ISAYA 58:12 - Biblía Axweesantá Hhohho' ar Mungú 2004

¹² Taanguhúng kudaá aáng ki male /abees, kuungá' tari tleehhitá' gawaá iihhafiirír aáng, kuungá' tunduri bay, ‹Múk koo/i gaa /abees tleehharo, múk lohaá yaamaá ta hooti gaa /abees tleehharo.› »

ISAYA 58:12 Iomraidhean Croise

NEHEMIA 2:17

Naagáy ngiri báw, «Hamí slahh'amurén u ga/eerá'aáke adór Yerusalemu kara sluhhúy, nee afeerós kara qororo'oós ar asla. Gimsé', qwalaas koo/ír Yerusalemu a malé tleehhaán as mitiwa malé mureekeés.»

NEHEMIA 2:5

Waawutmo nguri báw, «Waawutámo, bara aán i qoón nee anuú sagadiyusmoowók bira gurií bá/, na'ás huwáng ay yaamaá Yuda ay dír gixsadá' /aantaá baabi'iieé' i dirii'iya', as kahhó' ngiwa malé tleehh.»

NEHEMIA 6:1

Sanbalati nee Tobia nee Geshemu, heé Ma/arabu nee wakuuseerén tidár hatlá' kawa axaás adór koo/i ngira tleéhh nee dír foox i káhh baraawose (tam qoomaadae afér do' aga sihhtisiikahe).

YOBU 3:14

dinkwa nee waawitá nee gurbu'uusér muu, kudá' taangu ngaa inki/isiye' tlehhtuuwo.

ISAYA 30:13

gawaá adoorihe, tlakweemasingá' kuungá' nu qwaareesiyá', adór koo/ír gáwtí tleér ar aa tsatit, adór koo/ír aa tsatit iri yaamií hú' hamtidár kilae.

ISAYA 44:28

Aníng an kudá' Koreshi gu babáw, «Kuúng an de'eemusmoó muk'eé', kuúng tidá' aníng ni qomeemees an boo/és. Aníng an kudá' gixsár Yerusalemu ga babáw, ‹Kiíng Yerusalemu, ti male /abees tlehhmuwo.› Nee daanduú Doó Munguhe an kah, ‹Iihhafiirír Doó Mungú ka malé iihhaaf.› »

ISAYA 49:8

AAKOÓ MUNGÚ i kaahi, «Qoomaadá' hariima án kuúng una mu/aywaáts, baalaadár ba/amaro án kuúng una alee/iís. Aníng kuúng una amohhe'eés, uri haniís tawa alqado dír muko, nee yaamu kiwa kumiitis, nee yaamuudá' aáng naa deewaiye' kiwa aaluuseérí hanis.»

ISAYA 51:3

Asma AAKOÓ MUNGÚ Siyoni ga gurkwa/as, wa/angwdá' sleémeero a hhiturumiit un amohhe'eés. Darmuuwós un adór Edeni tleéhh, xaanxaywós un adór asalmoó AAKOÓ MUNGÚ tleéhh, qwala/ nee bara/uuwo niri deerutiyá' baraawose sluufaay nee afór daa'aangw kari baraawósí axaas.

ISAYA 52:9

Taangwaá yaamaá Yerusalemu daaé', asma AAKOÓ MUNGÚ mukós gwaa gurkwa/ás inós Yerusalemu gaa gweér.

ISAYA 61:4

Taangwaá aáng ki malé tleehh, gixsaduuín kudaá aáng ki male sihhtis, gixsadudá' aáng taa hhitín ki /abees, kudaá baraá qari sleémeerowo aa waarahhi, naa hhituruutiye'.

YEREMIA 31:38

AAKOÓ MUNGÚ i kaahi, «Deelo i hardát ar gixsár Yerusalemu kawa malé /abeesi tleehharo as AAKOÓ MUNGÚ, iimír /Aampár Hananeli ay dír Afkuduú dír Koo/i niwa warqeér.

ESEKIELI 13:5

Inooín wa/aameedá' aa fee/it baraá koo/iro nga xun'iiká, laqaá koo/ír /aben ngi tlehhitiaaká as múk Israeli nguwa /is qoomár slaqwaraaro, baalaadá' anuú AAKOÓ MUNGÚ naa qoomeesi.

ESEKIELI 36:33

«Anuú Aakoó MUNGÚ a kah, Baldá' aníng tlakweemaahúng kudá' sleémeero bira hheehhe'eés, gixsaduhúng ngiri ya/aám kiwa male hota', nee sluhhayhúng kuri male /abees tleehharo.

ESEKIELI 36:4

Gawaá adoorihe, kuungaá tlom'aá múk Israeli, axweesante'eé' iiárií qaasaak, anuú Aakoó MUNGÚ. Kuungá' tlóm'i nee gongoáma' nee kutloó ma'aay, nee tlapu, nee xatso, nee gixsadudaá sluhhaay, kuungádá' taa haasaáng wa huúw, nee tunda waaqaá' nee xoordudá' sleémeero naa harweeriye'.›

DANIELI 9:25

Gawaá adoorihe gaarí tsaahheek: Iimír qoomár hara'aya kawa oó' ar gixsár Yerusalemu kawa malé /abeesi tleehhamooro, ay qoomár heedaádá' úr taa iimbalaáx niwa hardihi, a har afiqoomár wiíkoó faanqw. Har afiqoomár wiikadaá mibeeri lahhoó' nee tsár gixsár Yerusalemu ka malé /abees tleehharo, nee loohduuwós kudá' uren nee boh'e ala qoomaarí a qoomár slahh'amu.

AMOS 9:11

«Baalaarihe aníng doó Daudi kudá' aa huu' u tleéhh, nee koo/idá' aa hhitirut an tleéhh, aníng sluhhaywós kudá' aa huhu'un u sihhtís, gixsadá' an malé tleéhh ngay adoodár aángií ki/ís.

AMOS 9:14

Aníng muk'eé' kudá' aáng taa loohatís ngun ki/ís baraá yaamuuín, inooín gixsaduín kudá' taa geexáy ngin tleehhiyá' ngiri hootiyá', sabiíbu ngu dahaasiyá' baraá qamuuín, nee difaáir'ín ngiri wahaná'. Inooín qamu ngin dahaasiyá' ngiri balángw wa /ayiyá'.

MIKA 7:11

Kuungá' múk Yerusalemu, qooma ni hardát ar koo/ír Yerusalemu kawa tleehhi. Baalaadae digeemiiwók kin ló'wa sawees.