ISAYA 59:7 - Biblía Axweesantá Hhohho' ar Mungú 2004

⁷ Umuú daqto an baraá tlakweemií ti'ii'indá' an gaansliindá' tseerér heé dakuús wásl kawa ku'usa'. Inslawayhúng umuú daqto ku tlákw. Umuú dír taraqo waarahhi'i aqo hhituru'uuma nee deewa'ame an tlehhtá'.

ISAYA 59:7 Iomraidhean Croise

AXWEESANOÓ SAGALOOA 1:16

Asma ya'aaín i gaansliná' baraá tlakweema, inooín i kararasliyá' as tseere kawa ku'uusi.

AXWEESANOÓ SAGALOOA 15:26

Inslawoó múk tlákw AAKOÓ MUNGÚ gu waak, Ala axweesanoó hhó' gu sla'atamis.

AXWEESANOÓ SAGALOOA 24:9

Heé daktani gár i leelehhiiti a tlakweema, nee heé múk niqiím ku waak nee muu.

AXWEESANOÓ SAGALOOA 6:17

Xumsór daara/aangw, nee afkú lama gaa intsaahh, nee dabaá tseerdaá dakuús wásl ngi ku'umiisá'.

AXWEESANOÓ SAGALOOA 6:18

Muunuú muruú tlákw aldakuút, ya'aá insláhh amór tlakweema tlehhtuuwo.

ISAYA 15:5

Aníng a /aa/amiím as yaamaá Moabu, mukós aa tiaaín ay Soari, aa tiaaín ay Eglat-shelishiya, mukós i tsa/aa/án amór Luhiti, ta hara /aa/amín, amór loohír Horonaimúr kawa, mukós i /aa/aamín as qwanaay.

ISAYA 32:6

Asma daktana gár i axwes a daktu'uuma, nee inslaway'ín gar i qoomeemesi a tlakweema. Muruú amór Mungú aasaaká ngun tlehhiitiyá', nee axweesanoó tlákw daanduú AAKOÓ MUNGUHE ngun kaahiyá', múk qwariít ngun qwárkwí ga/ayá', nee múk waxiít ngun /itiyá' ma'aywo.

ISAYA 55:7

Múk Tlákw lohduuín kudá' tlakw ki may, nee kudá' hota gana'a'aaká inslawoó tlákw ku may. I amór AAKOÓ MUNGÚ i ki/iye', inós gi gurtláy. I amór Munguúrén kaye', asma inós gurtleemuuwós ku yaariír.

ISAYA 59:3

Asma dabaahúng iga tlakwesé' ar tseerdu, ditsaahúng tlakweema nga tleehhiyé', aferhúng lama gaa kát. Muruú tlákw ugwa axwesé' ar tsifreeriihúng

ISAYA 60:18

Baraá yaamuuwoge afór xaraasl ka baloó axasiiká laqaá hhitiru'uuma nee qwanaay dír digmuú yaamuuwoge i deeruutiaaká. Ba/ama tari adór koo/irók, xiríf tari adór afér maraywók.

ISAYA 65:2

Aníng dabaaeé' ina laqaqaám tlatla/aangw sleémeero dír mukdá' a dee/aanuut. Kudá' lohdaá qooma'aakár hootá' kudá' sager'ín kilós ngi /ayá'.

ISAYA 66:18

Asma aníng tlehhmi'ii'ín i xuú' nee inslaway'ine, aníng xoordu sleémeero nee tsifrír dimbadimbé an burumbuúr. Inooín niri hardihiyá' xirfueé' nguri ariyá'.

ISAYA 66:4

Gawaá adoorihe, aníng i amotlakweérií huúw tidá' i da'ayumitiya' gin sleér, asma qoomár ngiwa ateetiim heé aa ooin i kaahh. Qoomár niwa axweés inooín i axamisiaaká. Ala inooín muruú tlákw nguna tleehhiyé'. Tidá' aníng i sla'tamisaaká ngina tsawaariyé'.»

YEREMIA 22:17

Ala kuúng ilaawók nee muunaáwoge in tlam/aán baraá slaasláwár hariimaaká. Múk dakuús wásl una tsú/, muu kuri baramaanús nee kuri /aytiín ar gurtleemu wasle.

YEREMIA 41:7

Mukdá' tawa dáh baraá gixsa, Ishmaeli garmoó Netania nee mukós kuduú mibaangw mukdá' kuri tsuú/ nee tu'uuín kiri /aytimiís baraá hhalaangw.

WA/AA/I 4:13

Tí sleémeero ina tleehharút as tlakweemaá aaruuseerós nee dakuúsár kaahamuuseerós. Inooínaadá' múk hhó' ngwa tawo tsu/iye' baraá tla/ángw gixsa.

ESEKIELI 18:12

narkuute ga hara/untsiitsín nee múk litlakwene, i fisiisín, iinár hee ga buiiká, slaqsi'iidaá munguaá hatlá' gi haratlintatii', nee muruú buhhtamís gu tlehhiit,

ESEKIELI 22:6

Geeraharuusér Israeli tidá' baraawók i dirii', umuú heewo in tsu/uut ar adór inós i aleeslay.

ESEKIELI 9:9

Inós iri báy, «Tlakweemaá múk Israeli, nee awa múk Yuda, ki ur ló'wa aleeró. Daanduú yaamu aa haáts tseerdaá muko, nee baraá gixsaro heé gan'amuú tlehhiít i kaahh. Asma ta kaahi, ‹AAKOÓ MUNGÚ yaamu gaa máy, AAKOÓ MUNGÚ i xumisiiká.›

MIKA 7:2

Heé inkihhím i kaahh baraá ayaawihe, Heé gan'amuú tlehhiít i kaahh. Umuúqo heewo gár i leelehhiiti a hee nguwa gaasi. Umuúqo heewo hhiyaawós gun tsaaxweelír i qamín.

Matayo 2:16

Herode ngiwa ár adór kura al/aáy nee xu'utuuseedár tsatse/, iri ló'wa buúhh. Muu guri ya/aáw na/aá daaqaay sleémeero awa baraá gixsár Betilehemu nee inslaawaywose kiwa tsu/i, awa har kureeraá tsár nee awa kureeraá tsár ngaa ay'iiká sleémeero, ar adoodá' ngira yaahamiís dír xu'utuuseedár tsatse/uwo.

Geehhoeemaá 17:6

Aníng ngiri tsaáhh adór /ameenidá' kara oonitiís nee tseerér múk hhohhó' sleémeero oo Mungú, nee ar tseerér mukdá' taa tsuú/ as Yesu kuwa lamabu'ún. Aníng inós ngiwa ár niri ló'wa waa/oó/.