ISAYA 59:12 - Biblía Axweesantá Hhohho' ar Mungú 2004

¹² Asma tlakweemaarén dír geeraawoge naa ló'wa tlahhiyé', atén tlakweemaarén tin lamabu'uná', atén nee tlakweemaarén tin alkoomakoomaán, nee tlakweemaarén iga tsaahhaán.

ISAYA 59:12 Iomraidhean Croise

ESRA 9:13

Nee alaá tí sleémeero taa sleeri as tlehhmi'iirén kudá' tlakw nee as tlakweemaarén kudá' ur, ala kuúng Munguúrén taa muxká ar adoodá' atén wa hariim as tlakweemaarén, nee mukrén oo niiná nguri meetís.

ESRA 9:6

Niri oó', «Aá Munguúeé', án aga amooqwaár, a muruumiít gitse/aaeé' ngiwa amoorók i tlees, Munguúeé', asma tlakweemaarén ki yaariir nay hardihiyé' gawaá sageerén, tlakweemaarén nina dooginé' nay hardihiyé' gawaá doori.

NEHEMIA 9:33

Tam adoorihe kuúng gan'amu u koón baraá muruuwí sleémeero atén taa slayi, asma kuúng tu inkihhím, atén a tlakuuse.

WARA'AMI 51:3

Asma án iringér'eé' a xuú' nee tlakweemaaeé' i dír geeraaeé' daqisleém.

ISAYA 1:4

Tsaxwaahúng kuugaásíng xoorór iringuuse. Kuungá' a múk taa al'ilooúy nee tlakweema, xwaylár tlakweemaá tlehhaahhiit, na/aá al/aymárár hotaatimá'. Kuungá' AAKOÓ MUNGÚ ugwa geexeeré', kudá' Hhoohhoó' oo Israeli ugwa waaqaé', taa falo kwahhé', tari alií ki/é'.

ISAYA 3:9

Gitsee/er'ín baraá aán gár ir lamabu'uun a tlakweemaaín kudá', adór kuqaá Sodoma, slám ki lu/u/unká. Mukwí a tsaxwaaín, asma hhintleemooín ngaa tlakweemár ayé'.

ISAYA 58:1

AAKOÓ MUNGÚ i kaahi, «/Aá/ ló'wa ale, ma xaslitaar, tseé' adór tarumbeéta. Muk'eé' dakuúsar'ín ti alki/it, Tlakweemaá doó Yakobo ooeek.

ISAYA 64:4

Iimír aange Munguú hatlá' ugwa araniiká laqaá ugwa axaasaniiká iaawo slám Munguú adór kuúng oo taa ár ilaawo i kaahh, kudá' muruú waa/oo/amór tlehhiít dír kudá' inós ngu harahhifa'a.

YEREMIA 14:7

Muk'eé' iga i /aá/ tawa kaahi, «Tam tlakweemaarén i lamaabu'uná' daandeemorene, AAKOÓ MUNGÚ atén kuúng ti alee/is as kuúng kilók, dee/aanurén ku úr, atén kuúng ugwa tlakweemáy tleehhaán.

YEREMIA 3:2

Axáy ilaawoge sagér tlom'i xuxueek. Dii a diimá ar kuungá' nee inooín tawa alqati'iiká? Mulqeerók ana daamaraán bihhaá loohír wa aleeró adór Ma/araábuduú baraá xaanxaay. Yaamu iga meetagasé' ar tsaatu'uumarhúng tidá' slasla/aruuwo aa harwaarahh.

ESEKIELI 5:6

Ala yaamuloouuser'ín hara'ayar'eé' nga si'iyé', tari ló'wa tlakúy ta xoorduuká' yaamuuká nga harweeri'i. Eeít, hara'ayar'eé' nga si'iyé', nee adoodá' aníng ngir gan'aamiis ngina geexayé'.

ESEKIELI 7:16

Múk aa kotsqoot bir deer, ta ta'aaín gawaá tlom'i, adór hhookár tinda baraá xatstá wa naáxw, umuú hee iri tsuunqumiis as tlakweemaawós.

ESEKIELI 7:23

«Minyororo tleehheek, asma yaamu tsu/utaro naa hatsiyé', nee baraá gixsaro /ayta aa tláhh.

HOSEA 4:2

A har lo'o nee lameemo tlaqa, nee tsu/uta nee fiiso nee fuqi, nee digeemi fe/it nee tsu/utár muu.

HOSEA 5:5

Nee daara/ángw múk Israeli ku geehhoó'. Gawaá adoorihe inooín ta dukuuts baraá tlakweemaaín. Múk Yuda sleeme i aldukuuts dinkwa nee inooín.

HOSEA 7:10

Daara/ángw múk Israeli ku geehhoó'. Ala tam adoorihe inooín taa ki/iiká amór AAKOÓ MUNGÚ, Munguúín. Tam sleeme ngwa leelehhi'iiká baraá muruuwí sleémeero.

HABAKUKI 1:4

Gawaá adoorihe dabe kaa waaslaá', nee sakwasleemár ganaa' i káhh, asma múk tlákw múk hota ganaá' guna /amaatseék. Gawaá adoorihe tam sakwasleemár ganaa' barka tleéhh, kan isa geeqáy.»

FAARO 32:23

Ala barnaxés kuungá' adoosíng aga tlehhi'iiká, daqaní a AAKOÓ MUNGÚ un tlakweemáy tlehhitá', ala xuaak tlakweemaahúng kwisingá' kuungá' nu slayá'.