ISAYA 58:10 - Biblía Axweesantá Hhohho' ar Mungú 2004

¹⁰ Kuungá' barnaxes múk qwariít ugwa /aymisé', nee litlakuuse aga aaxisé', daqaní gwa/aateemahúng in baraá giwtír wa gwa/aatiyá'. Giwtirhúng tari adór tlatla/aangw.

ISAYA 58:10 Iomraidhean Croise

YOBU 11:17

Hotaawók niri mi/mii/iyá' tsee/amuú /ametleemu ba/a, qoomár giwti baraá hotaawoge tari adór qoomár tsiraahhór looa.

YOBU 31:31

Sagadiyuusér dooeé' taa qoo kilooín yaahamiskáhe tawa kaahi, ‹Heé guruuwós gwaa dalaa/iiká fu'unaywo a heemá?›

WARA'AMI 112:4

Heé hhoó' gwa/aateema ngun i gwa/aatiyá' baraá giwtírí alé, inós i gurtleemuú kón nee gurhhooa nee gan'amu.

WARA'AMI 37:6

Inós ngi geehhoees adór kuúng tar gana', gan'amuuwók iri geehhooúy adór tsee/amuú qoomár /ametleemu.

WARA'AMI 41:1

Heé amohhoó' a kudá' narkuute ga gaár i xuú', inós ku alee/iis nee AAKOÓ MUNGÚ baalár slahh'amuuwo.

AXWEESANOÓ SAGALOOA 14:31

Heé narkutmoó baramaanuús a Tleehharusmoowós gun /oosliislín, Ala heé gwaa sa hhooay a tleehharusmoowós gun ilamurumiit.

AXWEESANOÓ SAGALOOA 28:27

Hee i narkuutiiká as iwa narkuutér /iimisi Ala heé narkutmo gu i qaytaaká lo'ór yaariir gu eér.

ISAYA 29:18

Baalaadae múk ia' waslén axweesantá baraá kitaábu barka soomuús ga axaas, nee ilaá taampu niri qaytsitiyá'.

ISAYA 42:16

Aníng múk taampu un geerahaár ar loohír i baloó xuiaaká. Inooín in geerahaár baraá loohír ni xuiaaká, Giwtír geeraaín an warqeés tawa gwa/aateema, yaamaá wa/eeraá koomá' in tlapu tleéhh. Adoorí an adór ni tleehh. Nee án inooín i geexawaaká.

ISAYA 60:2

Asma ga/aawaak daanduú yaamu ku tuuntuuk nee giwti. Ma/amír hhamhhám muu gu tuuntúk. Ala kiíng gwa/aateemaá AAKOÓ MUNGÚ i i gwa/aatiyá', xirfuuwós ku ar diroge.

ESEKIELI 18:16

hee gu /aytinká, iinár hee ga konká, daqaari'iimár heé hatlá' ga hayoohinká, ala múk qwariít gu /aymiis, nee múk tlabaá koomaaká gu tsiitmiis,

SEKARIA 14:7

Baalaadae tlaatla/aangw in kumamiit, AAKOÓ MUNGÚ kilós tí ga xuu'. Tlaatla/aangw i kaahh, tam qoomár tsiindoowo sleeme gwa/aateema in kumamitiyá'.

SEKARIA 6:15

«Múk sawén ni hardah as niwa alee/isoó tlehhmuú Doó Mungú ay.» Kuungá' kari tsahhá' adór AAKOÓ MUNGÚ Aleesleemusmo ira amorhúng i ya/aáw. Muruuwí i tleehharuut bar kuungá' aga ilakaaharesé' afór AAKOÓ MUNGÚ, Munguúhúng kawa iialooeemisa'.

Luka 18:22

Qoomár Yesu tí ngiwa axaás, guri báy, «Tam hamí gár wák uga wa /aaruúr. Muruudá' ta koon sleémeero weeriseek, nee peésaadá' ta sleer ka narkuutér i qasmís. Daqaari'iimarók a gawaá doorí eér. Daqaní ni hardát, aníng i eehát.»

DABE 15:4

«AAKOÓ MUNGÚ, Munguúhúng kuungá' nu ló'wa tsuuq baraá yaamuudá' ni kuungá' i haniisi as kiwa ala'. Slám baraá tla/angwhunge heé narkuút i kaahh tumu wák,