ISAYA 6:13 - Biblía Axweesantá Hhohho' ar Mungú 2004

¹³ Tam panoó niiná oo aa meet, aqo kun hhaamiis. Kuká' tari adór sahhti laqaá ta/eewi, tidá' guftanoowós aa meet alaá kawa tsaát. Guftanoowí tay iimu/úngw dahaasíngw hhohhó'.»

ISAYA 6:13 Iomraidhean Croise

IIMU/UUNGW 22:18

Ar baraá xwaylaroge xoordu sleémeero tsuuqa ngiri slayá', asma kuúng afor'eé' aga iiárií qás.› »

ESRA 9:2

Asma inooín nee daaqay'ine dasuú mukdá' nguna duxuutiyé'. Gawaá adoorihe xooroodá' hhoohhoo' ar Mungú taa haragasiyé' nee xoordaá hatlá', slám dabér múk urén ina giiriín baraá dakuúsarihe.»

ESRA 9:8

Ala hamí ar qoomár niinawe taa guriíbaá/ nee AAKOÓ MUNGÚ, Munguúrén, tam kudá' naa meetiye' nay ba/ané', giri amohhooárí haniís dirós tidá' hhoohhoó' wa alé. As Munguúrén ilaarén ngiwa gwa/aateesi tam daanduú tseegamoorén tihe masók a qwalaa/aán.

ISAYA 1:9

Barnaxes AAKOÓ MUNGÚ Aleesleemusmo, atén taa panáy meetisiiká, atén aga adór Sodoma tleehhitaán, a slaqamís nee Gomora.

ISAYA 11:1

Harma/i ni ti'ít baraá doó Yese wa ale, nee halmi i ti'ít baraá dee/armoowós wa ale.

ISAYA 4:3

Slám panaydá' aa Siyónírí meet nee kudá' taa geexáy baraá Yerusalemu, kin bay, «Múk hhohhó' oo Mungú.» Kuká' an kudá' taa gooín baraá kitaábuuwós tawa múk baraá Yerusalemúr wa hoót.

ESEKIELI 6:8

«Tam adoorihe aníng panaay u geexáw, bahh'ale tsaxwa ngi /ayiyá', kuká' tari diya/aat baraá yaamaá dimbadimbé.

AMOS 5:3

Asma Aakoó MUNGÚ i kaahi, «Múk kumuú wák bura ya/abé' iwa slaqwarár ay, ala múk meet tay tsiiru kilós, múk tsiiru bura ya/abé' iwa slaqwarár aya', ala múk /úw tay mibaangw kilós.»

MIKA 5:6

Inooín yaamaá Ashuru kiri baal ar paánga, yaamaá geeraharusmooín oo geera oo ta bay Nimrodi kiri sawaawuti'ín ar xoslaá slaqwara. Inooín atén tari baraá dabaá múk Ashúrú wa tu/iyá', qoomár múk Ashuru birna baraá ayaarén i hardáh, nee yaamuurén biringa kalaa/iyé'.

SEFANIA 3:12

Baraawoge mukdá' tsaén un meetiís nee kudá' ti niinaweemiís. Inooín dír guwaay ngari dír umuueéní leelehhtuú ayá'.

SEKARIA 13:8

Daqooroó tsár kuri amór saáw i kwaahh baraá yaamu sleémeero, inooín niri qatliyá', ala daqtá tám iri mét baraakí alé.

MALAKI 2:15

Ahaá, a Mungúheéke oo kuungá' tsaraawo naa tleehh tawa slaqwtá wák tleehhita' nee qeeruú wák? Nee inós gár i slai a milá? Nee inós gár i slai a xwaylár Mungú gu ilaiwawaa/. Gawaá adoorihe ti harmagahhe', hee tumu wák hareerós ar bi/i mingiwa sií'.

Matayo 24:22

Ala bar deeloodá' kaa /aareesiiká, geeraawo heé ba/ám i kaahh. Ala asma kudá' taa tsawaár deeloodá' ka /aarees.

Marko 13:20

Ala Aako bar deeloorí gaa /aareesiiká geeraawo, heé geeraawo ba/ám i kaahh. Ala inós deeloodá' gana /aareés as mukdá' inós aa tsawaár.

Rumi 9:5

Inooín a laqwalór baabi'iidá' aáng. Nee Kristo dír naa daáhh a baraá tlahhay'ín xwaylár slaqwto. Inós a Mungú mura' sleémeero gu baliít. Inós i xirfuuti ay alhhe'eesay wasle. Amin.

DABE 28:62

Tam geeraawo kuungá' tundu ure adór tsatse/ú gawaá doori, ala kuungá' an faká', asma afór AAKOÓ MUNGÚ, Munguúhúng aga iiárií qaasi'iiká.

DABE 7:6

Adoorí tleehhaak, asma kuungá' tunda paraátl as AAKOÓ MUNGÚ, Munguúhúng. Kuungá' AAKOÓ MUNGÚ nuna tsawaár baraá tla/ángw xoorduuwo as tawa mukós oo kilá'.