqi.

1 WAAWITÁ 6:27

Slaqsi'iiká' tsaraawo gina qaás didá' ak ló'wa hhoohhoo', nee hhampe'eeri'ín gina bihheérí gana'aás. Umuúqo slaqsoó keruúbiro hhampuuwós oo wák ina hardáh baraá koo/i, hhampe'eeri'ín awa hatlae tiri doogiyé' tla/ángw do'.

1 WAAWITÁ 8:7

Slaqsi'iidaá keruúbi hhampe'eeri'ín ngaa hhafiyé' gawaá daanduú didá' sandakmo kway qaás. Slaqsi'iidá keruúbi tuntukma ngiri tleehhiyé' gawaá daanduú sandakmo nee xaaiidá' kur loohisi.

NEHEMIA 9:6

Esra iri adoorír firín, «Kuúng kilók an AAKOÓ MUNGÚ an kudá' doori iga tlehh nee muruudá' sleémeero baraadá' hoota, yaamu nee umuúqo gár baraaká' hoota, tlawi nee muruú baraadae, kuúng an kudá' gi amohhe'eemiís as iwa kumiitiya' hotaango, nee daqtá gawaá doori sleémeero kuúng un sluufmís.

YOBU 1:6

Looarka wake malaykér Mungú ina burumburít dír geeraá AAKOÓ MUNGÚ. Neetlaangw sleeme iri dír dinkwaadá' i hardáh.

YOBU 15:15

Bar Mungú mukós kudá' hhohhó' sleeme gun hharahhifiiká, tam sleeme doori dír geeraawose kin hhoohhooeeká.

YOBU 4:18

Mungú tam sagadiyuuseerós sleeme gan harahhiifiká, tam sleeme dakuusár malaykeerós gan tsatsahhán.

WARA'AMI 103:20

AAKOÓ MUNGÚ diidi'iimisaak kuungá' malaykeerós, kuungásingá' /uuruú koomá' nee axweesantós ngi boo/eemisá', axweesantá AAKOÓ MUNGÚ iiárií qaasaak.

WARA'AMI 104:4

Fur'a an ya/abusmoowók tléhh. Asla nee tsaangose an sagadiyuuseerók.

WARA'AMI 18:10

Iri tsa/án gawaá hhampa'aá keruúbi, ina fuuruú' ar /uuruú fur'a.

WARA'AMI 89:7

Mungú ku da'ayuumiit didaádár tlahhoó hhoohhooe. Ku úr nee ku ló'wa ilaiwawaa/ ta kudá' ngwa harweerii'i.

TI'INAANGW 25:20

Slaqsi'iidaá keruúbi hhampe'eeri'ín ngi gáwtí tleesiye' as kitangwduú gurtleemu nguwa mahhtírií tleehhiya' ar hhampe'eeri'ín, inooín ti gur'ér xu'usiye', nee gitsee/er'ín kitangwduú gurtleemu ngu ga/eer.

TI'INAANGW 3:6

Mungú iri malé oó', «Aníng a Munguú baabuúwók, Munguú Abrahamu, nee Munguú Isaka nee Munguú Yakobo.» Mose ilaawós giri luú/ asma qaytsitár amór Mungú gana da'ayuút.

TI'INAANGW 37:9

Slaqsi'iidaá keruúbi hhampe'eeri'ín ngaa gáwtí tleesiyé' as kitangwduú gurtleemu nguwa mahhtírií tleehhiya' ar hhaampe'eeri'ín, inooín taa gur'ér xu'usiyé', nee gitsee/er'ín i kitangwduú gurtleemuú ngu ga/eér.

ISAYA 6:6

Naagáy seraáfamoó wák dír seraáfidae, niri tláy, aníng iri haratseewúy, gawaá dakose i gil'ír asltá kón, ngina óh ar oohamaayi gawaá daanduú kitángw ilahhooár wa ale.

ESEKIELI 1:11

Hhampa'aá tsár awa umuú gaaro kaa gweér gáwtí alé, nee ti kwatimitiyá'. Nee hhampi'iidaá hatlá' tsare, slaqooín ngina tuuntukiyé'.

ESEKIELI 1:24

Qoomár tawa tláy afór hhaampe'eeri'ín ana axaás. Xuuraír hhampe'eeri'ín a adór afór ma'aá yaariir awa hhaahheelimá', a adór afór /orootlo ar Munguú Aleesleemusmo nee adór tsimaahhír slaqwaruusér ur. Niwa sihhiitiyé' hhampe'eeri'ín ngina waageeqayé'.

ESEKIELI 1:4

Qoomár niwa qaytsiít, bambaaór tluwoó koom ar /iikú daahh ana ár. Huunkír ur kaa harweér nee mankarór wer'eliim, nee ar asltá bir'eeliim qooma sleémeerowo ana ár. Baraá tla/ángw asltadae naxés gár qwiirii/ adór muqslír sirdaa/aat i baraadií dirí'.

ESEKIELI 1:6

Umuú gaaro gitsee/e ngi koon a tsiyáhh nee hhaampi'i tsiyáhh.

ESEKIELI 1:9

Sagér hhampe'eeri'ín tina kwatimít umuú hhaampa nee kuqá'. Qoomár bir geerií surukiyá', aqo tin al koná', slam i warqaqay'aaká.

ESEKIELI 10:16

Qoomár keruúbi iwa /akumít, /angeegéuudá' sleeme ina eeharín bihhaadá' wa aleeró. Keruúbi hhaampi'i ngiwa gwét as iwa gáwtí kumit, /angeegéuudá' aqo ina kumiít nee inooín.

ESEKIELI 10:21

Umuú gaaro gitsee/a ngi koon a tsiyáhh, hhaampi'i tsiyáhh, nee bihhaá baraay awa umuú hhaampuuwo garkar adór dákw hee i deer.

DANIELI 7:10

Baraá kitangwdae duxuú asla niri waá/, dír geeraawós wa ale. Múk kumér Inós kuri sagadiyuús, slám múk kumér kúm ina geeraawós i sihhiít. Doó kwasleema kawa tleehhi kuri amoohhe'eés nee kitaabi'i kiri gweér.

DANIELI 9:21

heedaádá' ta bay Gabrieli, kudá' aáng naa geerií ár baraá iigu'utuwo, niri gaanslár /eét ay didá' aníng nay dirii'. Qoomaadá' an qoomár ilahhooár muruú ta tsu/i ar tsiindo kawa hanmaamisi.

SEKARIA 3:4

Malaykamo mukdá' geeraawós wa sihhimiít guri báy, «Tlabaawós kwisingá' slasla/aren duuxaak.» Aluuwo Yoshua guri báy, «Ga/aaweek, án tlakweemaawók iga hingeés, án kuúng u tsiitiís ar tlabaá ló'wa hhohho'.»

Luka 1:10

Qoomaadá' mooyángw tsuú' kuwa da/aa/an, boo/oó muu sleémeero i tsee/aá wa firiirín.

Ebrania 1:7

Nee daanduú malaykeero i kaahi, «Malaykeerós gaa tleéhh ar adór fur'a, nee sagadiyuuseerós ar adór tsángw asla.»

Geehhoeemaá 14:6

Malaykamoó hatlá' nguri malé ár, i gáwtí dirii' baraá tla/ángw doori. Malaykamoowí i Ya/abtór hhó' kón ar alhhe'eesay wasl, ar i alki/ituú ay dír múk baraá yaamuú wa hoót, dír umuúqo xoorooro nee tlahhaywo nee umuúqo tsifriro nee muko.

Geehhoeemaá 4:8

Nee muruuwí slaáf tsiyahhaawo umuúqo gaaro hhampe'eeraá lahhoó' gi koón. Nee hhampe'eeriká' kaa harweér nee ila', nee tam baraá guruú hhampe'eeriwo. Muruuwí i daa' xweera nee tlaatla/aangw, ta hungu/uumisiiká sleeme. Gár ta daai a tí, «Aakoó Munguú Aleesleemusmo inós ku hhoohhoó', ku hhoohhoó', ku hhoohhoó'. Inós an kudá' qaroó daadáw, nee an kudá' dáw, nee kudá' sangw hardáh sleeme.»

Geehhoeemaá 7:11

Nee malayke sleémeero taa sihhiít umuúqo bihhiwo, kitangwduú aleesleemu gwa harwét, nee bariiseedá' nee muruudá' tsiyáhh oo slaáf sleeme kaa harweér. Inooín sleémeero tari tumbarara'aát dír geeraá kitangwduú aleesleemu, Mungú kuri xirfayeemís,

Geehhoeemaá 8:13

Aníng gwareesi ngiri ár ar tlatlaw baraá tla/ángw doorír alé, ngiri axaás i tseeamiín ar afór ur, i kat, «Múk baraá yaamuú wa hoót, a tsaxwaaín, a tsaxwaaín, a tsaxwaaín, qoomár malaykeedá' tám aa meti tarumbeetaduuín binga ufáhh. Asma malaykeedá' taa amohhe'és kiwa ufaahhi.»