ISAYA 57:11 - Biblía Axweesantá Hhohho' ar Mungú 2004

¹¹ Xáy, heé kuungá' nu dae tlaáq a heemá? Tam lameemo kiri tlaqé', aníng iri insleeri'iiká, tam aníng iri meeré' baraá inslawayhunge. Aníng iimír aange aga dir'eéní xasliitiikáhe, nee an gár kuúng is ilaiwawa/ká doóqa.

ISAYA 57:11 Iomraidhean Croise

WARA'AMI 50:21

Adoorí an adoodá' taa tléhh, aníng nay xasliít. Kuúng kawa xu' aníng aqo adór kuúng. Ala aníng kuúng u iigahhaát, muruuwí sleémeero ngu geehhoeés dír geeraawógí alé.»

WARA'AMI 78:36

Ala nguna al/aginé' ar afer'ín, kway lamtá babáy afer'ine.

AXWEESANOÓ SAGALOOA 29:25

Muu bur da'ayumít a dát baraá tsaxwa Ala heé AAKOÓ MUNGÚ gu harahhiíf ku amohhoó'.

DAHARUSMO 8:11

Gár muu is kumamiti tlakweema tlehhtuwo, asma tlakweema ki gaanslár sakwasleemutiiká.

ISAYA 26:10

Ala tam sla'aari ka tleehhi dír heé tlaákw, inós hotaá ganaa'á' gi baloó ado slayká, tam baraá yaamaá múk hota ganaa'a inós tlakweema giqo tleehh, nee uroó AAKOÓ MUNGÚ gu tsatsahhanká.

ISAYA 30:9

Asma mukwí a múk aa dee/aanuut, inooín a na/aá lamuuse, a na/aá intsaahhatisár AAKOÓ MUNGÚ ngi sla'aa'aaká axaasaro.

ISAYA 42:14

Har afiqoomár yaariire aga xasliít, aga tawo xasliít, tiri il/aám, ala hamí a /aá/ adór /ameenír dír asltá xwayla, tidá' /iif hiinsluú urene.

ISAYA 44:20

Inslawaywós i baraá gaadaádá' da/ara tleehhiit kilós. Heé adór kwí aa hhitiruút ti baloó ba/amisiiká, laqaá sleeme i kaahiiká. «Gaarír gawaá dakw'eé' oo doó /iyáy a lamtookáhe.»

ISAYA 47:7

Kiíng ana kilók ó', ‹Aníng a waawuto'o daqisleém.› Ala muruuwí ugwa baraá muunaáwók i qasiká, tam alhhe'eesaywós ugwa insleeriiká.

YEREMIA 2:32

Xáy, dasír /amatliito'o parootirós gaqo gunqaarésa, laqaá dasír ta duxuuti tlabaawós giqo gunqaarésa? Ala muk'eé' aníng iga gunqaareés har afiqoomár deelór yaariir.

YEREMIA 3:21

Tsimaahhi an gawaá sagér tlom'i axamisaán, tsuunqusmo nee /aa/aá na/aá Israeliwo. Asma loohír ganaa' ngina dakuusiyé', AAKOÓ MUNGÚ, Munguúín, nguna gunqaaresiyé'.

YEREMIA 38:19

Waawutmo Sedekia Yeremia guri báy, «Aníng mukduú Yahudi aa haragwaa' amór múk Kaldayo u daimiít, wané aluuwo aníng ti dir'ín i haniis, tiri slahh'eemiis.»

YEREMIA 41:18

asma tawa múk Kaldayo da'ayumiti. Asma Ishmaeli garmoó Netania, Gedalia garmoó Ahikamu, kudá' taa qaás ga/aawusmoó wa alé nee waawutmoó Babuloni nguwa gaás.

YEREMIA 42:20

aga qwadé' nee slafingwhúng ugwa baraá tsaxwáy hubé'. Asma kuungá' aníng ina ya/abé' dír AAKOÓ MUNGÚ, Munguúhúng, tawa kata', ‹Ti aleefiriin dír AAKOÓ MUNGÚ, Munguúrén, tidá' niqo sa ooi, kuúng ngi ó', atén a tleehhaán.›

ESEKIELI 13:22

«Kuungá' múk hota ganaá' ugwa daba' tlaqé' ar lameemoohúng, oo aníng naa diqiya' tsatiiká, nee múk tlákw kuri /uurií hanisé', tlakweema tlehhtuuwo tari kumiít, nee slafingw'ín kuri ba/amisiiká.

HOSEA 11:12

Múk Efraimu iga lamtár gaás, nee múk Israeli a al/aymuuse, ala Yuda tam hamí in tawo babaqaamiis dír Munguhe, dír inósuudá' hhoohhoó', kudá' inkihhím.

Matayo 25:25

Aníng ana da'ayuút, talaántarók ngiri yaamií foól. Xuuxueek, talaántarók tidá' ooheek.›

Tlehhema'aá ya/Abuuse 5:3

Petro iri oó', «Ananía, ahaá, Neetlaangw muunaáwók musungwa hatsiís, tam Qeeruú hhoohhoó' oo Mungú kuri lamtá beér, nee hariímadá' taa sleér yaamu kiwa weerís kari bahh ilá/.

2 Tesalonike 2:9

Heedá' Tlaákw nin hardah ar /uuruú Neetlaangw, nee inós umuúqo waa/oo/amooro ga tleehh, nee layaá al/aymaaro.

1 Timoteo 4:2

Intsaahhasarí amór i dahh a amór mukduú lamuuse. Afoodá' hho' ar baraá muner'ín aa hhitirút adór gár taa daá/ ar muqslír da/a/aam.

Geehhoeemaá 21:8

Ala mukduú da'ayuuse, nee kudá' naa haratlinti'ii'iiká, nee kudá' buhhtimisá', nee mukdá' múk tsuú/, nee múk fuquuse, nee da/aluuse, nee múk munguaá hatlá' haratlintaatií', nee lamuuse sleémeero, dir'ín a baraá tlawtadá' asltá kiberiíti iwa ohahiin. Gaarí an gwa'arár tsár.»

Geehhoeemaá 22:15

Amór tsee/aá gixsaro seeaawe i deer, nee da/aluuse, nee fuquuse, nee tsu/utuuse nee kuduú munguaá hatlá' haratlintaatií', nee mukdá' sleémeero axweesanoó lama gwa intsaahh axweesanto.