ISAYA 59:15 - Biblía Axweesantá Hhohho' ar Mungú 2004

¹⁵ Looeema naa qwaariyé', kudá' tlekweemaá tlehhitaaká hotaawós i baraá tsaxwa. AAKOÓ MUNGÚ adoorí gari ár, guri buhhtís. Adoorí guri buhhtís asma sakwasleemár ganaa' i káhh.

ISAYA 59:15 Iomraidhean Croise

IIMU/UUNGW 38:10

Adoodá' Onani aa tleéhh, AAKOÓ MUNGÚ guri buhhtís. Tam inós sleeme kway gaás nee AAKOÓ MUNGÚ.

2 SAMUELI 11:27

Qoomár /aa/aá Bat-sheba niwa faakiyé', Daudi iri ya/abín, Bat-sheba kawa huwi amór do'ós. Bat-sheba tari harér Daudi. Inós dír Daudiwo na/oó garma guri xwayluúr. Ala kaangwí Daudi aa tleéhh, AAKOÓ MUNGÚ guri buhhtís.

2 WAAWITÁ 9:11

Yehu iwa kií/ dír mukós, heé wák guri yaahaás, «Gám gaa a milá? Slarhhamaádá' gár i slai diroge?» Yehu giri mu/aywaáts, «Kuungá' gár i slai a xuá'.»

2 QOM'I 21:7

Tam adoorihe AAKOÓ MUNGÚ doó Daudi nguwa qwaareesi gwa slaiiká, asma alqadoodá' aa oó' dír Daudi xwaylarós iwa waawuti'iin.

WARA'AMI 5:9

Axweesanoó wakuuser'eé' i looeemaá konká, gár i slaiya' aqo hhita. Baraá afer'ine axweesanoó ti'iimiít oo al/ayma. Afer'ín i háts axweesanoó tsu/utár muko.

ISAYA 1:21

Gixsarí inkihhimuú koom, adór ira tsaatuso'o tleehhít! Inósadá' sakwasleemár ganaa'a haats, inósadá' hotaá ganaa'á' gira hot, ala hamí aa tsu/utuso'o tleehhít.

ISAYA 10:2

Gan'amuú múk aleemaá koóm kun /itiitín, nee muruú narkuute kun fisiisín kuduú gan'amuuín, kwaeeli a adór maraando dir'ine, panaay a sluqor'ín.

ISAYA 29:21

Mukdá' baraá kwasleemaro axweesanoó múk hhitatiím, mukdá' gan'amuú hee gu warqeés ar lamemooín, mukwí sleémeero ku qwaarees.

ISAYA 32:7

Al/aymár al/aymuuse ka tlaakw, inooín tlakweema ngin ado warqeemisiyá', as kahhó' narkutmo nguwa qwaareesiya' ar lamtaín, tam geeraawo gadaádá' narkutmo i slai i qoonda.

ISAYA 46:12

Kuungaáká sage gawden aníng iiárií qaasaré', kuungaásíng saaw dír ba/amaro aníng iiárií qaasaré'.

ISAYA 48:1

Iia qaasaak doó Yakobo, kudá' taa umuú Israelí tsaát, kuduú xwaylár Yuda. Kuungaádá' lo'ór /ayá' ar umuú AAKOÓ MUNGÚ nee kuungaádá' Munguú Israeli ngu tawo afeérár kaahá', ala ar looeemaawooká laqaá ar adór gana'aaká.

ISAYA 5:23

Múk aa dakuus kun gimáy ar slukma, nee kudá' dakuúsár kooma'aaká ngun gan'amuuín /ititiná'.

ISAYA 59:4

Heé muruú ganaá' gu iinuús i kaahh, heé kwasleemár tlehhiít ar inkihhimu i kaahh, axweesanoó tawo ngun harahhifiyá', kuungá' lameemo in axweemaamisá'. Kuungá' tlakweema in qoomaamesá', nee tlakweemaahúng i laqwaliná'.

ISAYA 65:12

Aníng aga qoomeés tunduwa tsu/i ar paánga sleémeeró tundun tsuú/. Asma qoomár nuwa ateetiim, aga ooindi'iiká qoomár niwa axwees a axamisa'aaká. Ala kuungá' muruú tlákw una tlehhé' dír geeraaeene, nee tidá' aníng i sla'atimisaaká kari tsawdé'.»

ISAYA 66:4

Gawaá adoorihe, aníng i amotlakweérií huúw tidá' i da'ayumitiya' gin sleér, asma qoomár ngiwa ateetiim heé aa ooin i kaahh. Qoomár niwa axweés inooín i axamisiaaká. Ala inooín muruú tlákw nguna tleehhiyé'. Tidá' aníng i sla'tamisaaká ngina tsawaariyé'.»

YEREMIA 29:26

‹AAKOÓ MUNGÚ kuúng Sefania ugwa kaahamusmo wa qaás, kitángw kaahamusmo Yehoyada, kuúng an heé úr oo Doó AAKOÓ MUNGÚ. Gimáy daxta a gadiyeérók, slarhhamuú ti aarusmoó ila qamiím kuwa tsek ar píngu nee peehhoo iló'.

YEREMIA 7:28

Kuúng kay beer, «Kuungá' a xoorór afór AAKOÓ MUNGÚ, Munguúín, gaa si' iialooeesaro, tam intsaahhasa ana sié'. Dirhunge looeema naa gwaaiyé', baraá axweesantahunge, tam looeemaá niiná i kahhiyá'.»

WA/AA/I 3:36

laqaá axweesantá hee bara isa mút baraá kwasleemaro, Aako muruusíng gu slaiiká.

HOSEA 9:7

Deelór nuwa muux naa xeér. Deelór li/aay nguwa buu' naa hardát. Múk Israeli gari xuxuu' qoomaadae, kuungásingá' kaahá', ‹Aarusmo a daktani! Heé ta geeraharahari nee qeeruú Mungú a slarhhamá!› Adoorí an katá' asma tlakweemaahúng naa tlahhiyé' nee aahhirhúng ar tlakw aa tláhh sleeme daanduueene.

AMOS 5:10

Kuungá' múk kuqá' naanaqaám un ahhitá', nee heé looeemaá axweés una artá wa meeré' baraá doó kwasleemaro.

MIKA 7:2

Heé inkihhím i kaahh baraá ayaawihe, Heé gan'amuú tlehhiít i kaahh. Umuúqo heewo gár i leelehhiiti a hee nguwa gaasi. Umuúqo heewo hhiyaawós gun tsaaxweelír i qamín.

Marko 3:21

Múk dooín kaangw nguwa axaás tari tláy as kuwa oohi, asma ta kaahi, «Sagós aa hhitiruút.»

Yohana 10:20

Awa yaariir bahh'alé tari oín, «Heewí i neetlaamér kón, slám a slarhhamá. Ahaá, mus iiárií qamiindá'?»

Yohana 8:52

Múk Yahudi iri oó', «Daxta aga tsaahhaán adór kuúng tar neetlaamér koón. Abrahamu aa gwaá', aaruuse aa qátl, ala kuúng a kat, ‹Hee bar axweesante'eé' gaa óh, i baloó gwaaiiká.›

Tlehhema'aá ya/Abuuse 26:24

Paulo qoomár tiwa aleekal/an, Festo iri tseé' ar afór ur, iri oó', «Paúlo, kuúng aga slarhhamút, soómarók tisíng yaariir ugwa slarhhamuúr.»

Tlehhema'aá ya/Abuuse 9:1

Qoomaadae Saulo iri kumiít eeharuusér Aako ngiwa dae tlaaqi, nee adór ngir tsu/i gari leelehhiít. Iri daqáy dír kaahamusmoó úr oo Mungú.

Tlehhema'aá ya/Abuuse 9:23

Deelór yaariir iwa waaráhh, múk Yahudi tari al'axweés kuwa gaasi.

Rumi 8:36

Asma kaa gooín tawa kaahi, «Atén tin tsuu/ umuúqo siiwaro as kuúng, tin harafadiit tawa adór bee/ángw tsu/uta.»

2 korinto 5:13

Atén barnaxes aga slarhhamuutaán, ana slarhhamuutaán as Mungú. Laqaá barnaxes fuquraangw u koomaán, fuqurangwrén u koomaán as kuungá'.