ISAYA 57:2 - Biblía Axweesantá Hhohho' ar Mungú 2004

² as kahhó' iwa dahi baraá wayda.» Mukdá' hoót ar adór ganaa', nin huungu/uusiyá' gawaá qatenooín.

ISAYA 57:2 Iomraidhean Croise

IIMU/UUNGW 17:1

Abramu qoomár kureeriiwós tawa mibeeri gwaleél nee gwaleél AAKOÓ MUNGÚ guna harati'iít, guri báy, «Aníng a Munguú Aleesleemusmo. Dir'eé' wa hootang, masók tu xaslxaansli wásl.

2 QOM'I 16:14

Kuri foól baraá baa'adá' aa foól baraá tlaa/arí alé, tidár baraá gixsár Daudi. Kuri qaatiís baraá sandakmoó ta mooyángw daa'awemaá dimbadimbé qamaamín, nee asltá ur kari oohiís as ilaiwa/amerós.

YOBU 3:17

Baraá /aantaaro múk tlákw tlakweemaaín gi baloó tleehhiiká, nee múk aa slaaqamiit i hungu/uus.

WARA'AMI 37:37

Heé ganaá' ló'wa alhooreeseek, heé inkihhím ga/aaweek. Asma heé tsá', yaeemirós ka tleer.

DAHARUSMO 12:7

Dír kuúng tara baraá hhapeérí ki/iká, nee dír qeeru ira ki/iiká amór Munguúdá' ngwa haniis.

ISAYA 14:18

Waawitá sleémeero oo xoordu kuna foliít ar xirif, umuúqo waawutmoowo baraá /aantaarós.

ISAYA 26:7

Loohír heé hota ganaá' i alqoón, kuúngudá' ganaá' loohír heé hota ganaá' a gan'ás.

YEREMIA 6:16

AAKOÓ MUNGÚ i kaahi, «Sihhiité' dír waatsarár loohi, nee ta qaytsitá', nee muruudá' aáng aa tleehharuumiit yaahasaak. Leelehhaak didár loohír ganaa' i diri', ka eehadá', daqaní kuungá' wayda u sleerá' baraá munerhunge. Ala inooín i kaahiya', ‹Atén loohisíng a eeharanaaká.›

ESEKIELI 32:25

Waawutmoó Elamu kwaa qaás dinkwa nee slaqwaruuseerós tidá' taa tsuú/ baraá slaqwarár wa alé. Inós kwaa harweér nee /aantaá slaqwaruuseerós tidá' taa tsuú/ baraá slaqwarár wa alé, nee kudá' sleémeero taa hheehhe'eesiiká. Qoomár iwa slafiya' muu nguna daandeemo feehhamiisiyé', nee hám daxta ta diirí, ki mureekeemiis dinkwa nee mukdá' taa tsuú/ baraá slaqwarár wa alé.

DANIELI 12:13

«Ala kuúng, aá Danieli, tláw, hoót ay dír tay gwa', ta hungu/ús baraá /aanta, nee qoomaadá' birna xeér, tu waslee/atis, nee turi aalirók i haniis.»

Matayo 25:21

Aakoowós iri oó', ‹I qoón, kuúng a lawaalmoó hhoó' nee oo inkihhím. Kuúng tu inkihhím baraá tidá' niina tuy saayini. Án kuúng u muruú yaariír i saayiím daxta. Qwál daháng baraá qwal/uueé'.›

Luka 1:6

Inooín tsaraawo a múk hota ganaá' dír geeraá Munguhe, hara'ayár Aako sleémeero kana óh, nee axweesantós adoodá' ir hariin.

Luka 16:22

«Narkutmoodá' iri gwaá', malayke guri húp ay dír geeraá Abrahamu. Daqaarmoodá' iri gwaá' sleeme, kway foól.

Luka 2:29

«Aáko, daxta sagadiyusmoowók ya/aámár gwa'ara ngi slay ar wayda adoodá' kara ó',

Luka 7:50

Ala Yesu /ameenidá' gari báy, «Haratlintaaoorók iga ba/amís. Tláw ar wayda.»

2 korinto 5:1

Asma atén a xuaán heémaarén tí tawa hootaan baraaká' yaamuwo, bira hhitirút, atén do' u koomaán gawaá dooriwo, kudaádá' Mungú aa tleéhh. Do'wí a doó alhhe'eesay wásl, oo taa tleehhiiká ar dabaá muu.

2 korinto 5:8

Atén haraxu'uti a ló'wa koomaán, nee gár ta sla'aan ló'wa ale a masók hotaangwí oo slaqoorén kuwa mawaan, tari hootaá awaán dír Aako.

Filipi 1:23

Aníng a baraá waatsaraárí dirií'. Aníng a ló'wa slaá' niwa tlaw, niwa hotángw aw amór Kristo, asma adoorí a tsiní kángw kilá' wa ale.

Geehhoeemaá 14:13

Aluuwo afór gawaá dooraá daahh ngiri axaás i kat, «Gooimeek, ‹Múk amohhoó' a kudá' qaátl baraá Aakoó i alé iimír hamí.› » Qeeru iri oó', «A ló', asma inooín ta hunguu/ alaá daawitimer'ine. Asma tlehhemi'ii'ín ti alkoná' nee inooín.»