ISAYA 57:5 - Biblía Axweesantá Hhohho' ar Mungú 2004

⁵ Kuungaásingá' ilatleeri na al'ot baraá xaa'aá ti'itú wa ale, dír qo umuú qamuú xa'anoó loo/o naa/e. Kuungaásá na/iihúng tsu/á' baraá xatsoó wa ale, ngiri ilahhooár wa hanmisá' baraá mar'ór tla/ú wa ale.

ISAYA 57:5 Iomraidhean Croise

1 WAAWITÁ 14:23

Inooín sleeme kiteeraá ilahhooa kawa hanmiis kina tleéhh gawaá gongoama', nee uheemiwo, nee slaqsa'aá munguaá ta bay Ashera ngina tleehhiyé' gawaá gongoama' nee baraá gam'ér umuúqo xa'anoó loo/o naa/a.

2 WAAWITÁ 17:10

Gawaá umuú gongoamoowo nee dír kiintuú loo/ór naá/ koóm, uheemaá tlaa/e nee murslaaqatuú munguúduú /ameeni ta bay Ashera nguna tleehhiyé'.

2 WAAWITÁ 17:7

Adoorí ina tleehharút asma múk Israeli ina dee/anuút dír geeraá AAKOÓ MUNGÚ, Munguúine, kudá' gaa tuu/ baraá dabaá Faraowo, waawutmoó Misri, nee sleeme munguaá hatlá' ngina sagadiyusiyé' kitángw Munguú ló' wa ale,

2 WAAWITÁ 23:10

Waawutmo Yosia Tofeti gari meeta gaás, tidár baraá xatstá daaqoó Hinomu, as hee garmaawós laqaá dasiirós mingiwa baraá xátstí daá/ tawa ilahhooár munguú ta bay Moloki.

2 QOM'I 28:3

Mooyaangw guna da/aa/án baraá xatsta garmoó Hinomu wa ale, sleeme na/iiwós giri ilahhooár da/tá wa haniís dír munguú ta bay Ba'ali, ar adór muruudá' ta waki nee kur tlehhahhiti xoorduudá' Mungú aa guús geeraá xoorór Israeli wa aleeró.

TI'INAANGW 32:6

Matlaatlér boo/e tari tseewa ti'iít, ilahhooár da/a/aangw ngiri hanisiyé' nee ilahhooár wayda ar muruú ta tsu/i ngiri hanisiyé', muu iri iwiít tawa /ayin nee tawa wahan, tari sihhiít as tawa neeti.

ISAYA 1:29

Asma kuungá' tundu mureekees kuwa sluumisá', as ti'ituudá' taa ilaatleerusé' kuwa sluufmisa', tunduri amoqwaarees as asalmoodá' taa tsawdé' kuwa sluufmisa'.

YEREMIA 17:2

Qoomár muk'ín bar kiteeri'ín kudaá ilahhooa gi inslasláy, nee munguúín kuduú /ameeni ta bay Ashera, kudá' taa qaás dír umuúqo xa'anoó naa/a, nee gawaá gongoama',

YEREMIA 2:20

Iimír aáng kuúng taqwantók aga geeqeér nee piíngu kuri kwáhh amór saaw, tari ó', «Aníng kuúng u sagadiyuusaaká.» Gawaá tlom'aá tlede nee umuú gamuú xa'anoó loo/o naa/e munguaá hatlá' ina ii xupaapú' adór tsaatuso'o.

YEREMIA 3:13

Kuungá' tlakweésarhúng kilós na hhu'uu'umaak, tidá' anuú AAKOÓ MUNGÚ, Munguúhúng, iwa ahhé', nee munguaá hatlá' kiwa slaé' sluufmisuuwo dír umuúqo gamuú xa'anoó loo/o naa/e, nee afor'eé' kari iialooesi'iiká. Anuú AAKOÓ MUNGÚ tí ngina oó'.

YEREMIA 3:6

Qoomár waawuti'iimár waawutmo Yosia AAKOÓ MUNGÚ aníng ina báy, «Xáy aga aándi adoodá' múk Israeli kudá' inkihhimu wásl aa tleéhh? Ina geexayé' niri tsa/ané' gawaá umuúqo ságw tloomaro nee umuúqo dír gamuú xa'anoó loo/o naa/e as tsaatu'uuma ngiwa tleehhiya'.

YEREMIA 32:35

Kitángw ilahhooa oo munguú ta bay Ba'ali nguna tleehhiyé' baraá xatstá garmoó Hinomu, as ilahhooár na/aá dasu nee awa daaqaay kawa hanmiisi dír munguúdá' ta bay Moleki, tam inooín aníng iga ádbawiikahe, nee gaarí aga inslawiiká. Inooín muruuwí ta waki nguna tleehhiyé', tam múk Yuda nguri dahaasiyé' baraá tlakweema.»

YEREMIA 50:38

Ma'ay'ín ni kahiye', as kahhó' niwa kahiya', asma Babuloni a yaamaá murslaaqatuú mungui. Muu a slarhhamumuút daanduú slaqsa'aá munguaá hatláe.

YEREMIA 51:7

Aáng Babuloni dír AAKOÓ MUNGUHE a adór xooslmoó sahaábu, kudá' aa yaamu sleémeerór wahaás, xoordu sleémeero gina difaáirós ar wahaás gawaá adoorihe xoordu niri slarhhamuumutiyé'.

YEREMIA 7:31

Kitángw ilahhooa ki hanmiisi nguri tleehhiyé' didár gawa ta bay Tofeti, baraá xatstá garmoó Hinomu, as na/ii'ín awa daaqaay nee awa dasu kiwa da/aa/an ilahhooár wa ale. Gaarí aníng aga baloó dir'ín i hara'ayimiiká, sleeme aga inslawiiká.

ESEKIELI 16:20

«Slám daaqaywók nee dasuwók kudá' naa aníng i laqwál ina hanís tawa ilahhooár muruú ta tsu/i dír slaqsi'iiwók kudá'. Xáy ka xu', sli'imaarók tí aqo gár waaqa'atíta?

ESEKIELI 20:26

Aníng ina máw as na/ii'ín awa baris ngiwa hanmiisiya' ilahhooár wa ale, dír slaqsi'iidaá munguaá hatlá'. Gaarí an slahhtaín ar dae tlaaq, as aníng iwa tsaahhiya' adór tar AAKOÓ MUNGÚ.

ESEKIELI 20:28

Asma qoomár ngiwa huúw baraá yaamuudá' naa inooín i alqadiím ngiwa haniis, umuúqo tloomár tleere ngiwa ariyé', laqaá xa'anoó loo/ór naa/ koóm, inooín nguna ilahhooárií gaasiyé' as aníng iwa hayloórí leehhiya', amooqaáqae ta ilahhooár mooyángw tsuú' hanmiis nee ar tsipipi'iimisuuwo.

ESEKIELI 20:31

Barnaxes kuungá' aga kumité' ilahhooa hanmisuwo, nee na/iihúng kiwa da/a/aanda' ar asla, tin meetagaamisá' tam ay laarí. Xáy, kuungá' aníng iqo gurbu'útí lehhá'a, kuungaákaá múk Israeli? Ala anuú Aakoó MUNGÚ adoodá' nir hotaatima, lo'o aga /aáy, aníng a ya/aamaaká iwa gurbu'útí lehha'.

ESEKIELI 6:13

Qoomár tu'uuín birka hhaáf didá' mungui ngi firór aa'aya' gawaá tlom'iiwo, gawaá umuúqo gongoamoowo, nee dír gamuú xa'anoó loo/o naa/e oo ti'ita, didá' ilahhooár mooyángw tsuú' ngiwa hanmamisiya', daqaní inooín aníng iri tsaahhiyá' adór tar AAKOÓ MUNGÚ.

TLAHHOÓ LAÁWI 18:21

Na/aywók ló' mu baloó ilahhooár wa hanisaar dír munguú ta bay Moloki, asma adoosinge umuú Munguúwók u /oosliín. Aníng a AAKOÓ MUNGÚ.

FAARO 25:6

Qoomaarír kilae heeko wák oo Israeli /ameenír wák ar múk Midiani ngina huúw dír do'ós. Qoomaarihe Mose nee boo/oó múk Israeli ta dír afkú heémár Mungú i dirii' ta tsuunqumiis.

DABE 12:2

Kuungá' wa/ameedá' muu munguaá hatlá' ngiwa sluufmiisi hhaamiisaak, gawaá tlom'aá tlede, nee gawaá gongoamawo, nee dír umuúqo gamuú xa'anoó loo/o naa/e.

Geehhoeemaá 18:3

Asma múk xoordu sleémeero gwa oonitimís ar tsaatu'uumarós tidá' xaraasl adór difaáír aa hamat. Nee waawituú baraá yaamu aa fuquús nee inós. Nee múk halaanu'uumár tlehhiít baraá yaamuwo, aa daqaari'iít ar daqaari'iimarós tidá' ur ar har qoomay wasl.»