ISAYA 57:12 - Biblía Axweesantá Hhohho' ar Mungú 2004

¹² Aníng gana'amuuhúng un alki/iít nee gadiyérhunge, ala inooín gár nuwa buiya' i káhh.

ISAYA 57:12 Iomraidhean Croise

ISAYA 29:15

«Tsaxwaaín mukdá' axweesanay'ín gu dír AAKOÓ MUNGÚ wa lu/u/uúm, nee mukdá' tlehhmi'ii'ín baraá giwtírí diriiá', mukdá' káh, ‹Heé atén ti ga/áw a heemá? Heé atén ti xuú' a heemá?›

ISAYA 44:9

Muu sleémeero kudaá slaqsa'aá munguaá tlehhiít a gár tawo ló'wa ale, muruuwí ta saqwalaala/i gár ngiwa bui i káhh. Mukdaáduú munguiiká lamabu'uumá' inooín a taampu nee gár i xuiya' i káhh. Inooín ki mureekees.

ISAYA 58:1

AAKOÓ MUNGÚ i kaahi, «/Aá/ ló'wa ale, ma xaslitaar, tseé' adór tarumbeéta. Muk'eé' dakuúsar'ín ti alki/it, Tlakweemaá doó Yakobo ooeek.

ISAYA 64:5

Kuúng mukdá' hotaá ganaa'á' gi ar hoót nee gi saqwalalaá/ un ilaaót, kudá' kuúng u inslaslaawá' nee lohduuwoge. Ga/aaweek, tina i gahhát qoomár tawa múk tlakuuse. Atén ana dee/anutaán afiqoomár yaariire. Axáy tiqo ba/amísa?

ISAYA 65:7

AAKOÓ MUNGÚ i kaahi, «Tlakweemaaín nee awa baabi'ii'ín in dinkwaárí buú'. Asma inooín mooyángw tsuú' nguna gawaá tlom'ií wa da/a/ané', ina gawaá gongoamoó wa /ooslisliné'. Aníng qoomoó haáts un dir'ín i qoomeés, kin buu' as tlehhmi'ii'ín kudaá aáng naa tleehhiyé'.»

ISAYA 66:18

Asma aníng tlehhmi'ii'ín i xuú' nee inslaway'ine, aníng xoordu sleémeero nee tsifrír dimbadimbé an burumbuúr. Inooín niri hardihiyá' xirfueé' nguri ariyá'.

YEREMIA 10:11

Naagáy ki beera', «Munguaá doori nee yaamu nga tlehhi'iiká i hhaná'. Inooín kin hhaamiis baraá yaamuwo.»

YEREMIA 10:14

Umuúqo heewo ku iimiboó/ nee i fuqurángw konká. Umuúqo kareeramoó sahaábuú kwahhuuta ku mureekees nee slaqsi'iiwós kudae, asma slaqsi'iidá' a lamtá tawo, i slafíngw kon'aaká.

YEREMIA 10:15

Inooín an muruú tawo, gadiyer'ín a al/aymár tawo, qoomár birka slahhtá áy i hhaná'.

YEREMIA 51:18

I gaa buiiaaká, a lamtá tawo, qoomár sakwasleemar'ine i hhaná'.

Matayo 23:13

«Ala kuungaá intsaahhatuusér hara'ayár Mose nee múk Farisayo awa hhaahafuuse, a tsaxwaahúng. Asma kuungá' afkú doó waawuti'iimár Mungú una tsegé' as muu miwa dáh. Gím kuungá' kilá' a ak data'aaká, slám mukdá' daráh u ak geemeera'aaká iwa dahi. [

Matayo 23:5

Asma tlehhemi'ii'ín sleémeero kin tlehhiit as muu ngiwa ga/ay. Inooín slambaré/uuín kuduú firo ngun dogiitiyá' nee hirituú tsaafoó inqwaruuín ngun ureemisiyá'.