ISAYA 58:9 - Biblía Axweesantá Hhohho' ar Mungú 2004

⁹ Daqaní kuungá' anuú AAKOÓ MUNGÚ bira firiindé', aníng kuungá' nu mu/aywaats. Slám bira ateté', aníng an oo', ‹Aníng a diirí.› Barnaxes kuungá' baramaani aga meeré' baraá tla/angwhunge, nee muu bur looloqoomisa'aaká nee muruú tlákw axweesanto bura meeré'.

ISAYA 58:9 Iomraidhean Croise

IIMU/UUNGW 27:18

Yakobo iri dáh amór baabuúwós, guri ateét, «Baabá». Inós iri oó', «Aníng a diirí. Kuúng a heemá, garmaaeé'?»

YOBU 22:27

Inós kuri firiín, kuúng uri iiárií qaas. Kuúng al'axweesantók kari bú'.

WARA'AMI 118:5

Baraá slahh'amueene AAKOÓ MUNGÚ una i /aá/, inós iri iiárií qaás, iri amohhooári haniís.

WARA'AMI 12:2

Sleémeero axweesanay'ín a axweesanoó lama. Afer'ine a waaqoduuse nee baraá muner'ine a al/aymuuse.

WARA'AMI 145:18

AAKOÓ MUNGÚ ku tseéw dír kudaádá' sleémeero ngu ateetima'a, kudaádá' sleémeero ngu ateetimá' ar looeema.

WARA'AMI 20:6

Án daxta a xuú', AAKOÓ MUNGÚ waawutmoowós kudá' aa tsawaár gu arba/atír i haniis, ngun mu/aywaats gawaá dooriwós kudá' hhoohhoó' wa ale, gu arba/atírí haniis ar /uuruuwós kudá' úr.

WARA'AMI 37:4

Qwal/uuwók baraá AAKOÓ MUNGÚ tiwa sleer, daqaní inós tidá' kuúng ta sla' baraá muunaáwoge ngi haniis.

WARA'AMI 50:15

Án ateetáng deelór slahh'amaayeero. Án kuúng u ba/amís, aníng iri xirfayés.»

WARA'AMI 91:15

Aníng bira ateét, u iiárií qaás, aníng a dinkwa nee inós baraá slahh'amaayeero, un ba/amís ngway xirfayeés.

AXWEESANOÓ SAGALOOA 6:13

Muu gun kutlín ar ila', i axwees ar ya'a', muu gun kutlín ar ditsaawós.

ISAYA 1:15

Kuungá' bar dabaahúng iga gáwtí tlesé' as iwa fiririinda', aníng ilaaeé' in luú/, as munduwa ár, tam firór yaariir bar firirindá', a axaasaaká. Asma dabaahúng naa hatsiyé' tseerduuwo.

ISAYA 30:19

Kuungá' múk Siyoni, kudá' Yerusalemúr hootá' kuungá' a sangw baloó /aa/eé ki/a'aaká. Asma looeemawo Mungú kuungá' nu gurtláy as afór /aa/eehúng, qoomár /aa/eehúng birnga axaás, inós kuungá' nun mu/aywaats.

ISAYA 55:6

AAKOÓ MUNGÚ leelehhitaak qoomaarí iwa deér firirimaak qoomaarí kuwa tseéw.

ISAYA 57:4

Heé ta niqiinda' a heemá? Heé aferhúng kay duqé' a heemá? Kudá' tsifrerihunge tay kalalahaamisa'? Ahaá kuungá' kilá' a na/aá tlakuuseerokáhe? Nee xwaylár lamuuse.

ISAYA 58:6

Gwaawitór aníng ni slaa' a tí: Mukdaádá' taa tawo tsegiít kuwa gweda' him'eedá' muu kura tsegiít kawa gweda'. Mukdá' ta baramaanuusi amohhooa ngiwa slay, nee umuú taaqwanto kawa giqeera'.

ISAYA 59:1

Ga/aawaak, dákw AAKOÓ MUNGÚ ku ququmaareeká tam ba/amisaro nuri harslaqaát. Laqaá iaawós i giwiaaká tam iri axaasiiká.

ISAYA 59:13

AAKOÓ MUNGÚ, atén aga dee/aanutaán nee ugwa satlaankaán, Munguúrén eeharto ugwa mawaán. Gár ta axweemamisaan a baramaani nee aahhi. Baraá muneerene lameemo in aldakutaán nee in kaahaán.

ISAYA 65:24

Dír aníng ira firini'iiká in geerií mu/aywaáts, tam qoomár barta baraá axweesántií dirii' aníng in iiárií qaás.

WA/AA/I 3:57

Uwa ateét ina haratsewuúr iri beér, «Ma da'ayumitaar!»

ESEKIELI 13:8

«Gawaá adoorihe anuú Aakoó MUNGÚ a kah, ‹Axweesantahúng a al/ayma nee iigu'utuhúng a lamtá tawo. Gimsé', aníng nee kuungá' ti araán. Aníng Aakoó MUNGÚ tí aga oó'.

DANIELI 9:20

«Qoomár niwa firiím, niwa tlakweemaaeé' gwadidiim, nee tlakweemaá muk'eé' oo Israeli dinkwa nee AAKOÓ MUNGÚ, Munguúeé' nguwa i /aa/amiim as daanduú tloomár hhoohhoo' ar Munguúeé',

TLAHHOÓ LAÁWI 6:5

laqaá umuúqo gár lama ar aa lo'ór wa /ayi, inós umuú gaaro gan buu', muruú kooán gun aldaaf ar gár wák.

SEKARIA 10:2

Asma munguaá hatlá' gár i axweesiya' a muruú tawo, nee qwaslaarér isaá ar'aa'ar gár aa aán lama. Iigu'utuuser'ín tlataá lama ngin alki/itiyá', nee gurkwa/asár al/ayma. Gawaá adoorihe, muu in tawo tonganuus adór bee/aangw, inooín i slahhahhaiyá' asma iwa de'eemusmoó kon'aaká.

SEKARIA 13:9

Aníng daqtadár tám ngiri waarahhaás ar baraá asla, aníng in kwahhuút ngiri hhohhoeés adór peésa kar kwahhuumaamiti, aníng i iiár adór sahaábu kur iiara'ari. Umuueé' nguri ateetiyá', án ngiri axaás, aníng niri oo', ‹Mukwí an kwe'eé'› Inooín niri ooiya' ‹AAKOÓ MUNGÚ an Munguúrén.› Anuú AAKOÓ MUNGÚ tí ngina oó'.»