ISAYA 58:13 - Biblía Axweesantá Hhohho' ar Mungú 2004

¹³ «Barnaxes bál deelór Sabaátooro gadiyeé aga meeré', aga gadiyuská deelor'eé' tidá' hhoohhooe, tari deelór qwal/amaaye nee deeloodá' hhoohhoo' ar AAKOÓ MUNGÚ kari ilaiwaawá/. Barnaxes deeloodá' aga ilaiwa/é', ala tidá' ta sla' aga tlehhká, laqaá tidá' baraá muunaáwóge ta sla' aga tlehhká, laqaá muruú tawo ugwa axweská.

ISAYA 58:13 Iomraidhean Croise

WARA'AMI 122:1

Ana qwalaá/ tiwa báy, «Góh amór DOÓ AAKOÓ MUNGÚ.»

WARA'AMI 27:4

AAKOÓ MUNGÚ ugwa firiím gár wake, hamí a tí ni leelehhiit. Masók a hoót Doó AAKOÓ MUNGÚ wa ale deelo sleémeero baraá hotaarir'eene, hhohhoartá AAKOÓ MUNGÚ ngiwa ga/aw, nee sla'aarirós ngiwa yaahamiis baraá Do'ós wá aleeró.

WARA'AMI 42:4

Qoomár bar muruú aáng ugwa insláw, muunaáeé' in gurhaamuut. Asma qoomaadae tina alkoomakoomaán nee boo/oó úr, ngiri geerahaár tawa hardahaan amór Doó Mungú, boo/oó úr oo muu oo hi'imiít ar afór bara/ nee daa'ángw ilahhooa.

WARA'AMI 84:10

Looár wák dír do'oge ka afhhamít, ta hotaá deelór kumér yaariire awa dír hatlá'. A tsiní bar aga sihhimiít dír afkú Doó Mungú wa ale, ta niwa hoota baraá maraá múk tlákw wa ale.

WARA'AMI 84:2

Aníng do'ók u ló'wa slaá', AAKOÓ MUNGÚ. Muunaáeé' nee slaqwte'eé' kuúng u saqwalaala/iyá'.

TI'INAANGW 35:2

Deelo lahhooe gadiyérhúng tleehhaak, ala bál faanqw a deelór hhoohhoo' ar Sabaáto ar AAKOÓ MUNGÚ ar kuungá' tawa hungu/usa'. Umuúqo heewo oo gadiyeé gaa tleehh baalaarihe aqo kun gaas.

TI'INAANGW 35:3

Asla a oohisa'aaká baraá marayhunge deelór Sabaátoro.»

ISAYA 55:8

AAKOÓ MUNGÚ i kaahi, «Inslaway'eé' nee koohúng ti slayká, tam lohduuhúng nee lohduueé' ti slay'aaká.»

ISAYA 59:13

AAKOÓ MUNGÚ, atén aga dee/aanutaán nee ugwa satlaankaán, Munguúrén eeharto ugwa mawaán. Gár ta axweemamisaan a baramaani nee aahhi. Baraá muneerene lameemo in aldakutaán nee in kaahaán.

ESEKIELI 44:24

Barnaxes gila i dayá', inooín kin har'oh ar adór daber'eé'. Inooín hara'ayar'eé' nee kaahir'eene ngi amohhe'eesiyá' ar deeloodá' urén sleémeero ngiwa harmagaahhiyá' nee Sabaátor'eé' kawa hhoohhoeesi.

TLAHHOÓ LAÁWI 19:3

Umuú heewo gár kuwa hariím a baabuúwós nee aayoorose gin ilaiwawaa/, nee deelór Sabaátor'eé' gan amohhe'eemiis. Aníng a AAKOÓ MUNGÚ, Munguúhúng.

Geehhoeemaá 1:10

Bál Deelór Aakoowo Qeeru aníng ina i hardáh, afór ur ngiri axaás ar axwees aluueé' wa ale. Afoorí a adór afór tarumbeéta.