ISAYA 58:14 - Biblía Axweesantá Hhohho' ar Mungú 2004

¹⁴ Daqaní kuungá' qwal/amaaye a dír AAKOÓ MUNGÚ wá sleerá', aníng kuungá' nuna aleesleemií haniís oo umuú gaaro kawa arba/a' gawaakaá daanduú yaamuwo. Daqaari'iimár Yakobo baabuúhúng kari /agá'.» Adoorí afkú AAKOÓ MUNGÚ gaa oó'.

ISAYA 58:14 Iomraidhean Croise

YOBU 22:26

daqaní kuúng tari qwalaalá/ as Mungú Aleesleemusmo kuri i qaytsít ar harahhifo.

YOBU 27:10

Inós inqo dír geeraá Munguú Aleesleemusmoó wá qwalaalá/i? Inós inqo Munguú ateetína daqisleém?

YOBU 34:9

Asma in kilós kaahi, ‹Gár ta sleer i káhh gán, an tawo daawimít Mungú kuwa sla'atimis.›

WARA'AMI 135:12

Yaamuuín gina haniís as kiwa aali, aalír mukós Israeli.

WARA'AMI 136:21

Yaamuuín gay hayóh tawa aalír mukós, Asma sla'aarirós i warqeeraaká ay alhhe'eesay wasle!

WARA'AMI 36:8

In aaxís ar du/ú do'ók, hhooeemaawók i wa/aminá' adór ma'aá yaae, mukók gin wahán.

WARA'AMI 37:11

Ala kudá' tsatsa'aren yaamu ngin aaliyá'. Nin qwalaala/iyá' baraá diihhooár faakaaká wa ale.

WARA'AMI 37:4

Qwal/uuwók baraá AAKOÓ MUNGÚ tiwa sleer, daqaní inós tidá' kuúng ta sla' baraá muunaáwoge ngi haniis.

ISAYA 33:16

Heé adoorí hotaawós i gawaá gawa, dirós tidá' amohhoo' kaa harweér ar koo/ír gawit ar tla/u, muruú /aymaarós kun hanmiis umuú daqto, nee ma'aá wahaangw gi baloó dakuusiiká.

ISAYA 34:16

Kitaábuú AAKOÓ MUNGÚ soomuusaak, tam makiito'ór wák ar taa dakuús i káhh, umuúqo makiito'ooro i deer nee hho'oorós. Asma AAKOÓ MUNGÚ tí afkose gaa hara'ayín nee qeeruuwós makayká' sleémeero gina burumbuúr.

ISAYA 40:5

Daqaní xirfuú AAKOÓ MUNGÚ iri geehhooúy, muu sleémeero guri ar.» Asma adoorí AAKOÓ MUNGÚ gaa oó'.

ISAYA 61:10

Aníng an ló'wa qwalalaá/ baraá AAKOÓ MUNGÚ wá ale. Muunaáeé' i baraa/ as Munguúeé', asma inós aníng iga uuntsuús ar tlabaá ba/ama, iga hotaá ganaa'ár tsiitiís adór hiyaay. Adoodá' garmoó duxuxuúm tir parootumamisi ar slamángw /ayo, nee adór dasír ta duxuuti tir parootumaamis, ar kwaslaá tlaxo gawden.

YEREMIA 3:19

Aníng ngiwa xuu' geeraawo, kuúng un adór na/ay'eé' tleéhh, yaamaá sla'atimiisá' ngiri kuúngií haniís, aalír ló'wa hhoohhoo' baraá xoorduuwo, ngiwa xuu' geeraawo kuúng in baabuúwógár atét, nee kuúng in baloó meeraaká eeharto.

ESEKIELI 36:2

Anuú Aakoó MUNGÚ a kah, ‹Wakuuserhúng naa niqís nee inooín ta kaahi, kuungá' aga aalir'ín tleehhité'.›

MIKA 4:4

Ala umuúqo heewo iri iwiwiit baraá mahhtuú xa'anoó sabiíbuuwós wa ale, nee mahhtuú /aantsírós. Nee tam heé gi baloó dae tsaát i kaahh, asma AAKOÓ MUNGÚ Aleesleemusmo kaangwí ngwaa oó'.

Matayo 24:35

Doori nee yaamu i waaraahhiyá', ala axweesante'eé' i baloó waarahhká.»

DABE 32:13

Inós gina gawaá gongoamár uhís, inooín balángw qamu nguri /ayé'. Inós gina danuú baraá mar'ór tsaqás, nee di/tá baraá tlaa/ár gawit kari /aáy.

DABE 33:29

Kuungaá Israeli a múk amohhoó', múk adór kuungá' a gaalá? Múk taa ba/amís nee AAKOÓ MUNGÚ. Inós an gaambórhúng ar alee/isaay, nee paángarhúng ar baali. Wakuuserhúng ni dirhúng i hardát ar ilaiwa/ame, kuungá' kiri yaamuií naka/aruurá'.»

Filipi 4:4

Qwalaala/é' daqisleém baraá Aakoó wa ale, slám nun malé baw, qwalaala/é'.

1 Petro 1:8

Kuungá' inós u sla'á' tam ugwa aandi'iikahe. Slám inós u haratlintaatiá' tam hamí u ara'aanda'aakahe. Kuungá' u sageeqwalaala/á' ar qwal/uú xirfuú koóm, kudá' alki/ituuwo ta aleesleera'aaká,