ISAYA 57:10 - Biblía Axweesantá Hhohho' ar Mungú 2004

¹⁰ Kuungá' loohír tleer naa qaroó slaaqatimís ala kuungá' a kat'aaká, «Gaarí a gadiyér tawo.» Kuungá' /uuruú /abén kuri sleeré' an gár tasa /ararandi'iiká.

ISAYA 57:10 Iomraidhean Croise

ISAYA 47:13

Kiíng taa baál nee hara'ayuuseerók tidá' yaariir, gimáy i sihhiitiye' kiíng i ba/amisiye', inooínaadá' doori nee tsatse/uuwo ngi xuuxu'uumá', nee umuúqo slahhángw ti'iita muruú kiíng i sláw ngun aaririná'.

YEREMIA 18:12

Ala inooín i kaahiya', ‹Tisíng a tawo. Adoorén tidá' ta sla'aan an eeharaán, nee umuú heewo in hoot ar adór aa ár baraá muunaáwós kudá' tlaakwe.› »

YEREMIA 2:25

Múk Israeli, kuungá' ya/ataahúng hi'iitanoro mindiwa tawo faakiyé', laqaá hheehharók miwa tawo kát! Ala kuúng a kat, «Harahhifo i káhh tam ar niiná, asma munguaá múk hatlá' ina ló'wa slaá', aníng inooín in eehár.»

YEREMIA 2:36

Ahaá waáy, gár tisa adoorír inslaahhés, tleehhmi'iiwók kis adoosír warqeemis? Tu mureekees nee múk Misri adoodá' tura mureekeés nee múk Ashuru.

YEREMIA 3:3

Gawaá adoorihe baafáy i taxatiiká, tam tluwoó saxi i tluwiiká. Tam adoorihe ilaahúng ki gawden adór kuqaá tsaatuso'o, mure tam ar niiná i káhh.

YEREMIA 5:3

AAKOÓ MUNGÚ gár i leelehhiiti a inkihhimu. Iga mak múx kár ala naa faxati'iiká. Ina mak da/aa/aán ala nanaaqa ngaa ya/ani'iiká. Inooín ki mune gawden tlaa/a ba/a, nee tlakweema hhu'u'uungo naa si'iyé'.

YEREMIA 9:5

Umuú heewo inslaawmoowós gun lámtí tlaaq, heé looeema gi káh i kaahh, inooín afer'ín ngina algeemayé' lama ngiwa axwes. Inooín tlakweema ngina tlehhahhitiyé', tam hhu'u'uungo ngiri harslaaqatiyé'.»

ESEKIELI 24:12

Ala aníng aqo gadiyér tawo an tleéhh, kuútuuwós ku ló'wa úr tam asla gu aleesleeraaká.

HABAKUKI 2:13

Ga/aawaagáy gaarí amór i dahh a amór AAKOÓ MUNGÚ Aleesleemusmo. Tí muu iwa daawimiti as gár asla i fak nee xoordu gadiyér tawo gaa fák.

Rumi 7:9

Aníng aáng a slaáf, niwa hara'ayár koomaaká. Nee hara'aya niwa hardát tlakweema niri slafiyé',