ISAYA 59:16 - Biblía Axweesantá Hhohho' ar Mungú 2004

¹⁶ Inós heé aa ár tumu wák i kaahh, iri waa/oó/ asma heé aa alee/isoó ay i kaahh. Naagáy inósuú kilá' dakós gway gáwtí tleés. Inós kuri tliwií/ nee gan'amuuwós.

ISAYA 59:16 Iomraidhean Croise

WARA'AMI 106:23

Mungú iri oó', «Mukwí u hhaamiís.» Ala Mose kilós sagadiyusmoowós kudá' aa tsawaár, ina tla/angwdií sihhiít as Mungú nguwa har'oohi kahhó' mingiwa hhaamiís.

WARA'AMI 94:16

Xáy, heé bartaeé' ngi áw a heemá qoomár múk tlákw bura siaán? A heemá heé gayuueé' dír múk tlakweemaá tlehhiita?

WARA'AMI 98:1

AAKOÓ MUNGÚ i daa'aak ar daa'ángw /abén, asma muruú waa/oo/amo guna tleéhh, ar dakós oo doó /iyayhe nee kudá' hhohhooe, inós iri baalín.

ISAYA 33:2

Aá AAKOÓ MUNGÚ, atén ti gurtleer, asma atén kuúng una harahhifaán, kuúng masók a baqmoórén umuú looár tlawa, nee masók an ba/amusmoorén qoomár slahha'amko.

ISAYA 33:3

Muu in ta'aaín as xuuraaír afoorók, xoordu nin diyaa/atiyá' as sihhtanoorók.

ISAYA 40:10

Ga/aaweek, Aakoó MUNGÚ ni hi'iit ar /uuruuwós, ar /uuruuwoosuú kilae in waawuti'ín. Mukdá' aa sláy tawa slaqweerós, i dinkwa nee inós. Mukdá' aa baraá slaqwarár wa sláy as iwa baalín, i geeraawós wá hi'iit.

ISAYA 41:28

Ala aníng niwa qaytsiít, tumu wák i kaahh baraá tla/angw'ine hara'ayusmo i kaahh, qoomár án bara yaahaás, mu/aywatsa i káhh.

ISAYA 50:2

Ahaá waáy, qoomár niwa hardáh heé naa didií áw mis kaahh? Qoomár niwa ateét heé aa ooin mis kaahh? Xáy, dakw'eé' ku ququmaáre ba/amisa gari aslayká? Laqaá aníng /uuruú nir ba/amis u koomaakáhe? Ga/aawaak, tlawi ngiwa i gahhaát, ma'aay niri kahiyé', yaae ngiri yaamaá xaanxay tleéhh, siyó iri diíx as ma'aay ngiwa dakuús nee ina qaátl as waxe.

ISAYA 51:5

Ba/amar'eé' ni gaanslár hardát. Ba/amaadá' naa huúw ka geehhoo'. Dakw'eé' muu gu sawaawuti'ín. Kuungá' hhapeemaá sawen daamaré', /uuruueé' na harahhifaak.

ISAYA 51:9

Tlawáng, tlawáng aá AAKOÓ MUNGÚ, ar /uuruuwoge ti ba/amis. Daarikiitáng adoodá' aáng taa tléhh qoomár qartadá' aa waarahhi. Ahaá a kuungeekáhe oo Rahabu gaa tlaqaqaat nee kudá' dayshamoodá' úr oo baraá ma'aay gwaa tla/a feehhamiis?

ISAYA 52:10

AAKOÓ MUNGÚ /uuruuwós kudá' xiríf gwaa laqán, dír geeraá xoordu sleémeero nee múk ku/uya sleémeero awa yaamu ba/amár Munguúrén ngi ariyá'.

ISAYA 53:1

Heé kangwdá' taa axasaán gwaa haratlintii'? Nee /uuruú AAKOÓ MUNGÚ dír kway geehhooeés a dír heemá?

ISAYA 62:8

AAKOÓ MUNGÚ lo'o gaa /aáy ar dakós oo doó /iyáy nee ar dakwduú aleesleemú koóm, i kaahi, «Aníng balangwhúng u male hanisaaká tawa muruú /aymár wakuuserhúng. Tam dahaaye difaáírhúng ga baloó watká tidár gadiyér dabaahúng.

ISAYA 64:7

Heé kuúng u fiririím i kaahh tumu wák, nee heé naagamiís kuúng leelehhtuuwo i kaahh, asma kuúng aga atén wa nahhát hám daxta taa baraá tlakweemaarén i meér.

YEREMIA 5:1

Axáy baraá lohdaá Yerusalemu wa hi'iimitaak, xuuxuaak nee ka gooiindá'. Didá' boo/oó muu i dirii'i iwa xuuxu'uumaak, axáy heé gan'amúr hoót u sleerá'a, nee oo looeemaá leelehhiít. Bura sleeré', daqaní aníng múk Yerusalemu u gurtláw.

ESEKIELI 22:30

Heé koo/i ga tleéhh nee oo sihhiít didaádaá fee/it dir'eene, as yaamu ngiwa harmagaahhi as miwa hhitiím, una leeleéhh baraaine, ala uga slawiiká tam oo wák.

Marko 6:6

Inós iri ló'wa waa/oó/ as haratlintaaor'ín wasle. Yesu iri baraá inslaawaydá' wa hi'iimiít iwa intsaahhatimisi.