ISAYA 58:5 - Biblía Axweesantá Hhohho' ar Mungú 2004

⁵ Xáy, gwaawitór adoorí aqo tidá' aníng naa tsawaári? Tí hee tiwa tsatsaa'areesi, sagós nguwa yaamií xupu'umisi adór gitso, nee guniyadu ngiwa hhafi, iwa gawaá da/arár wá iwiiwiti. Xáy, kuungá' adoorí kawa xua' a gwaawitoóro? Nee an baalár AAKOÓ MUNGÚ nuwa ya/ána?

ISAYA 58:5 Iomraidhean Croise

2 WAAWITÁ 6:30

Waawutmo adoorí ngiwa axaás tidá' /ameenidá' i kat, tlabaawós giri feehhamiís as gurhaami, inós i gawaá ságw koo/ír wa hi'imiit, muu inós guri ár tlabaá guniyudu' ngiwa tsiít.

2 QOM'I 20:3

Yehoshafati iri ló' wa da'ayuút, AAKOÓ MUNGÚ guna ló'wa firín nguwa gan'aasi. Afo gari ilahariís dír muu sleémeero oo yaamaá Yuda as tawa gwaawin.

ESRA 10:6

Aluuwo Esra iri tláy dír geeraá Doó Mungú wa alé, iri dáh baraá kutuwír doó Yehohanani garmoó Eliashibu, iri amoodí qaát mikaáte gaa /ayiiká tam ma'aay gaa wahiiká as gurhaami, asma ina /aa/amín as dakuúsár mukdá' naa baraá looháy wa waatl.

ESRA 8:21

Aluuwo aníng gwaawito ngiri iigu'uús afaá yaaér Ahafa wa ale, as tiwa ninaweesaan dír geeraá Munguúrén, nee loohiidá' aa gana' kawa dirós wa slawaan, as atén kiloorén, nee as na/iirén, nee as daqaari'iimarén sleémeero.

ESTA 4:16

«Tláw, múk Yahudi sleémeero oo diirír Susarí dirií' burumbureek, ta gwaawiindá' as aníng. Ma /ayimaara' laqaá ma gaa wahaara' har afiqoomár deelo tame, xweera nee tlaatla/aango. Aníng nee sagadiyuuser'eé' a gwaawimaán sleeme, daqaní niri dáh amór waawutmo adoodá' dabe i sla'aká, ar naa hamat bar gwa'ara ni gwaá'.»

ESTA 4:3

Slám umuúqo diiro baraá ayko hara'ayár waawutmo iwa hardát, slahh'amuú úr xoorór Yahudi guri sleér, tari gwaawín tari /aa/amín nee tari tsuunqumiís, tam múk yaariír guniyadu giri tsitiít nee tari qaqatín baraá da/ara.

YOBU 2:8

Yobu parhhamtá qambeesmo gari taataáhh, iri iwiít baraá da/ara, tiri hhusliít ar parhhamtadá'.

WARA'AMI 69:13

AAKOÓ MUNGÚ, aníng un fiririím, Mungú, qoomaadá' u sla'atimisa, án mu/aywatsáng ar sla'aarirók tidá' warqawaaká, ar inkihhimuwoge aníng tu/áng.

ISAYA 49:8

AAKOÓ MUNGÚ i kaahi, «Qoomaadá' hariima án kuúng una mu/aywaáts, baalaadár ba/amaro án kuúng una alee/iís. Aníng kuúng una amohhe'eés, uri haniís tawa alqado dír muko, nee yaamu kiwa kumiitis, nee yaamuudá' aáng naa deewaiye' kiwa aaluuseérí hanis.»

ISAYA 58:3

Ahaá waáy atén gár tas gwaawimaan baré ti ga/eeraaká? Gár atén tis ninawesaan, bare' tiqo gaárií xu'uká? Ga/aawaak, deelór gwaawitorhunge, kuungá' sla'aarirhúng kilós an leelehhitá', nee sagadiyuuserhúng an baramaanusá'.

ISAYA 61:2

Nee kurkú gurtleemuú AAKOÓ MUNGÚ nguwa oo', nee deelór li/aay bua oo Munguúrén, nee kudá' tsuunqumisá' sleémeero ngiwa gurkwa/as.

TLAHHOÓ LAÁWI 16:29

«Gaarí an dabér ta eehada' ay alhhe'eesay wasle. Bál slahhángw faanqw bar mibaangw kuungaá kilá' nee hoomár ayaahúng hoota, a gár hariim tawa gwaawiinda', nee gadiyeé kawa meera' tleehharo.

TLAHHOÓ LAÁWI 16:31

Baalaarí an Sabaátór hungu/umaá bu'uutá' awa kuungá' tawa gwaawiinda'. Dakwí an dákw hotaatiím ay alhhe'eesay wasle.

SEKARIA 7:5

«Muu sleémeero nee kaahamuusér Munguhe ki beer, ‹Qoomár tawa gwaawiindé' nee tawa tsuunqumiisé' umuúqo slahhángw kooán nee oo faanqwe, baraá kureeriká mibeeri faanqw awa naa waarahhii'i, xáy aníng ina sa gwaawiindí'i?

Matayo 6:16

«Slám bar kuungá' aga gwaawindé', gitsee/erhúng ma quy'uumisaara', adór múk hhaahhafuusér wa ale. Asma inooín adoorí kan tlehhiit as muu ngiwa ari adór tara gwaawín. Án a kah, inooín bu'utuuín kwaa qaro hhe'eés sleemuuwo.

Luka 4:19

nee kurkú gurtleemuú Aako nguwa oo'.»

Rumi 12:2

Kuungá' baraá slafingwhunge ma hootara' ar adoodá' múk baraaká' yaamu ir hooti. Ala masók kuungá' tundun warqees baraá inslawayhunge, ar inslawayhúng kuwa /abeemiisi, as Mungú gár i slai kawa tsahha'. Asma gár i slai a tidá' hhoo', tidá' inós gu qwal/atimis, nee tidá' qoom.

1 Petro 2:5

Kuungá' kilá' sleeme masók a adór tlaa/aá slafá', tundu tleehhi tawa doó qeeru tleehhita'. Kuungá' masók a kaahamuusér Mungú ar hhohho', nee ilahhooár qeeru ar muruú ta tsu/i kawa huba', tidá' ta ya/an nee Mungú ar loohír Yesu Kristo.