ISAYA 59:11 - Biblía Axweesantá Hhohho' ar Mungú 2004

¹¹ A /orotlaán adór makiito'oodá' ta bay duúbu an ininiaán umuú daqto adór hhooki. Atén sakwasleemár ganaa' an harahhifaán ala i káhh, Ba/ama ana haraxuaán ala direne ka ló'wa saaw.

ISAYA 59:11 Iomraidhean Croise

WARA'AMI 119:150

Mukdá' aníng i hara/untsiím, oo xaraásl naa tseewuyé', múk dabeerók ga baloó ohaaká.

WARA'AMI 119:155

Kuúng múk daba tlákw u ba/amiská, asma kaahirók ngi yaahamisiaaká.

WARA'AMI 38:8

Ana naasuút niri nor'omiít, ana /ifaafiím as slahh'amaaye.

WARA'AMI 55:2

Iiárií qaasáng nee mu/aywatsáng. Aga slahhaá' wa/aa/iro, adór ni laaq a xuaaká.

WARA'AMI 85:9

Ar ló', ba/amarós ka tseew dír mukdá' inós gu ilaiwawaá/, xirif i gawaá yaamuurén wa hooti.

ISAYA 38:14

«Aníng ana adór halee/amó wá inini'imamiít ana hununu'umamiít adór hhookír wá ale, ilaeé' niri maa/uumitiyé' as xumsír gawa, ana oó', ‹Aá AAKOÓ MUNGÚ, aníng a slahhaá' kuúng masók a slafingw'eé'.›

ISAYA 51:20

Daaqaywók aa /araarán, naa baraá afaá luhdií huhuaainé' adór saaragtá taa óh nee tsaaxweeli. Buhhtaá AAKOÓ MUNGÚ ngaa slayé', gahhaatár Munguúhúng.

ISAYA 59:14

Sakwasleemár ganaa' kaa bihhií qaás, hotaá ganaa'á' direne na saweesiyé', looeema kaa yaamaá hara'adáh baraá lohdaá urene, doó kwasleemaro gana'amu pa/aangw gu slayká.

ISAYA 59:8

Loohír wayda a xua'aaká, baraá lohduuhunge sakwasleemár ganaa' i káhh, Lohduuhúng a lohdaá naa qwaariye', heé lohduuhúng gira oh oo wayduú slasláw i kaahh.

ISAYA 59:9

Laatí an gár sakwasleemár ganaa' direne kas saáw, nee an gár hotaá ganaa'á' direne is kahhiya' atén gwa/aateema ina daamaán, ala naxés gaa a giwti kilós, gwa/aateema ina haraxuaán, ala hamí an baraá giwtír wa hi'imitaán.

YEREMIA 8:15

Atén gár taa harahhifaán a wayda kuwa slawaan, ala ar hhoo' taa slawaán i káhh. Qoomár tiwa hungu/uusi ana haraaxuaán kitaangose tina ló'wa dae tlaáq.

YEREMIA 9:1

Alók geeraawo sagw'eé' an adór ma'aay nee ilaaeé' tari adór kutltá hhirhheeri, as kahhó' niwa /aa/amiim tlaatla/aangw nee xweeraawo, as daanduú muk'eé' kudá' taa tsuú/.

WA/AA/I 3:17

Baraá muunaáeene wayda aa qwaár, adoodá' qwala/ i dirii'i aga gunqareés.

ESEKIELI 7:16

Múk aa kotsqoot bir deer, ta ta'aaín gawaá tlom'i, adór hhookár tinda baraá xatstá wa naáxw, umuú hee iri tsuunqumiis as tlakweemaawós.

HOSEA 7:14

Aníng i firirina'aaká ar muunuú ló', qoomár niwa gawaá qateenoín wa /a/amina'. Gár naa i burumburitiyé' a balaangw nee difaái, aníng iga aahhiyé'.

NAHUMU 2:7

Harér waawutmo ka tlaba' wasl karir tláy, nee sagadiyuuseerós ga satsuunqumís, in /ifír /aa/eewo adór hhookár wa ale, da/eewer'ín ngin pupuxumisiyá' ar gurhaami.

NAHUMU 2:8

Ala Ninewi iimír aange a adór ma'aá naa kotsqotiye', mukos hamí in tawo ti'ii'ín, afo i kat, «Sihhiité', sihhiité',» ala tam heé wák oo alií qaytsimiít i kaahh.