ISAYA 59:2 - Biblía Axweesantá Hhohho' ar Mungú 2004

² Ala tlakweemaahúng kuungá' nuna dír Munguúhúng wa paraatliyé' nee dakumisuuhúng gitsee/aawós ngaa lu/iyé', as kiwa aanda'aaká. Gawaá adoorihe inós firorhúng ga axasiiká.

ISAYA 59:2 Iomraidhean Croise

AXWEESANOÓ SAGALOOA 15:29

AAKOÓ MUNGÚ ku saáw dír heé tlaakwe, Ala firór heé hota ganaá' gan axamiis.

ISAYA 1:15

Kuungá' bar dabaahúng iga gáwtí tlesé' as iwa fiririinda', aníng ilaaeé' in luú/, as munduwa ár, tam firór yaariir bar firirindá', a axaasaaká. Asma dabaahúng naa hatsiyé' tseerduuwo.

ISAYA 50:1

AAKOÓ MUNGÚ i kaahi, «Slaambare/idá' aayorhúng aníng ngiwa talaákár i haniís i amá? Laqaá aníng kuungá' heé nuy weeriís a heemá oo aníng i iinuús? Ga/aawaak, kuungá' tunduna weeriís as tlakweemaahúng. Aayorhúng kinga guús as dakuúsarhúng.

ISAYA 57:17

Ina i buúhh asma tlakweemaaín nee as ilatleerir'ín ngiri muúx, niri nahhaát, as niwa buúhh. Ala nina ak kumiitiyé' loohir'ín tidá' i slaiya' eeharahaduwo,

ISAYA 58:4

Gaa/awaak, kuungá' gár tas gwaawiwindá' a tí kilós tawa giliinda', nee tawa slaqwa' nee tiwa tuu'uta' ar kuundi'i. Gwaawitór adoorí laarí tar gwaawiwinda', firorhúng ngi hardahaská dir'eé' tidár gawa.

YEREMIA 5:25

Dakuúsarhúng kuungá' naa tsuuqaá /ít, nee tlakweemaahúng nuna hhooeemaá /itiyé'.

WA/AA/I 1:8

Gixsár Yerusalemu tlakweemaá ur gaa tléhh, gawaá adoorihe iri slasla/aruúr. Mukdá' geeraawo gaa ilaiwawaa/ gaa waaqaá', as ngiwa /aankwets ariyé', tam adoorihe inós i baraá /ifo iri alií warqeér.

ESEKIELI 39:29

Aníng qoomár qeeruueé' bura ku'uús gawaá múk Israeli, gitsee/aeé' i malé lu/aaká dír múk Israeliwo. Anuú Aakoó MUNGÚ tí aga oó'.»

MIKA 3:4

Ala qooma ni hardát ar geeraharuuseerí AAKOÓ MUNGÚ nguwa firirin, ala qoomaarihe inós gi iiárií qaasiiká. Inós gitsee/aawós gin luu/ asma har qoomoó tlehhemi'ii'ín kudá' tlakw naa tleehhiyé'.

YOSHUA 7:11

Múk Israeli tlakweema gaa tleéhh, alqadoodá' án nee inooín naa axweesaán ngaa si'iyé', inooín xosluudá' taa paraátl as kiwa qororo'oosi ngina bahh taatahhiyé', slám ngina fisisiné', ngiri lu/iyé' baraá xosluuín, lama ngiri tsatiyé'.

1 SAMUELI 4:3

Muu iwa hardáh baraá xafay'ín, bariisér Israeli iri ó', «Ahaá waáy AAKOÓ MUNGÚ atén mista adoorír slaáhh geeraá múk Filistír wa alé? Gusé', sandakmoó alqadór AAKOÓ MUNGÚ u leehhaán Shilo, ngway huwaán amoorí, daqaní AAKOÓ MUNGÚ nee atén ti alkoomaán, nee ti ba/amis baraá dabaá wakuuseerene.»