ISAYA 59:14 - Biblía Axweesantá Hhohho' ar Mungú 2004

¹⁴ Sakwasleemár ganaa' kaa bihhií qaás, hotaá ganaa'á' direne na saweesiyé', looeema kaa yaamaá hara'adáh baraá lohdaá urene, doó kwasleemaro gana'amu pa/aangw gu slayká.

ISAYA 59:14 Iomraidhean Croise

1 WAAWITÁ 21:10

Daqaní múk tsár oo gu lamtí tsaát ku sleerá', oo gu báw, ‹Kuúng waawutmo nee Mungú iga /ooslisliín.› Daqaní ku tsee/í duxá', ku tlaa/ér tlaqutá', i gwaai.»

1 WAAWITÁ 21:11

Naagáy yaamuloousér ayaá Naboti nee bariise nee mukdá' xirfuú koóm oo baraá gixsadá' adoodá' Yesebeli aa ó' kana tleéhh. An adoodá' barwito'odá' i kat.

WARA'AMI 119:150

Mukdá' aníng i hara/untsiím, oo xaraásl naa tseewuyé', múk dabeerók ga baloó ohaaká.

DAHARUSMO 3:16

Dinkwa nee tihe aníng gár naa tsaáhh baraaká daanduú yaamuwo a tí, didá' sakwasleemár ganaa' iwa deér tlakweema i dayá' nee didá' hotaá ganaa'á' iwa dayá', tlakweema iqo dayá' sleeme.

ISAYA 1:21

Gixsarí inkihhimuú koom, adór ira tsaatuso'o tleehhít! Inósadá' sakwasleemár ganaa'a haats, inósadá' hotaá ganaa'á' gira hot, ala hamí aa tsu/utuso'o tleehhít.

ISAYA 46:12

Kuungaáká sage gawden aníng iiárií qaasaré', kuungaásíng saaw dír ba/amaro aníng iiárií qaasaré'.

ISAYA 5:23

Múk aa dakuus kun gimáy ar slukma, nee kudá' dakuúsár kooma'aaká ngun gan'amuuín /ititiná'.

ISAYA 5:7

Asma qaymór sabiíbu ar AAKOÓ MUNGÚ Aleesleemusmo, an xoorór Israeli. Sabiíbuudá' hhohhó' naa dahaás, an múk Yuda. Inós geera gana mak haraxuú' sakwasleemár ganaa' ngiwa tleehhiya', ala naxés nina tsu/uutiyé'. Geera gár aa haraxuú' a hotaá ganaa'á', ala naxés gaa an /aa/e.

ISAYA 59:11

A /orotlaán adór makiito'oodá' ta bay duúbu an ininiaán umuú daqto adór hhooki. Atén sakwasleemár ganaa' an harahhifaán ala i káhh, Ba/ama ana haraxuaán ala direne ka ló'wa saaw.

ISAYA 59:4

Heé muruú ganaá' gu iinuús i kaahh, heé kwasleemár tlehhiít ar inkihhimu i kaahh, axweesanoó tawo ngun harahhifiyá', kuungá' lameemo in axweemaamisá'. Kuungá' tlakweema in qoomaamesá', nee tlakweemaahúng i laqwaliná'.

ISAYA 59:9

Laatí an gár sakwasleemár ganaa' direne kas saáw, nee an gár hotaá ganaa'á' direne is kahhiya' atén gwa/aateema ina daamaán, ala naxés gaa a giwti kilós, gwa/aateema ina haraxuaán, ala hamí an baraá giwtír wa hi'imitaán.

YEREMIA 5:31

Aaruuse i lamtá aariiriín, kaahamuusér Mungú muu gun geeraharaahát ar sager'ín, slám muk'eé' adoodá' ga slaa'. Ala alhhe'eesoó tí birna xáy, adór ta /isa' a adoomá?

YEREMIA 7:28

Kuúng kay beer, «Kuungá' a xoorór afór AAKOÓ MUNGÚ, Munguúín, gaa si' iialooeesaro, tam intsaahhasa ana sié'. Dirhunge looeema naa gwaaiyé', baraá axweesantahunge, tam looeemaá niiná i kahhiyá'.»

DANIELI 8:12

Múk Mungú kuri dirós i haniís dinkwa nee ilahhooadá' ta da/aa/an umuú deelo ar loohidá' qoomaaká. Looeema kiri yaamaá hara adáh. Inós umuú adór i slai gan tleehh nee gan aleesláy.

HOSEA 7:1

Qoomár bar múk Israeli u ba/amisár wa slaá', tlakweemaaín kingin geehhoees, nee tlehhma'aá tlakw awa Samaria kingin laqán, asma tin kilooín al/aginá', nee in fisisiná', tan darah baraá maraá muu tan fisiisín, nee amoqár tsee/aawo malguuse i muruú múk hayohiín ar /uuru.

AMOS 5:11

Kuungá' múk narkuute un baramaanuumamisá' nee ohmér yaariir ar angaáno an ohahiindá'. Maraay ina tlehhité' ar tlaa/aá taa tlaáq, ala kuungá' baraá maraysíng i hota'aaká. Kuungá' qamaá sla'atamisá' awa sabiíbu ina mak doslé', ala kuungá' difaáir'ín a wata'aaká.

AMOS 5:7

Tsaxwaahúng kuungásingá' sakwasleemár ganaa' ngi tangekufiimá' tawa gár tlii/, nee hotaá ganaa'á' kiri waaqaé'.

AMOS 6:12

Xáy, faras iqo ta'aaína gawaá daanduú tlaa/aro? Xáy, hee tlawi gaqo doósli ar awe? Ala kuungá' sakwasleemár ganaa' aga warqesé' tawa qara, nee mamaá hotaá ganaa'á' iga adór hhamaandú tlehhé' qarqaraywo.

HABAKUKI 1:4

Gawaá adoorihe dabe kaa waaslaá', nee sakwasleemár ganaa' i káhh, asma múk tlákw múk hota ganaá' guna /amaatseék. Gawaá adoorihe tam sakwasleemár ganaa' barka tleéhh, kan isa geeqáy.»