ISAYA 6:11 - Biblía Axweesantá Hhohho' ar Mungú 2004

¹¹ Aluuwo niri yaahaás, «Xáy Aako, tay xaylá?» Inós iri mu/aywaáts, iri báy, «Ay dír gixsadu i deewaiya', niri muu wasleesiyá', nee maraay iwa tawo iwiitiya', nee yaamu kiwa ak ló'wa hhitin.

ISAYA 6:11 Iomraidhean Croise

WARA'AMI 74:10

Aá Mungú, wakuuse u niqaaqiin ay xaylá? Xáy, umuuwók aqo kun /ooslaaslína ay alhhe'eesay wasle?

WARA'AMI 79:5

Aá AAKOÓ MUNGÚ, buhhtaawók ki alhhe'eesay wásle? Ay xaylá buhhtaawók iwa ohaahina' adór asltá wa ale?

WARA'AMI 90:13

AAKOÓ MUNGÚ, buhhtaawók i kumaamitir ay xaylá? Ki/áng sagadiyuuseerók gurtlaweek.

WARA'AMI 94:3

AAKOÓ MUNGÚ, ay xaylá múk tlákw ta qwal/aa/ati? Ay xaylá, xáy AÁKO?

ISAYA 1:7

yaamuuhúng kaa deewa'ameérí geexáy, gixsaduuhúng kaa daá/ ar asla. Yaamuuhúng hooma gaa dír ilaahúng wa ar tleér, i baraá deewaa'ame, kwaáo hooma gina hhitiín.

ISAYA 13:12

«Aníng muu un ló'wa niinaweés tam sahaábudá' hhohhó' ba/a, daa'awtá hee ngari niinaweés ta sahaábuú Ofiriro.

ISAYA 3:26

Afér gixsár Siyoniro gaa a wa/aa/i nee tsuunqumis, gixsarí tari adór /ameenír taa geexáy ar pakáy, iri iwít baraá teeri.

ISAYA 3:8

Asma múk Yerusalemu taa dukuúts, nee oo Yuda aa huú', asma AAKOÓ MUNGÚ nguna si'iyé', ar tlehhmi'ii'ín nee axweesanay'ín, xirfuuwós ngwaa gaárií xui'iiká baraá tla/angw'ine.

ISAYA 32:14

Asma do'oduú waawuti'iima ku kilós geexáy, nee gixaarí muu yaariir ka xaanxaay tleehh, goongooama' nee /aampudá' tawa xun, i mar'o tleehhitiyá' ay kureeraá kureér, daqoó darma iri baraadá' wa qwalalaa/, gixsadá' iri qawtantá bee/aangw tleehhít.

ISAYA 35:1

Darma nee yaamaá kaahaar i qwalaa/iyá', xaanxaay i qwalaa/ iri /ayuus.

ISAYA 5:9

AAKOÓ MUNGÚ Aleesleemusmo una axaás iwa kaahi, «Looeemaawo maraá yaariir i muu wasleesiyá', maraá diren, hhohho', ki tawo geexáy.

ISAYA 60:15

Kiídár aáng taa sií' nee taa aáhh, tam heé baraadár waaraáhh i kaahh. Ala hamí daxta i xirfayeés ay alhhe'eesay wasle. Tari gixsár qwala/ baraá qari sleémeero.

ISAYA 64:10

Gixsaduuwók kudá' hhohho' naa darma tleehhitiyé' Siyoni aa darma tleehhít, Yerusalemu aa deewá'.

YEREMIA 22:6

AAKOÓ MUNGÚ i kaahi daanduú waawuti'iimár Yudawo, «Tam do'owí ku hhoohhooe adór yaamaá Gileadi, adór ságw tloomár Lebanoni, ala looeemaawo aníng diirí a xaanxay tleéhh, tari gixsár hotángw muko ya/aamaaká.

YEREMIA 4:7

Adór dirángw naa baraá nahhaatarós wa ti'iit. Kudá' xoordu gi hhaamiís taa amohhe'eés. Inós naa dír kitaangós wa tláy as yaamuuwók ngiwa hhitin. Gixsaduuwók ngiwa taanguy nee heé baraadá' hoót iri qwaar.

YEREMIA 44:2

AAKOÓ MUNGÚ Aleesleemusmo, Munguú Israeli i kaahi, «Kuungá' amotlakweedá' naa huúw dír gixsár Yerusalemu nee dír gixsadaá Yuda aga aandé'. Ga/aawaak gixsaduuká' tam ay laarí naa deewaiyé', nee heé baraadá' hoót i kaahh tumu wák.

YEREMIA 52:27

Waawutmo Nebukadnesa oo Babuloni mukwí guna muúx, guri tsuú/ baraá Ribla tidár baraá yaamaá Hamati. Gawaá adoorihe múk Yuda kuri loohatís baraá yaamuuine.

ESEKIELI 6:6

Amór taqo i hotaá eera'a, gixsaduhúng ki muu waslen, nee wa/ameedár gawaá gongoama' ar munguaá hatlá' kiwa sluufmaamisá' an hhitiín, slaqsi'iidaá munguaá hatlá' ki giqáy kiri hhitín. Didá' ta mooyángw tsuú' i da/a/aanda' ka fee/, nee umuú gaaro kari hhaamiis.

DANIELI 8:13

«Aluuwo malaykamoó wák una axaás iwa axweesi, malaykamoó hatlá' kudá' axweés guri yaahaás, ‹Xáy, muruuwí ta ooiin nee iigu'utuwí i kumaamitiya' ay xaylá? Xáy ilahhooár da/a ar umuú deelo tidá' taa hhitín waaqa'a'ati ay xaylá? Xáy, hhitiru'umarí ar umuú gaa kawa hhaamimiisi i kumaamit ay xaylá, nee didá' hhoohhoo' dinkwa nee múk Mungú kuwa yaamaá hara'adararahi ay xaylá?›

TLAHHOÓ LAÁWI 26:31

Gixsaduhúng in daá/, dirhúng tidá' hhoohhoo' an xaanxay tleéhh nee ilahhooár mooyangwhúng kudá' tsuú' u baloó ya/amaaká.

TLAHHOÓ LAÁWI 26:33

Nun tsiyayaáx baraá tla/ángw xoordu, nee nuri paangadúr ayá', yaamuuhúng niri darma tleehhiyá' nee gixsaduhúng niri hhituruutiyá'.

MIKA 2:4

Baalaadá' birna hardát, muu kuungá' nuri daa'ángw kooyaángwí oh, oo adoodá' kuungá' taa mukdá' i tlehhé', tawa adór daa'ángw wa/aa/i, tay ooi, ‹Atén taa /awa/awín ló'wa alé, AAKOÓ MUNGÚ daqaari'iimarén gana warqeés, gari hingeés direne, qamuurén gina qasmiís dír múk wakuuse.›

MIKA 5:11

Aníng gixsadaá yaamuuwók i hhitiím nee gixsaduuhúng kudá' koo/i gawden in daáhh.

MIKA 6:13

Ga/aawaagáy, aníng kuungá' naa qaroó iimu/uúm muxtaaro, nee nu gaárí geexawaaká, asma tlakweemaahúng.

MIKA 7:13

Ala Mungú yaamu gi hhitín, asma tlehhma'aá tlakw awa múk baraadá' wa hoót.

DABE 28:62

Tam geeraawo kuungá' tundu ure adór tsatse/ú gawaá doori, ala kuungá' an faká', asma afór AAKOÓ MUNGÚ, Munguúhúng aga iiárií qaasi'iiká.

DABE 28:63

Adoodá' AAKOÓ MUNGÚ ngira slaá' uri dihhooárí haniís, nee uri tlahhás, an adoorír kilá' AAKOÓ MUNGÚ gan slaa' kuúng uwa amotlakweérí huwi, nee uwa hhaamiisi. Kuúng turi hingees baraá yaamuudá' ta aalír eera.