ISAYA 6:1 - Biblía Axweesantá Hhohho' ar Mungú 2004

¹ Kurkú waawutmo Usia iwa gwaá', aníng Aako una ár aa iwiít gawaá kitángw waawuti'iima, kudá' gáwtí dirií' nee kwaa tleesa hhe'eés, pasleemaá inqwaarirós guruú doó Mungú nguna tuuntukiyé'.

ISAYA 6:1 Iomraidhean Croise

1 WAAWITÁ 22:19

Mikaya iri oó', «Gimáy axweesantá AAKOÓ MUNGÚ iiárií qaaseek: AAKOÓ MUNGÚ ugwa ár aa iwiít gawaá kitaangós kuduú waawuti'iima, nee slaqwaruuse sleémeero ar gawaá doori aa sihhít bihhaawós, tooka bihhaá doó /iyáy tiqá' awa doó basáy.

2 WAAWITÁ 15:7

Asariya iri gwaá', kway foól baraá /antaá waawitá kudaá baraá gixsár Daudi didá' baabi'iiwós kay foól. Garmaawós Yotam iri waawuti'ín kitaangós wa ale.

2 QOM'I 18:18

Aluuwo Mikaya iri oó', «Gimsé', axweesantá AAKOÓ MUNGÚ iiárií qaasaak! Aníng AAKOÓ MUNGÚ ugwa ár aa iwiít gawaá kitaangós oo aleesleemu, nee malaykeerós sleémeero aa sihhít dír bihheerós tsaraawo awa doó /iyáy nee awa doó basáy.

YOBU 42:5

Aníng kangók ugwa axamiís iaeene. Ala hamí kuúng una ár ar ilaeé' awa kilá'.

WARA'AMI 108:5

Mungú, kuúng xirfuút gawaá dooriwo! Xirfuuwók yaamu sleémeero ngi tuuntuuki!

WARA'AMI 113:5

AAKOÓ Munguúrén heé kur qoomeesi a heemá? Inós aa iwiít gawaá kitángw saáw gawaá doori,

WARA'AMI 46:10

«Haay xasliité', tsaahhaak adór aníng tar Mungú! Aníng taa iia tleereés baraá xoorduwo, ti iia tleér baraá yaamuwo!»

TI'INAANGW 24:9

Kár Mose nee Aroni nee Nadabu, nee Abihuwo nee bariiseedá' mibeeraá faanqw ar Israeli tari tsa/án gawaá tlooma.

ISAYA 1:1

Kaangwí an iigu'utuú Isaya garmoó Amos aa ár, daanduú Yuda nee gixsár Yerusalemuro, de'emaá waawituú Yuda oo aa waawuti'ii'ín tawa kwí: Usia, nee Yotam, nee Ahasi, nee Hesekia.

ISAYA 12:4

Baalaadae kuungá' an oa', «AAKOÓ MUNGÚ sluufmisaak, firimaak ar umuuwós. Xoordu tlehhmi'iiwós ti xu'utise', adór umuuwós ira xirfuút na alki/iitaak.

ISAYA 57:15

Asma adoorí an adoodá' kuduú gáwtí dirií', kudá' xiríf, kudá' hotaatiím ay alhhe'eesay wasle, kudá' umuuwós ta bay Oo hhoohhoó' i kaahi, «Aníng dír ni hoot a didá' gáwtí dirii', didá' hhoohhoo', slam a dinkwa nee kudá' aa hhu'uu'un, nee oo tsatsaa'aár baraawose. Asma kahhó' qeereemaá múk tsaén ngiwa slafis nee munér mukdá' aa hhu'uu'un ngiwa slafis.

ISAYA 66:1

AAKOÓ MUNGÚ i kaahi, «Doori an kitangw'eé' oo waawuti'iima, nee yaamu an kitángw ya'aaeé' ngi qamiim. Xáy aníng doó kuungá' i tlehha' a doó adoomá? Xáy dír ni hungu/uus a dír adoomá?»

ESEKIELI 1:1

Bál slahhángw tsiyáhh tawa kooán, kurkú mibeeri tám, qoomár aníng nee mukdá' taa loohatís tawa baraá yaamaá Babulónírí diriiaan, bihhaá yaaér Kebari, doori nina gweeritiyé', iigu'utuú Mungú nguri ár.

ESEKIELI 10:1

Aluuwo niwa gawaá doorií qaytsiít, gawaá sagér hhampe'eeraá keruúbi, gár sir/awaak ar slaqmís tlehhemko nee kitángw waawuti'iima ana ár.

ESEKIELI 10:4

Xirfuú AAKOÓ MUNGÚ iri tláy dír keruúbír wa ale, iri hardáh ay gawaá maandár do'odá', nee afeeni iri háts gwa/aatemaá xirfuú AAKOÓ MUNGUHE.

DANIELI 10:17

Anuú lawaalmo adór nee kuúngú aakooeé' tar axweesaan. As adoorí aga bus'umiít nee hiinsla tumu niiná oo aa meet i kaahh.›

DANIELI 7:9

«Qoomaadár kilá' aníng niwa xumiis, kiteeraá waawuti'iima kina qaás. Naagáy aakoodá' daadáw kureerisleém, iri iwiít gawaá kitaangós oo aleesleemu, tlabaá /awak nga dahaás adór tlaa/aá tluwaay, se'eengós a adór se'éngw /awák oo bee/aangw. Kitaangós oo waawutmi'iima a adór tsángw asla, nee /angeegeuwós i oh aslto.

FAARO 12:8

Gawaá adoorihe aníng nee inós an axweemaamisaán ar afe, nee ar geehhooeema, nee sleeme ar axweesantá bo/eeká. Inós slaqsay'eé' anuú AAKOÓ MUNGÚ guna ár. Gawaá adoorihe, asma waáy kuungá' sagadiyusmooeé' Mose musa qitlé' kaantiingo?› »

Matayo 25:31

«Qoomár Garmoó Hee birna hardáh ar baraá xirfuuwós dinkwa nee malayke sleémeero tidá' hhohho', inós iri iwiit gawaá kitaangós kuduú xirfuú koóm,

Yohana 1:18

Heé Mungú gwa baloó ar i kaahh. Garmoó kilós oo Mungú, kudá' dír Baabá i dirií', inós an kudá' Baabá ngwa geehhooatis.

Yohana 12:41

Axweesanaywí aarusmo Isaya guna oó', asma inós xirfuú Yesu guna ár, nee kangós guri axweés.

1 Timoteo 6:16

Inós kilós in gwaaiiká, dír i hooti a didá' gwa/aateemaá ta baloó i tseewuyká, slám inós heé gwa ar i kaahh, nee slám heé gu baala wa ár i kaahh. Xirif an kós, nee aleesleemu, ay alhhe'eesay wasle. Amin.

Geehhoeemaá 15:8

Doó Mungú iri haáts quuiro, tidá' amór xirfuú Mungú daahh nee amór aleesleemuuwós. Slám heé dahmuú baraá Doó Mungú gwa aleeslay i kaahh ay dír malaykeedá' faanqw muxtaadá' faanqw ngay hhe'es.

Geehhoeemaá 20:11

Aluudae kitángw aleesleemu oo úr oo /awaák nguri ár, nee kudá' aa gawaadá' i iwiit. Doori nee yaamu gitsee/aawós ngiri ilaguwiyé', tam dir'ín iri qwát.

Geehhoeemaá 3:21

Heedaádá' arba/ati gaa slay, aníng inós u iwiitiís dinkwa nee aníng gawaá kitangw'eé' kuduú aleesleemu, adoodá' aníng arba/ati ngira sláw, niri iwiít dinkwa nee Baabuúeé' gawaá kitaangós kuduú aleesleemu.

Geehhoeemaá 4:10

Qoomár inooín barta adoorí tlehhiit, umuúqo daqto bariiseedá' mibeeri tsár nee tsiyáhh in tumbarara'amít dír geeraá kudá' gawaá kitángw aleesleemuú i dirií'. Inooín kudá' slaáf ay alhhe'eesay wasle kun sluufmiis. Nee inooín slam'eeri'ín kin kwakwaahh dír geeraá kitangwduú aleesleemu, ta kaahi,

Geehhoeemaá 4:2

Qoomaadár kilae Qeeru aníng iri i hardáh. Nee gawaá dooriiwo Kitángw aleesleemu kwaa qaás, heé wák naxés aa iwiít gawaá kitangwdií aleeró.

Geehhoeemaá 4:3

Nee heedaádá' aa iwiit, inós bura ga/eér, i miirii/ adór tlaa/edá' tlaxo uren ta babay yáspi nee akíki. Nee ga/alér tluwaay kitangwduú aleesleemu gwa harwét, kalaywós a adór tlaa/anoodá' ta babay sumarídi.

Geehhoeemaá 4:9

Muruuwí slaáf xirif nee ilaiwa/ame nee sluufaay kun hanmiis dír kudá' gawaá kitángw aleesleemuú i dirií', kudá' slaáf ay alhhe'eesay wasle.

Geehhoeemaá 5:1

Aluuwo kitaábu una ár. I baraá dákw doó /iyáy oo kudá' aa iwiit gawaá kitangwduú aleesleemu. Kitaábuudá' i gooír kón baraá guruuwo nee gawaá daanduuwo sleeme. Nee slám kitaábuuwí kwaa tseék ar dugeenaá faanqw.

Geehhoeemaá 5:7

Deelmooduú bee/i niri hardáh, kitaábu guri taataáhh gawaá dákw doó /iyáy wa ale oo kudá' aa iwiit gawaá kitangwduú aleesleemu.

Geehhoeemaá 6:16

Inooín tari tseé' ar afór ur, dír tlom'i nee dír tla/u, ta kaahi, «Atén ti harahue', atén ti lu/e', dír geeraá gitsee/aá kudá' aa iwiiti gawaá kitangwduú aleesleemu, nee dír xarasleemaá Deelmoó bee/iro.