ISAYA 58:4 - Biblía Axweesantá Hhohho' ar Mungú 2004

⁴ Gaa/awaak, kuungá' gár tas gwaawiwindá' a tí kilós tawa giliinda', nee tawa slaqwa' nee tiwa tuu'uta' ar kuundi'i. Gwaawitór adoorí laarí tar gwaawiwinda', firorhúng ngi hardahaská dir'eé' tidár gawa.

ISAYA 58:4 Iomraidhean Croise

AXWEESANOÓ SAGALOOA 21:27

Ilahhooár muruú ta tsu/i ar heé tlakusmo ka waak, Heé inslaway tlákw ilahhooarós kan ak slaiiká.

ISAYA 1:15

Kuungá' bar dabaahúng iga gáwtí tlesé' as iwa fiririinda', aníng ilaaeé' in luú/, as munduwa ár, tam firór yaariir bar firirindá', a axaasaaká. Asma dabaahúng naa hatsiyé' tseerduuwo.

ISAYA 3:14

AAKOÓ MUNGÚ i dah baraá sakwasleema, dinkwa nee bariise nee geeraharuusér mukós, «Kuungá' an kudá' qaymór sabiíbu aga /age', daqaari'iimár taa dír narkuutér wa hayohindé', aga batsé' baraá marayhúng.

ISAYA 3:15

Gár muk'eé' kus baramaanusa' a milá? Nee gár narkuute kas slahh'eemisa'? Anuú Aakoó MUNGÚ Aleesleemusmo, nu yaahamiís.»

ISAYA 59:2

Ala tlakweemaahúng kuungá' nuna dír Munguúhúng wa paraatliyé' nee dakumisuuhúng gitsee/aawós ngaa lu/iyé', as kiwa aanda'aaká. Gawaá adoorihe inós firorhúng ga axasiiká.

ISAYA 59:6

Neeworhúng tlabár tleehharo i hariindaaká, tlabaadá' ta tlehhita', muu gi tsiitiiká. Gadiyérhúng a gadiyér tlakw. Gadiyér dabaahúng a gadiyér xaraasl.

Yoeli 2:12

AAKOÓ MUNGÚ i kaahi, «Ala tam hamí, amor'eé' ki/aare' ar munerhúng sleémeero, nee ar gwaawito nee ar /aa/e, nee ar tsuunqumis.

YONA 3:7

Inós afo gari ilahaniís, kaangwí kuwa alki/iiti gixsár Ninewiro tawa kaahi, «Hara'ayár waawutmo nee mukdá' urén baraá waawuti'iimarose, a tí: Hee gaa mingiwa tsaáq, tam makiito'o, laqaá tam daqooroó hikwa, laqaá tam daqooroó bee/aangw. Mindiwa /ayiné', laqaá ma'aay mingiwa wahiyé'.

Matayo 23:13

«Ala kuungaá intsaahhatuusér hara'ayár Mose nee múk Farisayo awa hhaahafuuse, a tsaxwaahúng. Asma kuungá' afkú doó waawuti'iimár Mungú una tsegé' as muu miwa dáh. Gím kuungá' kilá' a ak data'aaká, slám mukdá' daráh u ak geemeera'aaká iwa dahi. [

Luka 20:47

Slám malé alé muruú kwaeeli kun /aa/aay, nee firór yaariir kan firaarín ar hhaahhafiingw. Kuká' sakwasleemár ur ngi slayá'.»

Yohana 18:28

Yesu kurir tláy dír doó Kayafá wa ale, ay boómár ur. Nee qoomaadá' a matlaatlér boo/. Ala múk Yahudi aa dahiiká baraá boómár úr i alé, as tawa meetin, mikiwa ilaá/ muruú /aymár Pasaáka /aymaaro.